ព័ត៌មានជាតិ
អ្នកជំនាញផ្នែកចុងភៅកម្ពុជា១៤៣នាក់ មានឈ្នោះក្នុងបញ្ជីអ្នកជំនាញទេសចរណ៍អាស៊ាន
អ្នកជំនាញផ្នែកចុងភៅកម្ពុជាចំនួន១៤៣នាក់ ត្រូវបានកត់ត្រាក្នុងសៀវភៅអ្នកជំនាញទេសចរណ៍ (Skills Passport) និងចុះឈ្មោះក្នុងប្រព័ន្ធចុះបញ្ជីអ្នកជំនាញទេសចរណ៍អាស៊ាន (www.atprs.org)។ នេះបើតាមមន្ត្រីជំនាញនៃក្រសួងទេសចរណ៍។
លោក ទ្រី ឈីវ ប្រធានលេខាធិការដ្ឋានគណៈកម្មាធិការជាតិអ្នកជំនាញទេសចរណ៍ និងជាប្រធាននាយកដ្ឋានសហប្រតិបត្តិការអន្តរជាតិ និងអាស៊ានបានឱ្យដឹងថា ក្រសួងទេសចរណ៍បានសហការជាមួយផ្នែកឯកជន ក្រុមហ៊ុនថាលាស (Thalias) អង្គការ Assist វិទ្យាស្ថាន William Angliss ក្រោមការគាំទ្ររបស់រដ្ឋាភិបាលអាល្លឺម៉ង់ បានរៀបចំពិធីបិទវគ្គបណ្ដុះបណ្ដាល និងប្រគល់វិញ្ញាបនបត្រដល់គ្រូបង្គោល និងអ្នកវាយតម្លៃបង្គោលជាតិផ្នែកផលិតកម្មម្ហូបអាហារ (ចុងភៅ) នារសៀលថ្ងៃទី៣០ ខែកញ្ញា ឆ្នាំ២០២១ ក្រោមអធិបតីភាពឯកឧត្ដម ប៉ាក់ សុខុម រដ្ឋលេខាធិការក្រសួងទេសចរណ៍។
វគ្គបណ្តុះបណ្តាលនេះបានរៀបចំឡើងតាមប្រព័ន្ធ Hybrid និងអនឡាញ។ ដោយឡែកសិក្ខាកាមដែលត្រូវវាយតម្លៃការសិក្សាពីមុន (RPL) គឺបានចូលរួមអនុវត្តជំនាញជាក់ស្តែង រួមមាន ការចម្អិនម្ហូបអាហារខ្មែរ និងបរទេស ក្រោមការត្រួតពិនិត្យយ៉ាងយកចិត្តទុកដាក់ពីមន្រ្តីជំនាញ និងចុងភៅដែលមានបទពិសោធន៍ផងដែរ។
នាឱកាសនោះ លោករដ្ឋលេខាធិការបានលើកឡើងថា ទោះស្ថិតក្នុងបរិបទជំងឺកូវីដ-១៩ តែការរៀបចំវគ្គបណ្តុះបណ្តាលរហូតបញ្ចប់ដោយជោគជ័យនាពេលនេះ គឺបានគោរពតាមវិធានការណែនាំរបស់ក្រសួងសុខាភិបាលខ្ជាប់ខ្ជួន ពោលគឺសិក្ខាកាមបានចាក់វ៉ាក់សាំងពេញលេញ និងដូសជំរុញរួចរាល់ ព្រមទាំងធ្វើតេស្តរហ័សជាប្រចាំ រក្សាគម្លាត បាញ់អាល់កុល និងពាក់ម៉ាស់ផងដែរ។
សិក្ខាកាមបានឆ្លងកាត់ការបណ្តុះបណ្តាលស្របតាមយន្តការ និងគរុកោសល្យអាស៊ាន ក្នុងក្របខណ្ឌនៃការអនុវត្តកិច្ចព្រៀមព្រៀងទទួលស្គាល់គ្នាទៅវិញទៅមកលើអ្នកជំនាញទេសចរណ៍អាស៊ាន (MRA) មានសមត្ថភាពពេញលេញ ឆ្លើយតបនឹងការត្រៀមបើកសកម្មភាពទេសចរណ៍ទូលំទូលាយឡើងវិញ នាពេលឆាប់ៗខាងមុខនេះ បន្ទាប់ពីវិបត្តិកូវីដ-១៩ ថមថយ។ លោកបន្ថែមថា ក្រសួងទេសចរណ៍បានចូលរួមចំណែកយ៉ាងយកចិត្តទុកដាក់ជាមួយរាជរដ្ឋាភិបាលកម្ពុជា ក្នុងការចូលរួមទប់ស្កាត់ការឆ្លងជម្ងឺកូវីដ១៩ តាមរយៈការដាក់ចុះអនុវត្តវិធានសុវត្ថិភាពតាមអាជីវកម្មទេសចរណ៍ វិធាននានាសម្រួលដល់អាជីវកម្មទេសចរណ៍ ការបណ្ដុះបណ្ដាល Upskilling / Reskilling ដល់អ្នកជំនាញទេសចរណ៍ ការរៀបចំ និងអនុវត្តផែនទីចង្អុលផ្លូវសម្រាប់ការលើកស្ទួយ និងស្ដារឡើងវិញនៃវិស័យទេសចរណ៍កម្ពុជា។
លោក ទ្រី ឈីវ ឲ្យដឹងដែរថា សិក្ខាកាមជ័យលាភី ដែលទទួលបានវិញ្ញាបនបត្រមានចំនួន ១៤៣នាក់នោះ រួមមាន៖ គ្រូបង្គោលជាតិចំនួន២៦នាក់ អ្នកវាយតម្លៃបង្គោលជាតិចំនួន៣៨នាក់ និងសិក្ខាកាមដែលបានឆ្លងកាត់ការវាយតម្លៃការសិក្សាពីមុន (RPL) ចំនួន៧១នាក់។ សិក្ខាកាមទាំង១៤៣ នាក់នេះ បានកត់ត្រាក្នុងសៀវភៅអ្នកជំនាញទេសចរណ៍ (Skills Passport) ព្រមទាំងចុះឈ្មោះក្នុងប្រព័ន្ធចុះបញ្ជីអ្នកជំនាញទេចរណ៍អាស៊ាន (www.atprs.org) ដែលអាចធ្វើការបម្លាស់ទីការងារក្នុងបណ្តាប្រទេសជាសមាជិកអាស៊ាន៕
អត្ថបទ៖ កោះកែវ
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»