ព័ត៌មានជាតិ
ប្រជាការពារ៣៣នាក់ ទទួលបានការបំពាក់ឯកសណ្ឋានពីមេបញ្ជាការតំបន់ប្រតិបត្តិការសឹករងកំពង់ធំ
កំពង់ធំ ៖ មេបញ្ជាការតំបន់ប្រតិបត្តិការសឹករងកំពង់ធំ បានចុះផ្សព្វផ្សាយគោលនយោបាយភូមិ-ឃុំ មានសុវត្ថិភាព និងបំពាក់ឯកសណ្ឋាន ជូនប្រជាការពារ៣៣នាក់ ដើម្បីបម្រើការពារសន្តិសុខ សុវត្តិភាពប្រជាជន នៅតាមមូលដ្ឋាន ពិធីនេះប្រព្រឹត្តនៅព្រឹកថ្ងៃទី៣០ ខែកញ្ញាឆ្នាំ២០២១ នៅសាលាឃុំនីពេជ ស្រុកកំពង់ស្វាយ កំពង់ធំ។
ឧត្ដមសេនីយ៍ទោ សោម ស៊ុន ដឹកនាំសហការី និងអាជ្ញាធរដែនដី បានផ្សព្វផ្សាយគោលនយោបាយភូមិ-ឃុំ មានសុវត្ថិភាពទាំង៧ ចំណុច និងសេចក្ដីសម្រេចលេខ៩៥ ស.ស.រ របស់រាជរដ្ឋាភិបាល ស្តីពីការផ្អាកការរៀបចំបុណ្យកាន់បិណ្ឌនិង ភ្ជុំបិណ្ឌ ដើម្បីទប់ស្កាត់ការឆ្លងរាលដាលនៃជំងឺកូវីដ-១៩ រួមទាំងបំពាក់ឯកសណ្ឋានជូនប្រជាការពារ៣៣ នាក់ ដែលជាការជួយឧបត្ថម្ភរបស់លោកវរសេនីយ៍ត្រី សាន់ រិន មេបញ្ជាការផ្នែកសឹករងកំពង់ ស្វាយ និងសហការី ។
លោក ឈឹង ញ៉េប មេឃុំនីពេជ បានឲ្យដឹងពីស្ថានភាពរបស់ប្រជាពលរដ្ឋ និង កុមារនៅក្នុងឃុំនីពេជទាំងមូលដែលបានចាក់វ៉ាក់សាំងការពារជំងឺកូវីដ-១៩ បានចំនួន៣.៤៣១ ស្មើនិង៩២.១៧% រួចហើយ និងលទ្ធផលនៃការអនុវត្តន៍ គោលនយោបាយភូមិ-ឃុំ មានសុវត្ថិភាព ទទួលបានលទ្ធផលល្អប្រសើរ ។
ឧត្ដមសេនីយ៍ទោ សោម ស៊ុន កោតសរសើរអាជ្ញាធរដែនដី និងប្រជាការពារ បានសហការជាមួយប៉ុស្តិ៍រដ្ឋបាលនឃុំក្នុងកិច្ចការពារសន្តិសុខសុវត្ថិភាពដោយទទួលខុសត្រូវបានយ៉ាងល្អប្រសើរ បានសំណូមពរព្រះសង្ឃ និងប្រជាពលរដ្ឋ មេត្តាយោគយល់ដល់ការលំបាករបស់រាជ រដ្ឋាភិបាល គឺក្នុងគោលបំណងការការពារអាយុជីវិតរបស់ព្រះសង្ឃនិងប្រជាជនយើងកុំឱ្យឆ្លងរីករាលដាលនិង ទទួលមរណភាពដោយសារជំងឺ-១៩ តែប៉ុណ្ណោះ ។
ឧត្ដមសេនីយ៍ទោ សោម ស៊ុន បានសំណូមពរដល់ប្រជាពលរដ្ឋទាំងអស់និងប្រជាការពារអនុវត្តន៍ តាមការណែនាំរបស់ក្រសួងសុខាភិបាល ពិសេសអនុវត្តវិធានការ៣ការពារ និង៣កុំ របស់សម្តេចតេជោ ហ៊ុន សែន អាជ្ញាធរដែនដីនិងប្រជាការពារ ថ្លែងអំណរគុណមេបញ្ជាការផ្នែកសឹករងកំពង់ស្វាយ និងថ្នាក់ដឹកនាំនៃ បញ្ជាការ ដ្ឋានតំបន់ប្រតិបត្តិការសឹករងកំពង់ធំ ដែលបានឧបត្ថម្ភឯកសណ្ឋានជូនប្រជាការពារ ដើម្បីបម្រើប្រជាជន ក្នុង ការអនុវត្តន៍ គោលនយោបាយភូមិ -ឃុំ មានសុវត្ថិភាព៕
ដោយ ៖ ប៊ុន រដ្ឋា
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៧ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ