ព័ត៌មានជាតិ
កាប់សម្លាប់លោកតាវ័យ៧១ឆ្នាំក្នុងរោងចាំចម្ការសមត្ថកិច្ចដាក់ការសង្ស័យលើស្ត្រីជាប្រពន្ធ
លោកតាចំណាស់ម្នាក់ បានដេកស្លាប់ក្នុងថ្លុកឈាមយ៉ាងអាណោចអាធ័ម ដោយជនមិនស្គាល់មុខកាប់ជាច្រើនកាំបិតស្ទើរសព្វផ្នែកខាងក្រោយ នៃខ្លួនប្រាណបង្កអោយមានការភ្ញាក់ផ្អើលឡើងកាលពីវេលាម៉ោង ២និង៣០រំលងអាធ្រាត្រ ឈានចូលថ្ងៃទី០៨ ខែតុលា ឆ្នាំ២០២១ នៅចំណុចដីចម្ការមួយកន្លែង ស្ថិតក្នុងភូមិកោះក្របី សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ ។
ជនរងគ្រោះមានឈ្មោះ អាត់ សូត្រ អាយុ៧១ឆ្នាំ មុខរបរកសិករ មានស្រុកកំណើតនៅស្រុកពញ្ញាឭ ខេត្តកណ្តាល ។ បច្ចុប្បន្នជនរងគ្រោះ ស្នាក់នៅតែ២នាក់ស្ត្រីជាប្រពន្ធមានឈ្មោះ ណាត នី អាយុជាង៤០ឆ្នាំ មុខរបរដើរបេះផ្កាម្លិះអោយគេ ។ ចំណងប្តីប្រពន្ធអ្នកទាំង២ គឺរួមរស់នៅជាមួយគ្នាប្រមាណ១២ឆ្នាំកន្លងទៅហើយ ដោយពុំមានការរៀបអាពាហ៍ពិពាហ៍តាមប្រពៃណី ឬច្បាប់ទម្លាប់ឡើយ ហើយជីវិតគូររបស់អ្នកទាំង២ ក៏ពុំមានកូននោះដែរ ។ ស្ត្រីជាប្រពន្ធធ្លាប់មានប្តីដើម មានកូន២នាក់ ។ ឯបុរសជាប្តីធ្លាប់មានប្រពន្ធដើមមានកូន៥នាក់ ។
យោងតាមការរៀបរាប់របស់ស្ត្រីជាប្រពន្ធបានអោយដឹងថា នៅវេលាមុនម៉ោងកើតហេតុ នាងបានសម្រាកនៅខាងក្នុងផ្ទះ តាំងពីក្បាលព្រលប់ម៉ោង៧យប់មកម្លេះ ។ លុះដល់ម៉ោងកើតហេតុ ខណៈបុរសជាប្តីសម្រាកនៅខាងក្រៅ ក៏ស្រាប់តែមានលឺសម្លេងប្រទូស្តសារាយគ្នា ។ មិនបានប៉ុន្មាន នាងក៏ចេញមកមើល ក៏ឃើញមានស្រមោលមនុស្សប្រុសម្នាក់រត់ចេញពីផ្ទះនាង ហើយរត់ចូលទៅមាត់ស្រះទឹកនៅក្បែរនោះ ។ ភ្លាមនោះ នាងមិនបានដេញតាមឡើយដោយចូលទៅបើកមុងមើល ក៏ស្រាប់តែឃើញបុរសជាប្តីដេកក្នុងថ្លុកឈាមនៅលើគ្រែ ។
ស្ដ្រីជាប្រពន្ធបន្តថា ដោយផ្ទះនាងនៅដាច់ស្រយាលនៅខាងក្នុងតែឯង នាងក៏បានរត់ឡើងមកលើផ្លូវធំ ដើម្បីរកគេឯងអោយជួយ ដោយសភាពភ័យស្លន់ស្លោរ និងយំស្រែកផង ។ ពេលនោះ ក៏ជួបជាមួយអ្នកបង់ត្រីម្នាក់ក៏បានសុំអោយគេទៅជួយមើល ហើយបុរសជាអ្នកបង់ត្រី ក៏ទាក់ទងទៅកាន់ប្រជាការពារសង្កាត់អោយចុះទៅជួយមើលដល់ផ្ទះតែម្តង លុះពេលទៅដល់ទើបដឹងថា បុរសជាប្តីបានស្លាប់ហើយ ។
បន្ទាប់ពីដឹងថាជនរងគ្រោះបានស្លាប់ហើយនោះ បុរសជាប្រជាការពារក៏រាយការណ៍បន្ត ទៅកាន់នគរបាលមូលដ្ឋាន ដើម្បីចុះអន្តរាគមន៍ពិនិត្យ ។ ដោយទទួលបានព័ត៌មានហើយនោះ កម្លាំងនគរបាលប៉ុស្តិ៍ នគរបាលខណ្ឌ និងកម្លាំងកងរាជអាវុធហត្ថ ពិសេសនគរបាលផ្នែកកោសល្យវិច័យ បានចុះដល់ទីតាំងកើតហេតុ តាំងពីវេលាយប់កើតហេតុដើម្បីពិនិត្យ ។
អធិការរងនគរបាលខណ្ឌច្បារអំពៅទទួលផែនយុត្តិធម៌ លោកវរសេនីយ៍ទោ វុឌ្ឍ ផូសារវ័ន្ត បានប្រាប់អោយដឹងថា បន្ទាប់ពីការចុះពិនិត្យជាក់ស្តែងនៅជុំវិញកន្លែងកើតហេតុក៏ដូចជា បានសាកសួរនាំលើស្ត្រីជាប្រពន្ធរួចមក សមត្ថកិច្ចសម្រេចធ្វើការនាំខ្លួននាងទៅកាន់ប៉ុស្តិ៍រដ្ឋបាលនគរបាល ជាបណ្តោះអាសន្ន ដើម្បីសាកសួរនាំបន្តទៀត ដោយក្នុងនោះដែរ លោកអធិការរងបញ្ជាក់ថា សមត្ថកិច្ចកំពុងដាក់ការសង្ស័យលើស្ត្រីជាប្រពន្ធ ថាអាចមានការជាប់ពាក់ព័ន្ធនឹងការស្លាប់របស់បុរសជាប្តី ។ ប៉ុន្តែយ៉ាងណាមិញនោះ សមត្ថកិច្ចមិនទាន់កំណត់បាន១០០ភាគរយ ថានាងជាអ្នកប្រព្រឹត្តិមែន ឬយ៉ាងណាឡើយ រង់ចាំសមត្ថកិច្ចបន្តការសាកសួរអោយបានច្បាស់លាស់១០០ភាគរយតាមនីតិវិធីបន្តទៀតសិន ។
ជុំវិញករណីឃាតកម្មដដែលនេះក៏ពុំទាន់ដឹងថា អាចនឹងមានជនទី៣ ជាអ្នកសម្លាប់លោកតាចំណាស់ខាងលើ ឬយ៉ាងណានៅឡើយដែរ រង់ចាំសមត្ថកិច្ចជំនាញបើកការស្រាវជ្រាវអោយបានល្អិតល្អន់បន្តទៀតសិន ។
សូមបញ្ជាក់ថា សពជនរងគ្រោះ គឺត្រូវជនសង្ស័យកាប់ផ្នែកខ្នងជាច្រើនកាំបិត ពិសេសគឺមានស្នាមកាប់ត្រូវនឹងកញ្ចឹង ក មួយកាំបិតយ៉ាងជ្រៅផងដែរ បណ្តាលអោយជនរងគ្រោះ ហូរឈាមច្រើនដល់ដាច់ខ្យល់ស្លាប់តែម្តងទៅ ។
យ៉ាងណាមិញ បន្ទាប់ពីសមត្ថកិច្ចធ្វើការពិនិត្យវិច័យលើសាកសពរួចមក សពត្រូវបានទំនាក់ទំនងទៅក្រុមគ្រួសារសាច់ញាតិជនរងគ្រោះ ដើម្បីមកទទួលយកទៅធ្វើបុណ្យតាមប្រពៃណី ខណៈដែលស្ត្រីជាប្រពន្ធចុង នៅជាប់ក្នុងការសាកសួរនៅឡើយ ដោយមិនទាន់ដឹងថា អាចនឹងមានជាប់ពាក់ព័ន្ធនឹងការស្លាប់ ឬអត់នៅឡើយនោះទេ ។
ជុំវិញអំពើឃាតកម្មដ៏សាហាវខាងលើនេះ បើតាមការអោយដឹងពីអ្នកភូមិក្បែរតំបន់អោយដឹងថា លោកតាខាងលើ ជាមនុស្សចំណាស់ហើយស្លូតបូត មិនដែលមានចេះមានទំនាស់ឈ្លោះទាស់ទែងជាមួយនណារឡើយ ។ អ្នកភូមិបន្តថា បច្ចុប្បន្ននេះ គាត់ក៏ពុំមែនជាមនុស្សមានទ្រព្យធនអីឡើយ គឺដើរបេះបន្លែត្រកួនលក់ តិចតួចគ្រាន់លក់ដូរជាថ្នូរនឹងប្រាក់ចិញ្ចឹមក្រពះប៉ុណ្ណោះ ដល់ពេលមានគេសម្លាប់គាត់បែបហ្នឹង មិនដឹងថា អ្នកដែលសម្លាប់គេប៉ងយកអ្វីពីគាត់ឡើយ ហើយក៏មិនដឹងថា បុគ្គលនោះជានណារដែរ ៕
អត្ថបទ៖ លីហេង
សែលកាត មានវត្តមានក្នុងការបង្ហាញពីសមត្ថភាពលើផ្នែកឌីជីថលរបស់ខ្លួន ក្នុងទិវាជាតិ វិទ្យាសាស្រ្ត បចេ្ចកវិទ្យា និងនវានុវត្តន៍ (STI) លើកទី២
សម្តេច ម៉ែន សំអន៖ កត្តាសន្តិភាពបាននាំមកនូវការរីកចម្រើនទាំងវិស័យពុទ្ធចក្រ និងអាណាចក្រ
ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេសឡាវ
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
ឯកឧត្តម ហ៊ុន ម៉ានី អញ្ជើញប្រគល់ផ្ទះជាអំណោយរបស់សម្ដេចតេជោ និងសម្តេចកិត្តិព្រឹទ្ធបណ្ឌិត ជូនក្រុមគ្រួសារយុវជន អន ផានិត
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ព័ត៌មានជាតិ១ ថ្ងៃ agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ agoបឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ agoរូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ agoមួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល