ឈប់សម្រាក​ភ្ជុំបិណ្ឌ គោលដៅទេសចរណ៍ទាំងអស់ ត្រូវ​គោរពវិធានសុខាភិបាល
Connect with us
Helistar Cambodia - Helicopter Charter Services

ព័ត៌មានជាតិ

ឈប់សម្រាក​ភ្ជុំបិណ្ឌ គោលដៅទេសចរណ៍ទាំងអស់ ត្រូវ​គោរពវិធានសុខាភិបាល

បានផុស

នៅ

នៅថ្ងៃទី០៥ ទី០៦ និងទី០៧ ខែតុលា ខាងមុខនេះ គឺជាឱកាស ឈប់ សំរាកសម្រាប់ពិធីបុណ្យភ្ជំបិណ្ឌ របស់មន្រ្តីរាជការ កម្មករ កម្មការិនី និយោជិត នៅតាមរោងចក្រ សហគ្រាសទាំងអស់ ហើយដោយសា រាជរដ្ឋាភិបាលបានផ្អាកមិនឲ្យមានការជួបជុំនៅក្នុងឳកាសបុណ្យភ្ជុំបិណ្ឌនៅតាមវត្តអារាម នោះច្បាស់ណាស់ថា ប្រជាពលរដ្ឋ នឹងធ្វើដំណើរកំសាន្តនៅតាមតំបន់រមនីយដ្ឋាននានាទូទាំងប្រទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដើម្បីទប់ស្កាត់ការរីករាលដាលនៃជំងឺកូវីដ១៩នៅក្នុងបុណ្យភ្ជុំបិណ្ឌនេះ មន្រ្តីជាន់ខ្ពស់ក្រសួងទេសចរណ៏បានអំពាវនាវឲ្យគ្រប់គោលដៅទេសចរណ៍ទាំងអស់ ត្រូវតែគោរពឲ្យបាននូវវិធានសុខាភិបាល និងវិធានសុវត្ថិភាពទេសចរណ៏ ដែលដាក់ចេញដោយក្រសួងសុខាភិបាល និងក្រសួងទេសចរណ៏កាលពីថ្មីៗនេះ។

ថ្លែងប្រាប់កម្ពុជាថ្មីនៅថ្ងៃនេះ លោក តុប សុភ័ក អ្នកនាំពាក្យក្រសួងទេសចរណ៏បានលើកឡើងថា ការងារទប់ស្កាត់ការរីករាលដាលនៃជំងឺកូវីដ១៩ នៅក្នុងឳកាសបុណ្យភ្ជុំបិណ្ឌនេះ លោកបណ្ឌិត ថោង ខុន រដ្ឋមន្ត្រីក្រសួងទេសចរណ៍ បានណែនាំច្រើនទៅដល់មន្ទីរទេសចរណ៍រាជធានី ខេត្ត ដើម្បីធ្វើការងារនេះឲ្យបានល្អប្រសើរ ដោយសហការជាមួយនឹងមន្ទីរ អង្គភាពពាក់ព័ន្ធ និងអាជ្ញាធរមូលដ្ឋាន ដើម្បីធ្វើយ៉ាងណាក្នុងអំឡុងពេលឈប់សម្រាកបុណ្យភ្ជុំបិណ្ឌនេះ គ្រប់គោលដៅទេសចរណ៍ទាំងអស់ ដែលបើកទទួលបានទេសចរជាតិ និងទេសចរបរទេស ផ្ទៃក្នុងហ្នឹង គឺត្រូវធានាបាននូវសុវត្ថិភាព ហើយនិងធានាបានថា នឹងមិនមានការធ្វើអ្វីដែលខុសពីការណែនាំ ជាពិសេសគឺវិធានសុខាភិបាល។ លោកថា “ចំណុចសំខាន់ គឺគ្រប់គោលដៅទេសចរណ៍ទាំងអស់ត្រូវតែគោរពទៅតាមវិធានសុខាភិបាល និងវិធានសុវត្ថិភាពទេសចរណ៏” ។

បើតាមលោក តុប សុភ័ក វិធានទាំង២ខាងលើនេះ ប្រហាក់ប្រហែលគ្នាទេ គឺវិធានសុខាភិបាលផ្នែកពេទ្យ ហើយវិធានទេសចរណ៏ មានរាប់បញ្ចូលកិច្ចការមួយចំនួន ដែលពាក់ព័ន្ធនឹងជំនាញទេសចរណ៍ ហើយថ្មីៗនេះក៏បានដាក់ឲ្យអនុវត្តនូវ SOP ដែលហៅថា ស្តង់ដារប្រតិបត្តិការអប្បបរមាថែមទៀត។ ដែលស្តង់ដារ SOP មានចែងច្រើនអំពីការរៀបចំទទួលទេសចរ, ការពង្រឹងគុណភាពសេវាកម្ម នឹងផលិតផល, ការធានាសុវត្ថិភាព, ការដាក់ចំនួនភ្ញៀវកុំឲ្យលើសចំណុះ ហើយបុគ្គលិកត្រូវមានការរៀបចំទទួលយ៉ាងណាៗនោះ គឺមានចែងនៅក្នុងនោះអស់ហើយ។

លោក តុប សុភ័ក អះអាងថា “សំខាន់ គឺគោលដៅទេសចរណ៍នីមួយៗហ្នឹង គឺត្រូវធានាសុវត្ថិភាពទៅដល់ភ្ញៀវទេសចរ ហើយកុំផ្ទុកចំនួនលើស។ នេះជាការចូលរួមចំណែកយ៉ាងធំនៅក្នុងការទប់ស្កាត់ការឆ្លងរាលដាលជំងឺកូវីដ១៩ហ្នឹង។  មានន័យថា បើចំនួនភ្ញៀវមកច្រើនហើយ គឺមិនអនុញ្ញាតឲ្យចូលទៅទៀតទេ ត្រូវតែយាម ឬក៏មានសន្តិសុខប្រចាំការ ប្រាប់ថា មិនទទួលភ្ញៀវទៀតទេ។ អាហ្នឹង គឺកុំឲ្យផ្ទុកចំនួនលើសចំណុះ ហើយយើងត្រូវធ្វើទៅតាមការណែនាំបន្ថែមទៀត របស់អាជ្ញាធរមូលដ្ឋាន ពីព្រោះអាជ្ញាធរមូលដ្ឋាន អាចមានបទបញ្ជាផ្ទៃក្នុងពីគណៈអភិបាលខេត្ត។

មន្រ្តីជាន់ខ្ពស់ក្រសួងទេសចរណ៏រូបនោះអះអាងថា មកដល់ពេលនេះ មានកន្លែងខ្លះនៅមិនទាន់បើកទូលំទូលាយទេ ហើយនៅតំបន់គោលដៅទេសចរណ៍ខ្លះ មិនទាន់អនុញ្ញាតអោយចូលលេងកម្សាន្តដែរ តែវាអាស្រ័យទៅតាមស្ថានភាពគោលដៅ ឬទីតាំងគោលដៅទេសចរណ៏នីមួយៗ នៅក្នុងតំបន់ ឬនៅក្នុងខេត្ត៕

អត្ថបទ៖ កោះកែវ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥៣ នាទី មុន

ក្រុមហ៊ុន HEINEKEN CAMBODIA ឈ្នះ​ពានរង្វាន់​ផ្នែក​បរិស្ថាន​ពី​សភាពាណិជ្ជកម្ម​អឺរ៉ុប​នៅ​កម្ពុជា (EUROCHAM)

ព័ត៌មានជាតិ១ ម៉ោង មុន

បងស្រី​បង្កើត​សម្ដេច​ក្រឡា ហោម ស ខេង ទទួលមរណភាព ក្នុង​​ជន្មាយុ​៧៤​ឆ្នាំ

ព័ត៌មានជាតិ១ ម៉ោង មុន

ប្រទេស​សមាជិក MRC ប្តេជ្ញា​ចិត្ត​ពង្រឹង​កិច្ច​សហប្រតិបត្តិការ​តំបន់​ឲ្យ​បាន​កាន់តែ​រឹងមាំ​និង​គាំទ្រ​យុទ្ធសាស្ត្រ​អភិវឌ្ឍន៍​អាង​ទន្លេមេគង្គ

បច្ចេកវិទ្យា១ ម៉ោង មុន

និស្សិត​ឆ្នើម​៨ នាក់​ទទួលបាន​ការហាត់​ការ​ដែលមាន​ប្រាក់ឧបត្ថម្ភ​ជាមួយ​ក្រុមហ៊ុន Axiata ក្នុង​កម្មវិធី SmartEdu USDP រដូវ​កាល​ទី​៣

ព័ត៌មានជាតិ២ ម៉ោង មុន

រដ្ឋបាលខេត្ត​រតនគិរី គ្រោង​នឹង​បំពាក់​ភ្លើង​បំភ្លឺ​ផ្លូវ​សាធារណៈ ដោយ​ប្រព័ន្ធ​បច្ចេកវិទ្យា​ឆ្លាត​វ៉ៃ នៅក្នុង​ភូមិសាស្ត្រ​ខេត្ត​

Sokha Hotels

ព័ត៌មានពេញនិយម

Helistar Cambodia - Helicopter Charter Services