ព័ត៌មានជាតិ
ព្រះសង្ឃនៅក្នុងវត្តទាំង ១៨ ក្នុងខណ្ឌព្រែកព្នៅ មិនមានការខ្វះខាតចង្ហាន់នោះទេ ក្នុងរដូវកាន់បិណ្ឌឆ្នាំនេះ
បន្ទាប់ពីបានផ្អាកពិធីកាន់បិណ្ឌមក ព្រះសង្ឃនៅក្នុងវត្តទាំង ១៨ក្នុងខណ្ឌព្រែកព្នៅ មិនមានការខ្វះខាតចង្ហាន់នោះទេ គឺនៅមានប្រជាពលរដ្ឋ យកចង្វាន់តាមវេនទៅប្រគេនព្រះសង្ឃ តែកាត់បន្ថយចំនួនមនុស្សតិច ហើយវត្តខ្លះត្រូវបានអាជ្ញាធរមូលដ្ឋានយកទេយ្យវត្ថុ និងបច្ច័យទៅប្រគេនជាហូហែរ។
ជាក់ស្ដែងវត្តប្រសិទ្ធីរីម្មារាម ស្ថិតក្នុងសង្កាត់ពន្សាំង លោក ប៉ក់ សុគន្ធារី តំណាងលោក ឃួង ស្រេង អភិបាលនៃគណៈអភិបាលរាជធានីភ្នំពេញ លោក សុខ សម្បត្តិ អភិបាល នៃគណៈអភិបាលខណ្ឌព្រែកព្នៅ និងលោក ម៉ៅ បូរ៉ា ប្រធានក្រុមប្រឹក្សាខណ្ឌ ព្រមទាំងក្រុមការងារខណ្ឌ និងសង្កាត់ បាននាំយកថវិការបស់លោកអភិបាល នៃគណៈអភិបាលរាជធានីភ្នំពេញ ដែលមានអង្ករចំនួន ១តោន និងបច្ច័យចំនួន ២០លានរៀល និងសាលាខណ្ឌព្រែកព្នៅចំនួន ២០០ដុល្លារ មកប្រគេនព្រះសង្ឃនាព្រឹកថ្ងៃទី៣០ ខែកញ្ញា ឆ្នាំ២០២១ សម្រាប់ផ្ទត់ផ្គង់នារដូវដាក់បិណ្ឌ និងភ្ជុំបិណ្ឌនេះ។
លោកក សុខ សម្បត្តិ បានលើកឡើងដែរថា ចំពោះការផ្អាកការរៀបចំពិធីបុណ្យកាន់បិណ្ឌ និងភ្ជុំបិណ្ឌ ដើម្បីទប់ស្កាត់ការឆ្លងរាលដាលនៃជំងឺកូវីដ-១៩ សម្រាប់ខណ្ឌព្រែកព្នៅ ដែលមានវត្តចំនួន ១៨ បានធ្វើសំណាករកមេរោគកូវីដ-១៩ ទៅលើព្រះសង្ឃនិង អ្នកដែលស្នាក់នៅក្នុងវត្ត ដោយរកឃើញវិជ្ជមាន ២អង្គ និងម្នាក់នាក់ បានបញ្ជូនទៅព្យាបាលរួចហើយ និងបានបាញ់ថ្នាំសម្លាប់មេរោគក្នុងវត្តទាំង ១៨ រួចរាល់ហើយដែរ។
លោកបន្តថា សម្រាប់ស្ថានភាព នៅតាមទីអារាមមកទល់ពេលនេះ មានលក្ខណៈល្អប្រសើរ ដោយប្រជាពលរដ្ឋអាចយកចង្ហាន់ប្រគេនព្រះសង្ឃបាន ដែលព្រះសង្ឃរង់ចាំទទួល និងវេរចង្ហាន់ គ្រឿងសម្ភារៈទាំងនោះនៅមាត់ទ្វាររបងវត្ត ឬក៏ចូលដល់ក្នុងវត្តដែរ តែមានចំនួនមនុស្សតិច។ ទោះយ៉ាងណាមកទល់ពេលនេះ ព្រះសង្ឃនៅក្នុងវត្តទាំង១៨ ពុំមានវត្តណាដែលព្រះសង្ឃខ្វះខាត ចង្ហាន់នោះឡើយ។
វត្តខ្លះត្រូវបានអាជ្ញាធរមូលដ្ឋានយកទេយ្យវត្ថុ និងបច្ច័យទៅប្រគេនជាហូហែរមកដែរ ដូចជាវត្តប្រសិទ្ធីរីម្មារាម ស្ថិតក្នុងសង្កាត់ពន្សាំងនេះជាដើម ដែលអាជ្ញាធររាជធានីភ្នំពេញ និងអាជ្ញាធរខណ្ឌព្រែកព្នៅ បានយកអង្ករចំនួន ១តោន និងបច្ច័យចំនួន ២០លានរៀល ផងដែរ។
បន្ទាប់ពីប្រគេនអង្ករ និងបច្ច័យដល់ព្រះសង្ឃរួចហើយ មន្ត្រីសាលារាជធានីភ្នំពេញ មន្ត្រីសាលាខណ្ឌ និងសង្កាត់បានអញ្ជើញត្រួតពិនិយ្យមើលឈាបនាដ្ឋាន សម្រាប់បូជាសពដែលស្លាប់ដោយសាជំងឺកូវីដ-១៩ ដែលមានទីតាំងក្នុងវត្តប្រសិទ្ធីរីម្មារាម បច្ចប្បន្នបានធ្វើរួចរាល់រួចរាល់ ជាស្ថាពរហើយ៕
អត្ថបទ៖ ឧត្តរ៉ា
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង