ព័ត៌មានជាតិ
ទៅឃ្វាលគោប្រទះឃើញគ្រាប់នាំគ្នាវាយលេងបណ្ដាលឱ្យស្លាប់កុមារម្នាក់ និងរបួស២នាក់
លោក ហេង រតនាប្រតិភូរាជរដ្ឋាភិបាលទទួលបន្ទុកជាអគ្គនាយកស៊ីម៉ាក់បានឱ្យដឹងថាមានករណីផ្ទុះគ្រាប់ឡង់ ដែលជាសំណល់យុទ្ធភណ្ឌពីសង្គ្រាម បណ្ដាលឱ្យស្លាប់កុមារាម្នាក់និងរងរបួសកុមារចំនួន២នាក់នាក់ នៅពេលទៅឃ្វាលគោប្រទះឃើញគ្រាប់ហើយនាំគ្នាវាយគ្រាប់នោះលេង។
លោក ហេង រតនា បានបន្តថា ហេតុការណ៍ផ្ទុះគ្រាប់នេះបានកើតឡើងកាលពីថ្ងៃទី០៨ ខែតុលា ឆ្នាំ២០២១ នៅឃុំសាលាវិស័យ ស្រុកប្រាសាទបល្ល័ង្គ ខេត្តកំពង់ធំ ។
លោក ហេង រតនាបានបន្តថា« ខ្ញុំសូមចូលរួមមរណ:ទុក្ខជាមួយគ្រួសារសពនិងសូមវិញ្ញាណខន្តសពបានទៅទីឋានបរមសុខ»។ជាមួយគ្នាដែរ លោកអគ្គនាយកស៊ីម៉ាក់សូមបន្តអំពាវនាវក្មួយៗ ពូមីងលោកតាយាយទាំងអស់មេត្តាជួយបន្តផ្សព្វផ្សាយនិងអប់រំកូនចៅអំពីគ្រោះថ្នាក់ដោយសារសំណល់យុទ្ធភណ្ឌពីសង្គ្រាម ករណីជួបប្រទះសូមកុំប៉ះពាល់គ្រាប់យុទ្ធភណ្ឌនិងត្រូវរាយការណ៍មកកម្លាំងស៊ីម៉ាក់ឬ កំលាំងនគរបាលប៉ុស្តិ៍ ឬអាជ្ញាធរភូមិឃុំ ដែលស្ថិតនៅក្បែរបំផុត ដើម្បីកម្លាំងស៊ីម៉ាក់ប្រមូលកម្ទេចចោលគ្រាប់សំណល់យុទ្ធភណ្ឌពីសង្គ្រាមទាំងនោះ។
យោងតាមរបាយការណ៍របស់អាជ្ញាធរ មីនកម្ពុជាបានឱ្យដឹងថាក្នុងរយៈពេល៩ខែឆ្នាំ២០២១នេះមានជនរងគ្រោះ ដោយសារមីន និងសំណល់ជាតិផ្ទុះពីសង្គ្រាមចំនួន៣៤ ករណី ។ តួលេខនេះបង្ហាញពីការថយចុះ ៣៨% បើប្រៀបធៀបទៅនឹងរយៈពេលដូចគ្នាក្នុងឆ្នាំ២០២០ ដែលមានជនរង គ្រោះដោយសារគ្រាប់មីន និងសំណល់ជាតិផ្ទុះរហូតដល់ទៅចំនួន៥៥នាក់។អាជ្ញាធរមីនកម្ពុជាបានបន្តថាក្នុងចំណោមជនរងគ្រោះដោយសារមីន និងសំណល់ជាតិផ្ទុះពីសង្គ្រាមទាំង៣៤ នាក់នោះក្នុងនោះរួមមានករណីស្លាប់១០នាក់, របួស១៨នាក់, និង ពិការអវយវៈចំនួន៦ នាក់៕
អត្ថបទ៖ សំអឿន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង