ព័ត៌មានជាតិ
ស្ថានភាពជំនន់ទឹកភ្លៀង នៅខេត្តឧត្តរមានជ័យ មិនធ្ងន់ធ្ងរដូចការផ្សាយ តាមបណ្តាញសង្គម
អ្នកនាំពាក្យសាលាខេត្តឧត្តរមានជ័យបានអះអាងថា ស្ថានភាពជំនន់ទឹកភ្លៀងនៅខេត្តឧត្តរមានជ័យក្នុងរយៈពេលចុងក្រោយនេះមិនធ្ងន់ធ្ងរដូចការផ្សព្វផ្សាយនៅក្នុងបណ្តាញសង្គមហ្វេប៊ុកនោះទេ ពោលគឺមិនមានលិចភូមិ និងខូចខាតផលដំណាំរបស់ប្រជាពលរដ្ឋឡើយ។
លោក ឌី រ៉ាដូ អ្នកនាំពាក្យសាលាខេត្តឧត្តរមានជ័យបានមានប្រសាសន៍ នៅព្រឹកថ្ងៃទី ៣០ កញ្ញានេះថា “មកដល់ពេលនេះស្ថានភាពទឹកជំនន់នៅខេត្តបន្ទាយមានជ័យ បានស្រកអស់វិញហើយ ក្រោយមេឃរាំងភ្លៀងរយៈពេល២ថ្ងៃជាប់ៗគ្នាហើយអ្វីដែលឃើញការផ្សព្វផ្សាយតាមបណ្តាញសង្គមហ្វេប៊ុកដែលឃើញទឹកលិចលង់មិនមែនលិចភូមិ ឬផលដំណាំរបស់ប្រជាពលរដ្ឋនោះទេគឺទឹកលិចនៅលើបង្ហៀរស្ពានឬទំនប់តែប៉ុណ្ណោះ”។
លោក បានបន្តថា ភ្ញៀងធ្លាក់ប៉ុន្មានថ្ងៃមុននេះមិនបានបណ្តាលឱ្យលិចលង់ផលដំណាំឬភូមិអ្នកស្រុកនោះទេព្រោះខេត្តឧត្តរមានជ័យសំបូរបឹងធំៗដែលអាចឱ្យទឹកភ្លៀងអាចហូរទៅចាក់នៅតាមបឹងទាំងនោះបង្កឱ្យលិចលង់ធ្ងន់ធ្ងរនោះទេ។
យ៉ាងណាក៏ដោយ លោក ឌីរ៉ាដូបានទទួលស្គាល់ថា មានការខូចខាតផ្លូវខ្លះៗដោយសារពេលភ្លៀងមានការហូរកាត់ផ្លូវ។តែបញ្ហានេះលោកអភិបាលខេត្តបានដឹកនាំមន្ត្រីជំនាញមានមន្ទីរធនធានទឹក មន្ទីរសារណការ និងដឹកជញ្ជួន និងមន្ទីរអភិវឌ្ឍន៍ជនបទ ចុះពិនិត្យនិងវាយតម្លៃដើម្បីរៀបចំការជួសជុសឡើងវិញនៅរដូវប្រាំងខាងមុខនេះ។
តាមរបាយការណ៍របស់គណៈកម្មាធិការជាតិគ្រប់គ្រងគ្រោះមហន្តរាយបានឱ្យដឹងថាចាប់ពីដើមខែកញ្ញារហូតមកដល់ពេលនេះមានខេត្តចំនួន៥បានរងការជន់លិចពីជំនន់ទឹកភ្លៀងក្នុងនោះរួមមានខេត្តបន្ទាយមានជ័យ ខេត្តបាត់ដំបង ខេត្តក្រចេះ ខេត្តបៃលិន និងខេត្តកំពង់ឆ្នាំង។
ក្នុងចំណោមខេត្តទាំង៥នោះមានតែខេត្តបន្ទាយមានជ័យបានរងផលប៉ះពាល់ធ្ងន់ធ្ងរជាងគេ បើធៀបទៅនឹងបណ្តាខេត្ត ៤ ផ្សេងទៀត ដោយសារខេត្តបន្ទាយមានជ័យ ជាតំបន់ងាយរងគ្រោះពីជំនន់ទឹកភ្លៀងនិងមានទឹកហូរធ្លាក់មកពីប្រទេសថៃដែលធ្វើឱ្យភូមិជាប់ព្រំដែនប្រទេសថៃពិសេសភូមិនៅតំបន់ប៉ោប៉ែតទទួលរងការលិចលង់ច្រើន៕
អត្ថបទៈ សំអឿន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង