ព័ត៌មានជាតិ
អ្នកជំនាញមើលឃើញ សញ្ញាវិជ្ជមាន ដែលធ្វើឱ្យសេដ្ឋកិច្ចកម្ពុជា ងើបឡើងវិញ នៅឆ្នាំ ២០២២
អ្នកវិភាគសេដ្ឋកិច្ច លើកឡើងថា មានសញ្ញាវិជ្ជមានមួយចំនួន ដែលធ្វើឱ្យសន្ទុះសេដ្ឋកិច្ចកម្ពុជាងើបឡើងវិញ នៅឆ្នាំ ២០២២ ខណៈដែលធនាគារធំៗ ដូចជាធនាគារ ADB ធនាគារពិភពិលោក និងមូលនិធិរូបិយវត្ថុអន្តរជាតិ(IMF) ក៏បានព្យាករណ៍ពីកំណើនសេដ្ឋកិច្ចនឹងមានការកើនឡើង ក្នុងរង្វង់ ៥ ភាគរយ នៅឆ្នាំ ២០២២ ខាងមុខ។
លោកបណ្ឌិត ឆេង គឹមឡុង នាយកនៃមជ្ឈមណ្ឌល នវានុវត្តន៍ ផ្នែកអភិបាលកិច្ច និងប្រជាធិបតេយ្យ វិទ្យាស្ថាន ចក្ខុវិស័យ អាស៊ី បានលើកឡើថា នៅលើពិភពលោក បានជំរុញកាផ្ដល់វ៉ាក់សាំងជូនប្រជាជនភាគច្រើន។
នៅឆ្នាំ ២០២២ ទោះបីជាស្ថានភាព នៃការផ្គត់ផ្គង់វ៉ាក់សាំង និងការការពារ កុំឱ្យមានការឆ្លងរីករាលដាលធ្ងន់ធ្ងរនៅបណ្ដាប្រទេស ដែលជាទីផ្សារនាំចេញទំនិញពីកម្ពុជា ក៏ប៉ុន្តែល្បឿននៃការផ្ដល់វ៉ាក់សាំង នឹងឈានដល់ចំណុចមួយ នៅដំណាច់ឆ្នាំ២០២១នេះ នាំឱ្យប្រទេសទាំងអស់នោះចាប់ផ្ដើមដំណើរការ សេដ្ឋកិច្ច វិនិយោគ ពាណិជ្ជកម្ម សកម្មភាព សង្គម និងវប្បធម៌ផ្សេងៗ ដែលធ្វើឱ្យសន្ទុះនៃកំណើនសេដ្ឋកិច្ចពិភពលោក ងើបឡើង ស្របពេលដែលប្រទេសផ្សេងៗទៀត ជោគជ័យលើការផ្ដល់វ៉ាក់សាំង ហើយបើកសង្គសេដ្ឋកិច្ចឡើងវិញ ជាសន្ទុះរុញច្រានទាញផលិផលពីកម្ពុជា ដោយសារកម្ពុជា ជាប្រទេសដែលពឹងផ្អែកទៅលើការនាំចេញទំនិញមួយភាគធំ។
សូមជំរាបថា ស្ថានភាពជំងឺកូវីដ១៩ ជិត ១ ឆ្នាំនេះ បានធ្វើឱ្យប៉ះពាល់ទៅដល់ដំណើរការ ប្រព្រឹត្តទៅនៃសេដ្ឋកិច្ច វិនិយោគពាណិជ្ជកម្ម សឹងតែគ្រប់វិស័យ ជាពិសេសគឺក្នុងកំណើនផលិតផលជាតិក្នុងស្រុកក៏ទទួលរងផលប៉ះពាល់កាន់តែធ្ងន់ធ្ងរ ដូចជាវិស័យទេសចរណ៍ វិស័យសំណង់ អចលនវត្ថុ និងវិស័យផលិតកម្ម កម្មន្តសាលផ្នែកវាយនភណ្ឌជាដើម។
ធនាគារធំៗ ដូចជាធនាគារពិភពលោក ធនាគារអភិវឌ្ឍអាស៊ី (ADB) ក៏ដូចជា មូលនិធិរូបិយវត្ថុអន្តរជាតិ(IMF) កាលពីពេលថ្មីៗ បានព្យារករណ៍ឡើងវិញ ពីកំណើនសេដ្ឋកិច្ចកម្ពុជានៅឆ្នាំ ២០២១ ក្នុងនោះ ធនាគារអភិវឌ្ឍន៍អាស៊ី(ADB) បានព្យាករថា សេដ្ឋកិច្ចកម្ពុជា នឹងមានកំណើនត្រឹម១,៩ ភាគរយ ក្នុងឆ្នាំ២០២១ គឺការព្យាករបន្ថយកំណើនជាងពាក់កណ្ដាល នៃកំណើនដែលបានព្យាករណ៍ ៤ ភាគរយ កាលពីខែមេសា ហើយធនាគាពិភពលោក និង IMF ក៏ព្យាករណ៍ប្រហាក់ប្រហែលគ្នាដែរ ថា សេដ្ឋកិច្ចកម្ពុជា នឹងមានកំណើនត្រឹមតែ រង្វង់ ២,២ ភាគរយ ក្នុងឆ្នាំ ២០២១ ខណៈដែលឆ្នាំ ២០២២ នឹងសេដ្ឋកិច្ចកម្ពុជានឹងកើនឡើងដល់រង្វង់ ៥ ភាគរយ៕
អត្ថបទៈ ឡេង ដេត
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ