ព័ត៌មានជាតិ
៨ខែឆ្នាំនេះ CDC អនុម័តគម្រោងវិនិយោគ ក្នុងវិស័យកសិកម្ម និងកសិ-ឧស្សាហកម្មចំនួន ៣៧៦គម្រោង
លោក សុខ ចិន្តាសោភា រដ្ឋមន្ត្រីប្រតិភូអមនាយករដ្ឋមន្ត្រី និងជាអគ្គលេខាធិការក្រុមប្រឹក្សាអភិវឌ្ឍន៍កម្ពុជា (CDC) បានឲ្យដឹងថា គិតត្រឹមខែសីហា ឆ្នាំ២០២១ CDC បានអនុម័តចុះបញ្ជីគម្រោងវិនិយោគ ក្នុងវិស័យកសិកម្ម និងកសិ-ឧស្សា ហកម្មចំនួន ៣៧៦គម្រោងក្នុងទុនវិនិយោគសរុបប្រមាណ ៩.៧ពាន់លានដុល្លារអាមេរិក។
លោក សុខ ចិន្តាសោភា បានឲ្យដឹងដូច្នេះ នៅក្នុងពិធីចុះហត្ថលេខា លើអនុស្សារណៈយោគយល់គ្នា ស្តីពី ការរៀបចំ ហិរញ្ញប្បទាន សម្រាប់គាំទ្រការប្រតិបត្តិការរបស់តុវិនិយោគ កសិ-ចំណីអាហារ នៅក្រុមប្រឹក្សាអភិវឌ្ឍន៍កម្ពុជា(CDC) ក្នុងក្របខ័ណ្ឌកម្មវិធីខ្សែច្រវ៉ាក់តម្លៃកសិកម្មកម្ពុជា-អូស្រ្តាលី (CAVAC-II)នៅថ្ងៃទី២៩ ខែកញ្ញា ឆ្នាំ២០២១ តាមប្រព័ន្ធវីដេអូ Zoom។ អនុស្សារណៈយោគយល់គ្នានេះ ត្រូវបានចុះដោយក្រុមប្រឹក្សាអភិវឌ្ឍន៍កម្ពុជា CDC, ក្រសួងកសិកម្មរុក្ខាប្រមាញ់ និងនេសាទ, ក្រសួងការបរទេស និងពាណិជ្ជកម្មអូស្ត្រាលី។ នេះបើយោងតាមសេចក្តីប្រកាសព័ត៌មាន របស់ក្រុមប្រឹក្សាអភិវឌ្ឍន៍កម្ពុជា។
ពិធីចុះហត្ថលេខា លើអនុស្សារណៈយោគយល់គ្នានេះ ជាព្រឹត្តិការណ៍សំខាន់ បានបញ្ជាក់ឡើងវិញ ពីការប្តេជ្ញាចិត្តក្នុងការជំរុញវិនិយោគ ក្នុងវិស័យកសិ-ចំណីអាហារជាអាទិភាព ដើម្បីរួមចំណែកដល់ការរក្សាបាន នូវសុវត្ថិភាពម្ហូបអាហារ ការបន្ថយភាពក្រីក្រ តាមរយៈការបង្កើតការងារបន្ថែម និងកំណើនសេដ្ឋកិច្ច និងចីរភាពបរិស្ថាន។ អនុស្សារណៈយោគយល់គ្នានេះ នឹងក្លាយជាឧបករណ៍សារៈសំខាន់ ក្នុងការរួមចំណែកដល់ការជំរុញវិនិយោគ និងលើកកម្ពស់ការអភិវឌ្ឍ ក្នុងវិស័យកសិ-ចំណីអាហារ ព្រមទាំងធ្វើឱ្យប្រសើរឡើង នូវភាពប្រកួតប្រជែង ក្នុងវិស័យកសិកម្ម។
ការប្រតិបត្តិរបស់តុវិនិយោគកសិ-ចំណីអាហារ នៅក្រុមប្រឹក្សាអភិវឌ្ឍន៍កម្ពុជា នឹងជួយពង្រឹងមូលដ្ឋានកាន់តែរឹងមាំនៃវិស័យកសិ-ចំណីអាហារ ឱ្យកាន់តែមានភាពធន់នៅកម្ពុជា តាមរយៈការធ្វើពិពិធកម្មធនធាន និងទម្រង់នៃការវិនិយោគ ដែលប្រើប្រាស់បច្ចេកវិទ្យា និងនវានុវត្តន៍នៅក្នុងវិស័យនេះ ខណៈបង្កើតការងារ ដែលមានតម្លៃបន្ថែមកាន់តែខ្ពស់ដល់ប្រជាជនកម្ពុជា ក្នុងវិស័យកសិ-ចំណីអាហារ។
លោក សុខ ចិន្តាសោភា រដ្ឋមន្ត្រីប្រតិភូអមនាយករដ្ឋមន្ត្រី និងជាអគ្គលេខាធិការ CDC ថ្លែងអំណរគុណយ៉ាងជ្រាលជ្រៅដល់ក្រសួងការបរទេស និងពាណិជ្ជកម្មអូស្ត្រាលី តាមរយៈស្ថានទូតអូស្ត្រាលីប្រចាំនៅកម្ពុជា ដែលផ្តល់ជំនួយបច្ចេក ទេស ដល់ក្រុមប្រឹក្សាអភិវឌ្ឍន៍កម្ពុជា និងក្រសួងកសិកម្ម រុក្ខាប្រមាញ់ និងនេសាទ ដើម្បីធ្វើសកម្មភាពជំរុញការវិនិយោគ ក្រោមកម្មវិធីច្រវាក់តម្លៃកសិកម្មកម្ពុជា-អូស្រ្តាលី(CAVAC -II)។ បន្ថែមលើនេះលោក សុខ ចិន្តាសោភា បានវាយតម្លៃខ្ពស់ ចំពោះស្ថានទូតអូស្ត្រាលីប្រចាំនៅកម្ពុជា សម្រាប់តួនាទីក្នុងការផ្តល់ជំនួយបច្ចេកទេសដើម្បីពន្លឿនការស្តារឡើងវិញ នូវសេដ្ឋកិច្ចកម្ពុជា ក្នុងគន្លងប្រក្រតីភាពថ្មីក្រោយវិបត្តិកូវីដ-១៩។
ទន្ទឹមនេះច្បាប់ថ្មី ស្តីពី ការវិនិយោគនៃកម្ពុជា នឹងផ្តល់ការលើកទឹកចិត្តឆ្លាតវៃដល់ការវិនិយោគ តាមវិស័យខណៈដែលការវិនិយោគ ក្នុងវិស័យកសិកម្មនិងកសិ-ចំណីអាហារត្រូវ បានកំណត់ជាវិស័យអាទិភាពដែលត្រូវជំរុញ និងលើកកម្ពស់ផលិតភាពបន្ថែមទៀត ដើម្បីធានាថាវិស័យទាំងនេះ នឹងមានភាពធន់ និងចីរភាពក្នុងការរួមចំណែកដល់ការរក្សា លំនឹងសេដ្ឋកិច្ចឆ្លើយតបទៅនឹងវិបត្តិជំងឺកូវីដ១៩។
លោក ប៉ាប្លូ កាង ឯកអគ្គរាជទូតអូស្ត្រាលីប្រចាំនៅកម្ពុជា បានគូសបញ្ជាក់ពីការប្តេជ្ញាចិត្ត របស់រដ្ឋាភិបាលអូស្ត្រាលីក្នុងការគាំទ្រ ដល់ដំណើរការអភិវឌ្ឍសេដ្ឋកិច្ចកម្ពុជាជាពិ សេសការលើកកម្ពស់ផលិតភាព ក្នុងវិស័យកសិកម្មតាមរយៈការរួមគ្នា ជំរុញការវិនិយោគក្នុងវិស័យកសិ-ចំណីអាហារ។ លោកបានបន្ដថា ការផ្តល់ហិរញ្ញប្បទានដល់ការប្រតិបត្តិរបស់តុ វិនិយោគកសិ-ចំណីអាហារ របស់ក្រុមប្រឹក្សាអភិវឌ្ឍន៍កម្ពុជា ពេលនេះជាការចូលរួមបន្ថែមទៀត របស់អូស្ត្រាលី ក្នុងការជួយបំពេញបន្ថែមដល់កិច្ចខិតខំប្រឹងប្រែង របស់រាជរដ្ឋា-ភិបាលកម្ពុជាក្នុង ការជំរុញទាក់ទាញ និងថែរក្សាការវិនិ យោគ ក្នុងវិស័យកសិកម្មកសិ- ធុរកិច្ច និងកសិ-ចំណីអាហារ៕
អត្ថបទ៖ ណារី
-
ព័ត៌មានជាតិ១៤ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)