ព័ត៌មានជាតិ

គិតត្រឹមម៉ោងនេះ ក្រសួងលក់ស្លាកលេខពិសេសផ្ទាល់ខ្លួន បានចំណូលជិត ១៥ លានដុល្លារ

បានផុស

២ years មុន

នៅ

ថ្ងៃព្រហស្បតិ៍ ៣០ កញ្ញា ២០២១

ដោយ

Dy Bunnara

រហូតមកដល់ពេលនេះ ក្រសួងសាធារណការបានលក់ស្លាកលេខពិសេសផ្ទាល់ខ្លួនបានថវិកាជិត ១៥ លានដុល្លារអាមេរិក។

លោកស្រី កុយ សុដានី រដ្ឋលេខាធិការក្រសួងសាធារណការ និងដឹកជញ្ជូន និងជាប្រធានគណៈកម្មាធិការអន្តរក្រសួងគ្រប់គ្រងការលក់ស្លាកលេខពិសេសបានថ្លែងបញ្ជាក់ថា គិតចាប់ពីថ្ងៃទី០៧ ខែមករា ឆ្នាំ២០២០ ដែលក្រសួងដាក់ឲ្យដំណើរការលក់ស្លាកលេខពិសេសផ្ទាល់ខ្លួនបានចំនួន ៧ ៥៧៨ ស្លាក និងទទួលបានចំណូល ១៤ ៩៧៨ ១៥១ ដុល្លារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រីបន្តថា ការដាក់ឲ្យដំណើរស្លាកលេខពិសេសនេះ ក៏ជាផ្នែកមួយជួយកៀរគរចំណូលចូលថវិកាជាតិផងដែរ។

កាលពីថ្ងៃទី០៧ ខែមករា ឆ្នាំ២០២០ ក្រសួងសាធារណការ និងដឹកជញ្ជូន បានប្រកាសដាក់ឲ្យដំណើរការលក់ស្លាកលេខពិសេសផ្ទាល់ខ្លួន ជាជម្រើសបន្ថែមសម្រាប់ម្ចាស់រថយន្ត។ ស្លាកលេខនេះមានលក្ខណៈពិសេសពោលម្ចាស់រថយន្តអាចកំណត់តួអក្សរ និងលេខដែលខ្លួនចង់បានហើយអាចប្រើប្រាស់ជារៀងរហូត។

សម្រាប់តម្លៃនៃស្លាកលេខពិសេសគឺមានចាប់ពី២លានរៀលឬស្មើនឹង៥០០ដុល្លារអាមេរិកឡើងទៅ។ ស្លាកលេខពិសេសនេះ គឺម្ចាស់រថយន្តអាចបញ្ជាទិញដោយដាក់ឈ្មោះផ្ទាល់ខ្លួន ឬឈ្មោះពិសេសណាមួយសម្គាល់អត្តសញ្ញាណខ្លួនឯង ហើយនៅពេលលក់បន្តឬប្តូរម្ចាស់កម្មសិទ្ធិ គឺអាចដកហូតស្លាកលេខនោះចេញ ដោយរក្សាទុកប្រើផ្ទាល់ខ្លួនអស់មួយជីវិត៕

អត្ថបទ៖ ប៊ុណ្ណារ៉ា