ព័ត៌មានជាតិ
ភ្ញៀវទេសចរជាច្រើន សម្រុកមកកម្សាន្តនៅខេត្តកែប លើសពីការរំពឹងទុក
នាឱកាសបុណ្យភ្ជុំបិណ្ឌឆ្នាំនេះ អ្នកទេសចរបានសម្រុកមកសម្រាក លម្ហែ កម្សាន្ត លើសពីការរំពឹងទុក។
ទោះបីយ៉ាងណា រដ្ឋបាលខេត្តកែប បានជំរុញ និងរៀបចំសោភ័ណភាពនៅតាមទីសាធារណៈ ដោយអនុវត្តតាមការណែនាំរបស់ក្រសួងសុខាភិបាល ពិសេសការជំរុញដល់ក្រុមអ្នកទេសចរឲ្យពាក់ម៉ាស លាងដៃនឹងអាល់កុល ការធ្វើអនាម័យ រក្សាគម្លាត តាមមាត់ឆ្នេរកែប ដើម្បីបញ្ចៀសការចម្លងជំងឺកូវីដ-១៩។
ក្នុងដំណើរដឹកនាំកម្លាំងសមត្ថកិច្ច និងក្រុមការងារពិនិត្យពីស្ថានភាព ក៏ដូចជាការរៀបចំសណ្តាប់ធ្នាប់របៀបរៀបរយនៅតាមមាត់ឆ្នេរកែប នៅថ្ងៃទី ០៧ ខែតុលា ឆ្នាំ ២០២១ លោក សោម ពិសិដ្ឋ អភិបាលខេត្តកែប បានលើកឡើងថា ថ្វីត្បិតក្នុងឱកាសសែនបុណ្យភ្ជុំបិណ្ឌ កាលពីម្សិលមិញមានអ្នកទេសចរក្នុងស្រុកចូលមកលម្ហែ កម្សាន្ត នៅមាត់ឆ្នេរកែបចំនួន ៣៣,៧១៧ នាក់ និងអ្នកទេសចរអន្តរជាតិ ១៣៥ នាក់ តែរដ្ឋបាលខេត្ត បានអនុវត្តនូវវិធានការសុខាភិបាល គឺការណែនាំដល់ភ្ញៀវឲ្យរក្សាការអនាម័យ ដូចជា ពាក់ម៉ាស់ លាងសម្អាតដៃនឹងសាប៊ូ ឬអាល់កុល រក្សាគម្លាត ធ្វើបែបនេះដើម្បីការពារទប់ស្កាត់កុំឲ្យមានការរាលដាលជំងឺកូវីដ-១៩ ក្នុងសហគមន៍របស់យើង។
ក្នុងកាលៈទេសៈនេះ លោកអភិបាលខេត្ត សូមណែនាំដល់ក្រុមអាជីវករ និងមីង ពូ បងប្អូនទាំងអស់គ្នា មេត្តារក្សាគម្លាត ពាក់ម៉ាសការពារ ថែរក្សាសុខភាព និងអនាម័យខ្លួនប្រាណ តាមការណែនាំរបស់ក្រសួងសុខាភិបាល ដើម្បីចូលរួមចំណែកជាមួយរាជរដ្ឋាភិបាលក្នុងការទប់ស្កាត់ជំងឺ Covid-19 ។ ត្រូវចូលរួមសហការអនុវត្តតាមសេចក្ដីណែនាំស្ដីពីវិធានការទប់ស្កាត់ការឆ្លងរាលដាល នៃជំងឺកូវីដ-១៩ ក្នុងភូមិសាស្ត្រខេត្តកែប ឲ្យមានប្រសិទ្ធភាព និងត្រូវបង្កើនការប្រុងប្រយ័ត្នឲ្យបានខ្ពស់ ដោយត្រូវអនុវត្តឲ្យបានម៉ឺងម៉ាត់បំផុតនូវវិធានការ «៣ការពារ និង ៣កុំ» ជាពិសេសវិធានការរបស់ក្រសួងសុខាភិបាលប្រកបដោយស្មារតីទទួលខុសត្រូវខ្ពស់ ដើម្បីក្រុមគ្រួសារ និងសហគមន៍ចៀសផុតពីជំងឺឆ្លងដ៏កាចសាហាវនេះ៕
អត្ថបទ ៖ សេង ណារិទ្ធ
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល