ព័ត៌មានជាតិ
គណៈកម្មាធិការសមាគមអតីតយុទ្ធជនខេត្តកំពង់ធំប្រគល់ថវិកាធានារ៉ាប់រងសង្គមជិត១០០លានរៀលជួន គ្រួសារសពអតីតយុទ្ធជន១០គ្រួសារ
កំពង់ធំ ៖ ឧត្ដមសេនីយ៍ទោសោម ស៊ុន ប្រធានគណៈកម្មាធិការសមាគមអតីតយុទ្ធជនខេត្តកំពង់ធំ និងលោកជា គឿន អនុប្រធានមន្ទីរ សង្គមកិច្ចអតីតយុទ្ធជន និងយុវនីតិសម្បទា បានអញ្ជើញប្រគល់ថវិកាជិត១០០លានរៀល ប្រគល់ជូនគ្រួសារសពអតីតយុទ្ធជន១០គ្រួសារ នៅរសៀលថ្ងៃទី២៩ ខែកញ្ញា ឆ្នាំ ២០២១ នៅផ្នែក សឹករងស្ទឹងសែន សង្កាត់អាចារ្យលាក់ នៅក្រុងស្ទឹងសែន ខេត្តកំពង់ធំ។
លោកជា គឿន អនុប្រធានមន្ទីរ និងលោកស្រីកែវ ចន្ឋូ ប្រធានការិយាល័យ បេឡាជាតិអតីតយុទ្ធជន ខេត្តកំពង់ធំ បានឲ្យដឹងថា ថវិកាដែលគ្រួសារសពអតីតយុទ្ធជននីមួយៗ ទទួលបានថវិកានេះ មានការខុសគ្នា របស់ក្រុម គ្រួសារសពនីមួយៗ តាមឋានន្តរសក្ដិ និងរយៈពេលនៃការបម្រើការងាររបស់អតីតយុទ្ធជន។
ឧត្ដមសេនីយ៍ទោសោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ បានឲ្យដឹងថា ប្រាក់ធានារ៉ាប់រង សង្គម របស់រាជរដ្ឋាភិបាល ចំនួន៩០.០៧៣.៥៦០រៀល សម្រាប់ប្រគល់ជូនគ្រួសារសពអតីតយុទ្ធជន ចំនួន១០គ្រួសារ និងបានសម្តែងនូវការសោកស្ដាយ ចំពោះការបាត់បង់អតីតយុទ្ធជន ដែលធ្លាប់រួមរស់ជាមួយគ្នា នៅ ក្នុងសមរភូមិនាសម័យសង្គ្រាមកន្លងមក និងចូលរួមសោកស្តាយ ការបាត់បង់ស្វាមី ដែលបានទទួលមរណភាព ដោយសារជំងឺរ៉ាំរ៉ៃ បន្សល់ទុកពីសម័យសង្គ្រាម និងសូមបួងសួងដល់វិញ្ញាណក្ខន្ធបងប្អូនអតីតយុទ្ធជនសូមបាន ទៅកាន់សុគតិភព កុំបីឃ្លៀងឃ្លាតឡើយ ។
ឧត្ដមសេនីយ៍ ទោ សោម ស៊ុន បញ្ជាក់ពីការយកចិត្តទុករបស់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ប្រធានសមាគមអតីតយុទ្ធជនកម្ពុជា ចំពោះអតីតយុទ្ធជន ទី១: បងប្អូននៅមានជីវិតទទួលបានប្រាក់បៀវត្សរ៍ប្រចាំខែ តាមប្រព័ន្ធធានាគារ ទី ២ : ពេលមានជំងឺបងប្អូនអតីតយុទ្ធ ជនយើងមានប័ណ្ណបេឡាជាតិសន្តិសុខសង្គម ដោយរដ្ឋជាអ្នកចេញថ្លៃព្យាបាលជំងឺជូននៅ ន្ទីរពេទ្យរដ្ឋនានា ទី ៣ : បងប្អូនមរណភាព ក្រុមការងារសមាគមអតីតយុទ្ធជន នាំយកប្រាក់បេឡាមរណសង្គ្រោះបួនលានរៀល ជូនដល់ផ្ទះ សម្រាប់ធ្វើបុណ្យសព។
និងបានសំណូមពរគ្រួសារសពអតីតយុទ្ធជន ក្រោយពេលទទួលបានថវិកានេះ ត្រូវខិតខំប្រឹងប្រែងដោះស្រាយ ជីវភាពគ្រួសារ បង្កើតមុខរបររកទទួលទាន ដើម្បីចិញ្ចឹមជីវិត ត្រូវបន្តអនុវត្តនូវវិធានការ របស់ក្រសួងសុខាភិបាល ពិសេស វិធានការ ៣ ការ ពារ និង ៣កុំ របស់សម្តេចតេជោ ហ៊ុន សែន៕
ដោយ ៖ ប៊ុន រដ្ឋា
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?