ព័ត៌មានជាតិ

លោកអភិបាលខណ្ឌច្បារអំពៅទេយ្យទានប្រគេនព្រះសង្ឃ ២៤វត្ត ក្នុងខណ្ឌច្បារអំពៅ

បានផុស

២ years មុន

នៅ

ថ្ងៃសៅរ៍ ២ តុលា ២០២១

ដោយ

ភ្នំពេញ ៖ ស្របពេលដែលជំងឺកូវីដ-១៩ កំពុងរាតត្បាតចូលទៅតាមវត្តមួយចំនួនគំរាមកំហែងដល់សុខភាពព្រះសង្ឃនិងគណៈកម្មាការវត្ត បានធ្វើអោយពិធីកាន់បិណ្ឌនិងភ្ជុំបិណ្ឌប្រព្រឹត្តទៅមិនសម ប្រកបទៅតាមការចង់បានរបស់ពុទ្ធបរិស័ទក៏ដូចជាព្រះចៅអធិការវត្តនិងគណៈកម្មាការវត្តនោះឡើយ ពោលគឺពិធីកាន់បិណ្ឌធ្វើឡើងក្នុងភាពខ្លាចរអា ញញើតញញើមរៀងៗខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដើម្បីសម្រាលទុក្ខលំបាកក្នុងវត្តអារាមបង្ការខ្លាចខ្វះចង្ហាន់ នៅព្រឹកថ្ងៃទី០២ ខែតុលា ឆ្នាំ២០២១ លោកចេង មុនីរ៉ា អភិបាលខណ្ឌច្បារអំពៅបាន រៀបចំទេយ្យទានជាច្រើនមុខនាំយកទៅប្រគេនព្រះសង្ឃគង់នៅវត្តចំនួន២៤ ក្នុងមូលដ្ឋានខណ្ឌច្បារអំពៅ។

សកម្មភាពមនុស្សធម៌នេះ ត្រូវបានលោកអភិបាលខណ្ឌចាត់តំណាងឲ្យដឹកយកទេយ្យទានទៅប្រគេនដល់ព្រះសង្ឃដោយផ្ទាល់នៅគ្រប់វត្តទាំងអស់ ក្នុងវត្តនីមួយៗទទួលបានអង្ករ៤បាវ ទឹកសុទ្ធ១០កេស ទឹកដោះគោ១កេសធំ ស្ករស១បាវ និងថវិកាមួយចំនួនតាមសទ្ធាជ្រះថ្លារបស់ក្រុមការងារនិងមន្ត្រី៕
ដោយ ៖ នរា