ព័ត៌មានជាតិ
ស្ថាប័នធំៗពីររួមគ្នាអភិវឌ្ឍន៍កម្មវិធីសិក្សា ធនាគារនិងហិរញ្ញវត្ថុ ដើម្បីលើកកម្ពស់សមត្ថភាពដល់យុវជនកម្ពុជា
វិទ្យាស្ថានធនាគារនិងហិរញ្ញបានចាប់ដៃគូជាមួយសាកលវិទ្យាល័យអន្តរជាតិ ផារ៉ាហ្គនអភិវឌ្ឍន៍កម្មវិធីសិក្សាធនាគារនិងហិរញ្ញវត្ថុ ដើម្បីលើកកម្ពស់សមត្ថភាពដល់យុវជនកម្ពុជា ក៏ដូចជាឆ្លើយតបទៅនឹងទីផ្សារការងារផ្នែកវិស័យហិរញ្ញវត្ថុនាពេលបច្ចុប្បន្ន។ ពិធីចុះហត្ថលេខាលើអនុស្សរណៈនេះ បានធ្វើឡើងនៅរសៀលថ្ងៃទី៧ ខែតុលា ឆ្នាំ២០២០ក្រោមអធិបតីភាព លោកបណ្ឌិត សភាចារ្យ ហង់ ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា។
លោក បណ្ឌិត អ៊ិន ចាន់នី ប្រធានសមាគមធនាគារនៅកម្ពុជា បានមានប្រសាសន៍ថាអនុស្សរណៈយោគយល់នេះ គឺជានិមិត្តសញ្ញានៃព្រឹត្តិការណ៍សំខាន់មួយសម្រាប់គ្រឹះស្ថានឧត្តមសិក្សាដើម្បីរៀបចំ និងកែលម្អកម្មវិធីសិក្សាឡើងវិញ ជាពិសេសទាក់ទងនឹងតម្រូវការវិស័យធនាគារ និងធម្មជាតិ ដែលមានភាពប្រែប្រួលនៃពិភពធុរកិច្ចជំនួញ។ លោកបានបន្តថា«អីចឹងវិទ្យាស្ថានធនាគារជាអ្នកផ្តល់កម្មវិធីសិក្សាទៅឲ្យសាកលវិទ្យាល័យ ដើម្បីអភិវឌ្ឍន៍កម្មវិធីសិក្សារបស់ខ្លួនឲ្យបានពេញលេញ ដើម្បីលើកកម្ពស់សមត្ថភាពរបស់សិស្សកាន់តែខ្ពស់និងទូលំទូលាយ ខណៈបច្ចុប្បន្នអ្វីដែលសាកលវិទ្យាល័យនីមួយៗបានបង្រៀនលើជំនាញធនាគារនិងហិរញ្ញវត្ថុគ្រាន់តែជាជាមូលដ្ឋានប៉ុណ្ណោះ ដែលធ្វើឲ្យសិស្សពេលរៀនចប់ទៅធ្វើការមិនមានសមត្ថភាពពេញលេញ តម្រូវឲ្យស្ថាប័ននោះត្រូវបង្រៀនបន្តទៀត»។ លោកបានបន្ថែមថា ប៉ុន្តែកម្មវិធីសិក្សាដែលវិទ្យាស្ថានធនាគារនិងហិរញ្ញវត្ថុបង្កើតនេះ គឺមានសព្វគ្រប់ទាំងអស់ទាក់ទិននឹងការងារវិស័យធនាគារនិងហិរញ្ញវត្ថុពោលគឺ ពេលសិស្សរៀនចប់អាចធ្វើការបានតែម្តង ដោយមិនចាំបាច់បង្រៀនដូចមុនទៀតទេ។
ចំណែក លោកស្រី ជា សិរី ឧបការីទេសាភិបាល និងជាអគ្គនាយកបច្ចេកទេស ធនាគារជាតិនៃកម្ពុជា បានទទួលស្គាល់ថា កិច្ចសហការនេះ បានជួយជំរុញឲ្យធនធានមនុស្សក្នុងវិស័យធនាគារមានជំនាញច្បាស់លាស់។ លោកស្រីបានបន្តថា«អ្វីដែលជាគោលបំណងសំខាន់ ដែលយើងចង់បាននៅក្នុងអនុស្សារណៈនេះ គឺចង់ឃើញយុវជនយើងពេលរៀនចប់ពីសាលាទៅ អ្វីដែលគាត់បានរៀនអាចប្រើប្រាស់បានភ្លាម ដោយខាងស្ថាប័នមិនចាំបាច់ចំណាយពេលវេលាយូរក្នុងការបង្រៀនបន្ថែមទៀតនោះទេ»។
លោកស្រីសង្ឃឹមថា ទៅថ្ងៃមុខទៀតនឹងមានសកលវិទ្យាល័យផ្សេងៗទៀតសហការជាមួយវិទ្យាស្ថានធនាគារឲ្យបានកាន់តែច្រើនថែមទៀត ដើម្បីឲ្យសញ្ញាប័ត្ររបស់ខ្មែរយើងជំនាញខាងធនាគារមិនត្រឹមតែទទួលស្គាល់ក្នុងស្រុកទេអាចទទួលស្គាល់ក្រៅស្រុកទៀត។
លោក អ៊ាង សុផល្លែត ប្រធានកិត្តិយសនៃសាកលវិទ្យាល័យអន្តរជាតិ ផារ៉ាហ្គន បានមានប្រសាសន៍ថា«ខ្ញុំមានទំនុកចិត្តថា តាមរយៈអនុស្សរណៈនៃការយោគយល់លើការផ្តល់វគ្គសិក្សាអំពីការផ្តល់ប្រាក់កម្ចីជំនួញ និងប្រាក់កម្ចីពាណិជ្ជកម្ម នៅសាកល-វិទ្យាល័យអន្តរជាតិ ផារ៉ាហ្គន យើងនឹងអាចចូលរួមក្នុងការបណ្តុះបណ្តាលនិស្សិត និងអ្នកជំនាញផ្នែកធនាគារ និងហិរញ្ញវត្ថុ ជំនាន់ក្រោយ ដែលមិនត្រឹមតែអាចបម្រើការងារនៅក្នុងប្រទេសកម្ពុជានោះទេ ប៉ុន្តែក៏អាចបម្រើការងារ នៅក្នុងស្ថាប័នហិរញ្ញវត្ថុណាមួយនៅក្នុងពិភពលោក ផងដែរ។
លោក បណ្ឌិត ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា បានមានប្រសាសន៍ថាតាមរយៈកិច្ចសហការនេះ បង្ហាញពីរបៀបដែលនិយោជិកនិងសាកលវិទ្យាល័យអាចធ្វើការរួមគ្នាក្នុងវិធីជាប្រព័ន្ធ ដើម្បីលើកកម្ពស់សមត្ថភាពនិស្សិត និងទស្សនៈវិស័យការងារ ហើយវាជាការជំរុញទឹកចិត្តដល់វិស័យឧស្សាហកម្មដទៃទៀត ក្នុងការធ្វើការជាមួយស្ថាប័នអប់រំ ដែលពាក់ព័ន្ធនានារបស់ពួកគេឲ្យធ្វើការសហការគ្នាដូចនេះ ផងដែរ៕
អត្ថបទ៖ សំអឿន
សែលកាត មានវត្តមានក្នុងការបង្ហាញពីសមត្ថភាពលើផ្នែកឌីជីថលរបស់ខ្លួន ក្នុងទិវាជាតិ វិទ្យាសាស្រ្ត បចេ្ចកវិទ្យា និងនវានុវត្តន៍ (STI) លើកទី២
សម្តេច ម៉ែន សំអន៖ កត្តាសន្តិភាពបាននាំមកនូវការរីកចម្រើនទាំងវិស័យពុទ្ធចក្រ និងអាណាចក្រ
ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេសឡាវ
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
ឯកឧត្តម ហ៊ុន ម៉ានី អញ្ជើញប្រគល់ផ្ទះជាអំណោយរបស់សម្ដេចតេជោ និងសម្តេចកិត្តិព្រឹទ្ធបណ្ឌិត ជូនក្រុមគ្រួសារយុវជន អន ផានិត
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ព័ត៌មានជាតិ២២ ម៉ោង agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៤ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ agoបឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ agoរូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ agoមួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល