Connect with us

ព័ត៌មានជាតិ

លោក ទៀ សីហា ៖ មនុស្សមួយចំនួនប្រហែស ព្រហើន ឆ្លៀតឱកាសចំណេញ សប្បាយតែមួយគ្រា

បានផុស

នៅ

លោក ទៀ សីហា អភិបាល នៃគណៈអភិបាលខេត្តសៀមរាប បានលើកឡើងថា នាពេលកន្លងមក មានប្រជាព​លរដ្ឋមួយចំនួនតូច មិនអនុវត្តតាមការណែនាំរបស់រាជរដ្ឋាភិបាល របស់ក្រសួងសុខាភិបាល និងអាជ្ញាធរ ព្រមទាំងប្រព្រឹត្តសកម្មភាពប្រហែស ព្រហើន ហើយឆ្លៀតឱកាសចំណេញ សប្បាយតែមួយគ្រា ដែលនាំឲ្យមានការឆ្លង​រាល​ដាលជំងឺកូវីដ-១៩ កាន់តែច្រើន។

តាមរយៈទំព័រហ្វេសប៊ុក នៅរសៀលថ្ងៃទី៣០ ខែកញ្ញានេះ លោក ទៀ សីហា បានសរសេរថា បទពិសោធន៍ដែលយើងទាំងអស់គ្នាត្រូវចងចាំ ចំពោះក្រុងសៀមរាប និងស្រុកមួយចំនួន នៃខេត្តសៀមរាប ដែលជាប់ជាតំបន់ក្រហម និងលឿងទុំ។ ភាពលំបាក វេទនា និងការប្រឈមនៃការឆ្លង(កូវីដ-១៩) គឺបងប្អូនប្រជាពលរដ្ឋគ្រប់ស្រទាប់ជាអ្នកទទួលផលប៉ះពាល់ផ្ទាល់ ក្នុងតំបន់បិទខ្ទប់នេះ ដូចជា៖ ការបាត់បង់ការងារ បាត់បង់ចំណូលគ្រួសារ, ការខ្វះខាតស្បៀង ម្ហូបអាហារ និងសម្ភារៈប្រើប្រាស់ចាំបាច់ជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកថា បំណងរបស់លោក និងអាជ្ញាធរគ្រប់លំដាប់ថ្នាក់ គឺមានតែ ២ប៉ុណ្ណោះ៖ ១. ការពារបងប្អូនប្រជាពលរដ្ឋពីការឆ្លងកូវីដ-១៩ កាត់ផ្ដាច់ប្រភពចម្លង ការពារថែទាំអាយុជីវិតបងប្អូន ជៀសវាងការបាត់បង់សមាជិកក្រុមគ្រួសាររបស់ទាំងអស់គ្នា ដោយជំងឺនេះ។ ២. ធ្វើយ៉ាងណាអោយខេត្តសៀមរាប ត្រឡប់មករកភាពដើមវិញ ដោយមានភ្ញៀវទេសចរជាតិ និង អន្តរជាតិ មកកំសាន្តយ៉ាងកុះករ ក្នុងតំបន់ហើយបងប្អូនប្រជាពលរដ្ឋ អាចមានការងារធ្វើឡើងវិញ ព្រមទាំងអាចរកប្រាក់ចំណូល អាចទ្រទ្រង់នូវតម្រូវការជីវភាពឡើងវិញផងដែរ។​

អភិបាលខេត្តសៀមរាប បានលើកឡើបន្តថា តែជាការសោកស្តាយណាស់ដែលកន្លងមក មានបងប្អូនប្រជាពលរដ្ឋមួយចំនួនតូច ដែលមិនអនុវត្តតាមការណែនាំរបស់រាជរដ្ឋាភិបាល របស់ក្រសួងសុខាភិបាល របស់អាជ្ញាធរខេត្ត ព្រមទាំងមានសកម្មភាព ប្រហែស ព្រហើន ឆ្លៀតឱកាសចំណេញ សប្បាយតែមួយគ្រា ធ្វើឲ្យមានការឆ្លងនៃជំងឺនេះកាន់តែច្រើនឡើងៗ ដោយមិនបានគិតពី ផលប្រយោជន៍រួម មិនបានគិតពីផលប៉ះពាល់ដល់អ្នកដទៃ ដូចជា មិនមានភាពអាណិតអាសូរដល់៖

-អ្នកដែលគោរពយ៉ាងត្រឹមត្រូវ និងអនុវត្តតាមការណែនាំកន្លងមក

-អ្នកដែលបាត់បង់ការងារ បាត់បង់ចំណូល ស្បៀង ផ្គត់ផ្គង់ដល់ក្រុមគ្រួសារ

-អ្នកដែលមាន លោកយាយ លោកតា ចាស់ជរា ស្ត្រីមានផ្ទៃពោះ កុមារតូចៗក្នុងផ្ទះ

-អ្នកដែលបាត់បង់សមាជិកក្រុមគ្រួសារ ស្លាប់ដោយកូវីដ-១៩

លោក ទៀ សីហា បានសង្កត់ធ្ងន់ថា វាអយុត្តិធម៌ណាស់ចំពោះបងប្អូនភាគច្រើន ដែលសហការ និងគោរពតាមការណែនាំ។ ខ្ញុំនឹងដាក់វិធានការរដ្ឋបាល មួយចំនួនបន្ថែមទៀត ដើម្បីដាក់ទោសដល់អ្នកដែលប្រព្រឹត្តផ្ទុយពីការណែនាំ ឲ្យធ្ងន់ធ្ងរបំផុត។

តាមអភិបាលខេត្តសៀមរាប យោងតាមប្រសាសន៍ណែនាំដ៏ខ្ពង់ខ្ពស់ របស់សម្តេចនាយករដ្ឋមន្ត្រី ដែលបានយល់ច្បាស់ពីទុក្ខលំបាករបស់បងប្អូនប្រជាពលរដ្ឋ ក្នុងតំបន់បិទខ្ទប់ លោកបានសម្រេចរំសាយ រាល់តំបន់ក្រហម លឿងទុំ ទាំងអស់ទូទាំងប្រទេសដើម្បីទុកលទ្ធភាពឲ្យបងប្អូនប្រជាពលរដ្ឋអាចចេញមករកស៊ីទទួលទានឡើងវិញ តែកុំបីភ្លេចអនុវត្ត “៣ការពារ ៣កុំ” ថែមទាំងចាក់វ៉ាក់សាំង។

លោក ទៀ សីហា បានបញ្ជាក់ថា «ខ្ញុំនឹងស្នើទៅ សម្តេចនាយករដ្ឋមន្ត្រី ដាក់តំបន់ក្រហមឡើងវិញ នាពេលដែលបងប្អូនប្រជាពលរដ្ឋមួយចំនួនតូច បន្តបំពាន មិនអនុវត្តតាមវិធានការសុខាភិបាល ៣ការពារ ៣កុំ បណ្តាលឲ្យឆ្លងក្នុងសហគមន៍ធ្ងន់ធ្ងរម្តងទៀត»។

រដ្ឋបាលខេត្ត ក៏ដូចជាមន្ទីរសុខាភិបាល និងបន្តបើកមណ្ឌលព្យាបាល មណ្ឌលចត្តាឡីស័ក និងបានអំពាវនាវដល់បងប្អូនប្រជាពលរដ្ឋណា ដែលមានអាការសង្ស័យ អាចមកយកសំណាក និងព្យាបាលបានតាមការស្ម័គ្រចិត្ត ជៀសវាងទៅចម្លងដល់អ្នកដ៏ទៃទៀត។ និងសូមអំពាវនាវជាចុងក្រោយគឺ យើងត្រូវតែចេះ “រៀនរស់តាមបែបគន្លងថ្មី” ត្រូវកែហេដ្ឋារចនាសម្ព័ន្ធ និងបំពាក់ឧបករណ៍ សម្ភារ ដែលអាចរក្សាគម្លាតបានចំពោះទីតាំងទាំងអស់ក្នុងខេត្តសៀមរាប ដូចជា៖

-វត្តអារាម

-ផ្សាររដ្ឋ-ឯកជន តូច ធំ

-រមណីយដ្ឋាន ភោជនីយដ្ឋាន

-សហគមន៍ទេសចរ

-តំបន់ទេសចរ ក្នុងប្រាសាទ និងក្រៅប្រាសាទ

-សាលារៀនរដ្ឋ-ឯកជន

និងទីប្រជុំជនមួយចំនួន ។ល។ ជម្រុញអោយមានការប្រើប្រាស់ សេវាដឹកជញ្ជូនអោយបានច្រើនបំផុត  ដូចជា រ៉ឺម៉កកង់៣ និងក្រុមហ៊ុនដឹកជញ្ជូនផងដែរ ជៀសការប៉ះពាល់ផ្ទាល់។ លោក ទៀ សីហា នៅតែសង្ឃឹម និងជឿជាក់ថាយើងអាចធ្វើបាន ហើយលោកធ្វើតែម្នាក់ឯង មិនបានទេ មានតែបងប្អូនប្រជាពលរដ្ឋទេ​ ដែលសម្រេចលើវាសនារបស់ខេត្តសៀមរាប ចូលរួមទាំងអស់គ្នា យើងនិងជោគជ័យ ទាំងអស់គ្នា។

យ៉ាងណាក៏ដោយនៅរសៀលថ្ងៃទី៣០ ខែកញ្ញា ឆ្នាំ២០២១ រដ្ឋបាលខេត្តសៀមរាប បានសេចក្ដីសម្រេចបញ្ចប់ការកំណត់ជា “តំបន់ក្រហម” និង “តំបន់លឿងទុំ” ក្នុងភូមិសាស្ត្រខេត្តសៀមរាប ដើម្បីទប់ស្កាត់ការឆ្លងរាលដាលនៃជំងឺកូវីដ-១៩ ចាប់ពីថ្ងៃចុះហត្ថលេខាតទៅ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៧ ម៉ោង មុន

ថៃកំពុងបង្ខិតប្រទេសរបស់ខ្លួនឱ្យស្របច្បាប់ចំពោះការស្រឡាញ់ភេទដូចគ្នា

សន្តិសុខសង្គម៩ ម៉ោង មុន

ស្លាប់​កម្មករ​ម្នាក់ របួសធ្ងន់​ស្រាល​៣​នាក់​ក្នុង​ករណី​បាក់​ជញ្ជាំង​អាង​ស្តុក​ទឹក នៅសង្កាត់​គោក​រកា

ព័ត៌មានជាតិ៩ ម៉ោង មុន

លោក​បណ្ឌិត លី ធុជ ដឹកនាំ​កិច្ចប្រជុំ​តាម​ប្រព័ន្ធ​អន​ឡាញ ដើម្បី​ជំរុញ​កិច្ចសហប្រតិបត្តិការ និង​ពង្រឹង​អនុលោមភាព​នៃ​អនុសញ្ញា​អូ​តា​វ៉ា​ក្នុងចំណោម​រដ្ឋ​ភាគី​

ព័ត៌មានជាតិ៩ ម៉ោង មុន

កុំ​ភ្លេច​ត្រៀម CV! ស្អែក​នេះ ឱកាស​ការងារ​ថ្មី​បន្ថែមទៀត​ជិត ៥០០ កន្លែង​ក្នុង​វេទិកា​ការងារ​របស់ NEA

ព័ត៌មានជាតិ១០ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​ស្តីពី​សុវត្ថិភាព​អគ្គិភ័យ​នៅតាម​សហគ្រាស គ្រឹះស្ថាន

ព័ត៌មានជាតិ៤ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ២ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានជាតិ២ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៣ ថ្ងៃ មុន

កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា

ជីវិតកម្សាន្ដ៧ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

Sokha Hotels

ព័ត៌មានពេញនិយម