ព័ត៌មានជាតិ
អាជ្ញាធររាជធានីនឹងរឹតបន្តឹងការអនុវត្តច្បាប់ចរាចរផ្លូវគោកនិងវិធានសុខាភិបាលក្នុងឱកាសភ្ជុំបិណ្ឌ អ្នកមិនគោរពតាម ត្រូវទទួលការផាកពិន័យតាមច្បាប់
ភ្នំពេញ ៖ អាជ្ញាធររាជធានីភ្នំពេញនឹងចាប់រឹតបន្តឹងលើការអនុវត្តច្បាប់ចរាចរផ្លូវគោក និងវិធានការការពារការរីករាលដាលជំងឺកូវីដ-១៩ក្នុងឧិកាសដែលបងប្អូនប្រជាពលរដ្ឋសម្រុកចាកចេញពីរាជធានីភ្នំពេញទៅកាន់ស្រុកកំណើតក្នុងឱកាសបុណ្យ ភ្ជុំបិណ្ឌនេះ។
នេះបើតាមការបង្ហាញក្នុងសន្និសីទសារព័ត៌មាន នារសៀលថ្ងៃទី៤តុលានេះ នៅសាលារាជធានីភ្នំ ពេញដែលចូលរួមដោយលោកឧត្តមសេនីយ៍ទោ ចេវ ហាក់ ស្នងការរងនៃស្នងការដ្ឋាននគរបាលរាជធានីភ្នំពេញ, និងលោកសាំ ពិសិដ្ឋ ប្រធានមន្ទីរសាធារណការនិងដឹកជញ្ជូនរាជធានីភ្នំពេញ និងជាអនុប្រធានគណៈកម្មការអនុវត្តច្បាប់ចរាចរណ៍ផ្លូវគោក។
លោកសាំ ពិសិដ្ឋ បានលើកឡើងថា ពីថ្ងៃទី៥ដល់ថ្ងៃទី៧តុលានៃថ្ងៃឈប់សំរាកសម្រាប់ពិធីបុណ្យភ្ជុំបិណ្ឌ ប្រជាពលរដ្ឋនឹងសម្រុកចាកចេញពីរាជធានីភ្នំពេញចេញទៅស្រុកកំណើតមានការកើនឡើងខុសពីធម្មតា។ ដូច្នេះបង្កឲ្យ មានការកើននូវគ្រោះថ្នាក់ចរាចរ ជាពិសេសបង្កឲ្យមានការឆ្លងរាលដាលនៃជំងឺកូវីដ១៩ រវាងភ្នំពេញនិងបណ្តាខេត្តក្រុងដទៃទៀត។ ជាមួយគ្នានេះ អ្នកបើកបរទាំងឡាយទាំងម៉ូតូ និងរថយន្តត្រូវគោរពច្បាប់ចរាចរណ៍ផ្លូវគោកដោយមិនត្រូវដឹកអ្នកដំណើរ ឬសម្ភារៈ ទំនិញផ្សេងៗលើសទម្ងន់ និងសំពីងសំពោងជាដើម។
លោកសាំ ពិសិដ្ឋ បានអំពាវនាវដល់អ្នកបើកបរទាំងអស់មិនត្រូវបើកបរវ៉ាជែង ឬ វ៉ាខាងស្តាំជាដើម។ ដោយឡែកលោកឧត្តមសេនីយ៍ទោចេវ ហាក់ បានគូសបញ្ជាក់ថា គោលដៅសំខាន់គឺអ្នកបើកបរ និងអ្នកដំណើរត្រូវចេះការពារអាយុជីវិតពីគ្រោះថ្នាក់ចរាចរណ៍ផង និងចេះការពារខ្លួនពីជំងឺកូវីដ.១៩ផងដែរ។ ដោយមានការណែនាំពី លោកឃួង ស្រេង អភិបាលនៃគណៈអភិបាលរាជធានីភ្នំពេញ សមត្ថកិច្ចយើងអនុ វត្តយ៉ាងម៉ឺងម៉ាត់សំដៅធ្វើយ៉ាងណាការពារសុវត្ថិភាពសាធារណៈលើការត្រួតពិនិត្យរឹតបន្តឹងទប់ស្កាត់បទល្មើសលួច ឆក់ ប្លន់ជាដើម។
លោកបានអំពាវនាវដល់ អ្នកបើកបរនិងអ្នកធ្វើដំណើរ ត្រូវគោរពវិធានសុខាភិបាល៣កុំ ៣ការពារ។ពាក់ម៉ាស់ឲ្យបានគ្រប់គ្នា។ ចំពោះអ្នកមិនគោរពតាមការណែនាំ ត្រូវទទួលការផាកពិន័យតាមច្បាប់៕
ដោយ ៖ ស្រីរ័ត្ន
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៤ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)