ព័ត៌មានជាតិ
ដំណើរការសិក្សារបស់សិស្សនៅក្នុងខណ្ឌព្រែកព្នៅ ស្ថិតក្នុងស្ថានភាពល្អប្រសើរ
ក្នុងកិច្ចប្រជុំសាមញ្ញលើកទី២៨ អាណត្តិទី៣ របស់ក្រុមប្រឹក្សាខណ្ឌព្រែកព្នៅ នាព្រឹកថ្ងៃទី២៩ ខែកញ្ញា ឆ្នាំ២០២១នេះ លោក ជា វីរៈ អភិបាលរងខណ្ឌព្រែកព្នៅ បានលើកឡើងថា បន្ទាប់ពីដំណើរការសិក្សាតាំងពីថ្ងៃទី១៧ ខែកញ្ញា មកនោះ សម្រាប់សិស្សថ្នាក់ទី៩ និងទី១២ នៅតាមវិទ្យាល័យ និងអនុវិទ្យាល័យនានា ក្នុងខណ្ឌព្រែកព្នៅ មកទល់ពេលនេះ បានប្រព្រឹត្តិទៅដោយរលូន ពុំមានបញ្ហាអ្វីគួរឲ្យកត់សម្គាល់ឡើយ ពោលគឺពុំមានការផ្ទុះឡើង ឬការចម្លងរាលដាលនៃជំងឺកូវីដ១៩ ណាមួយនោះទេ។
លោក ជា វីរៈ បានបញ្ជាក់ថា ក្រោមការដឹកនាំដ៏ឈ្លាសវៃរបស់ប្រមុខរាជរដ្ឋាភិបាល ក្រសួងសុខាភិបាល ពិសេស គណៈអភិបាលរាជធានីភ្នំពេញ គឺមុននឹងចាប់ផ្ដើមដំណើរការសិក្សា យើងបានធ្វើតេស្ដសំណាក រកមេរោគកូវីដ១៩ ទៅលើអ្នកពាក់ព័ន្ធទាំងអស់ ដែលមានសិស្ស មាតាបិតាសិស្ស ប្រជាពលរដ្ឋជាអ្នកលក់ដូរ នៅតាមផ្សារក្រមួន សហគមន៍ ព្រមទាំងអ្នកមានហានីភ័យខ្ពស់ផងដែរ ដោយធ្វើឡើងចំនួន២ទីតាំង នៅក្នុងខណ្ឌព្រែកព្នៅ ១ទីតាំងប្រមាណ២ពាន់នាក់ ហើយយើងបានរកឃើញវិជ្ជមានកូវីដ១៩តិចតួចបំផុត គឺក្នុងចំណោម២ពាន់នាក់ រកឃើញវិជ្ជមានកូវីដ១៩ តែ៥ទៅ៦ករណីប៉ុណ្ណោះ។
លោកបានបន្ដថា ក្នុងដំណើរការសិក្សានេះ យើងក៏បានចុះត្រួតពិនិត្យដោយមិនជូនដំណឹងជាមុនលើ វិទ្យាល័យសម្ដេចតេជោហ៊ុន សែន សំរោង, វិទ្យាល័យជាស៊ីម ឈូកវ៉ា និងវិទ្យាល័យបឹងប្រីយ៍ ឃើញថាមានអនាម័យ បរិស្ថានល្អ មានការរៀបចំស្អាតបាត និងបន្ទប់រៀនមានសិស្សមិនលើសពី១៥នាក់ ដោយគោរពនូវវិធានសុខាភិបាល ពាក់ម៉ាស់ មានអាល់កុលជែល និងសាប៊ូសម្រាប់លាងដៃផងដែរ។ក្នុងស្ថានភាពបែបនេះ យើងអាចវាយតម្លៃបានថា នៅដំណាក់កាលទី២ឆាប់ៗនេះ យើងនឹងអាចបើកដំណើរការសិក្សាចំពោះថ្នាក់ទី៧ទី៨ ថ្នាក់ទី១០និងទី១១ បន្ដទៀតបាន។
ក្នុងឱកាសនោះលោក សុខ សម្បត្តិ អភិបាលនៃគណៈអភិបាលខណ្ឌព្រែកព្នៅ បានមានប្រសាសន៍ថា ការសិក្សាតាមប្រព័ន្ធអនឡាញ គឺមិនមានគុណភាព ដូចការសិក្សាដោយផ្ទាល់នៅក្នុងថា្នក់រៀនជាមួយគ្រូផ្ទាល់នោះឡើយ ដូចនេះហើយបានជាប្រមុខរាជរដ្ឋាភិបាល សម្ដេចតេជោខិតខំរិះរកវិធីសាស្ដ្រគ្រប់បែបយ៉ាងរួមទាំងចាក់វ៉ាក់សាំងឲ្យយុវជននិងកុមារយើងផង ដើម្បីបង្កលក្ខណៈឲ្យសិស្សានុសិស្សបានចូលសិក្សាក្នុងថ្នាក់ឡើងវិញ។
ក្នុងនោះផងដែរលោកអភិបាលខណ្ឌក៏បានលើកឡើងដែរថា ចំពោះការផ្អាកការរៀបចំពិធីបុណ្យកាន់បិណ្ឌ និងភ្ជុំបិណ្ឌ ដើម្បីទប់ស្កាត់ការឆ្លងរាលដាលនៃជំងឺកូវីដ-១៩ សម្រាប់ខណ្ឌព្រែកព្នៅ ដែលមានវត្តចំនួន១៨ បានធ្វើសំណាករកមេរោគកូវីដ១៩ ទៅលើព្រះសង្ឃ និងអ្នកដែលស្នាក់នៅក្នុងវត្ត ដោយរកឃើញវិជ្ជមាន២អង្គ និង១នាក់ បានបញ្ជូនទៅព្យាបាលរួចហើយ និងបានបាញ់ថ្នាំសម្លាប់មេរោគរួចរាល់ដែរ។ សម្រាប់ស្ថានភាពនៅតាម ទីអារាមមកទល់ពេលនេះមានលក្ខណៈល្អប្រសើរ ដោយប្រជាពលរដ្ឋអាចយកចង្ហាន់ប្រគេនព្រះសង្ឃបាន ដែលព្រះសង្ឃរង់ចាំទទួល និងវេរចង្ហាន់ គ្រឿងសម្ភារៈទាំងនោះនៅមាត់ទ្វាររបងវត្តតែម្ដង។
ទោះយ៉ាងណាមកទល់ពេលនេះ ព្រះសង្ឃនៅក្នុងវត្តទាំង១៨ ពុំមានវត្តណាដែលព្រះសង្ឃខ្វះខាត ចង្ហាន់នោះឡើយ៕
អត្ថបទ៖ ឧត្តរ៉ា
យីហោល្បីៗសម្រុកផ្ដាច់កុងត្រាពាណិជ្ជកម្មគ្មានសល់ ក្រោយ Han So Hee ចម្រូងចម្រាសស្នេហាត្រីកោណ
ឯកឧត្ដម ហ៊ុន ម៉ានី អញ្ជើញបើកវគ្គបណ្ដុះបណ្ដាលស្ដីពី «ភាពជាអ្នកដឹកនាំ និងនវានុវត្តន៍ ជំនាន់ទី ៦»
ថៃ មិនទាន់មានលុយគ្រប់ ៤៧០ លានដុល្លារទិញនាវាមុជទឹក
រដ្ឋមន្ត្រីក្រសួងសាធារណការចេញយន្តការ ៥ ចំណុច ទប់ស្កាត់សកម្មភាពអនាធិបតេយ្យតាមដងផ្លូវ
អាវុធហត្ថខេត្តបាត់ដំបង ឃាត់ខ្លួនជនសង្ស័យ២នាក់ ករណីប្រើប្រាស់ឯកសណ្ឋាន និងក្លែងបន្លំឯកសារកងទ័ព
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
កីឡា៥ ថ្ងៃ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ agoដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ agoមនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ agoនាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង