ព័ត៌មានជាតិ
លោក លី ធុជ៖ ការបន្តបម្រើផលប្រយោជន៍ប្រជាពលរដ្ឋ គឺជាបេសកកម្ម និងគោលដៅរួម
លោក លី ធុជ សមាជិក គណៈកម្មាធិការកណ្តាល និងជាប្រធានក្រុមការងារគណបក្ស ប្រជាជនកម្ពុជា ចុះមូលដ្ឋាន ក្រុងបាវិត បានលើកឡើងថា ការបន្តបម្រើផលប្រយោជន៍របស់ប្រជាពលរដ្ឋ គឺជា បេសកកម្ម និងគោលដៅរួមរបស់យេីងទាំងអស់គ្នា ក្នុងនាមជាមន្រ្តីរាជការ ក្រុមការងារគណបក្ស និងបេក្ខជនឈរឈ្មោះបោះឆ្នោតជ្រេីសរេីស ក្រុមប្រឹក្សាឃុំ-សង្កាត់។
លោក លី ធុជ នៅព្រឹកថ្ងៃ ទី៩ ខែតុលា ឆ្នាំ២០២១ បានដឹកនាំកិច្ចប្រជុំ ក្រុមការងារគណបក្សចុះមូលដ្ឋាន ក្រុងបាវិត ដេីម្បីរៀបចំបញ្ជីផ្គូរផ្គងបេក្ខជនបោះឆ្នោតជ្រើស ក្រុមប្រឹក្សាឃុំ-សង្កាត់ អាណត្តិទី៥ ឆ្នាំ២០២២ ដែលកិច្ចប្រជុំនេះ មានការអញ្ជើញចូលរួមពី ប្រធាន អនុប្រធាន ក្រុមការងារ គណបក្ស ចុះមូលដ្ឋាន ក្រុងបាវិត ប្រធានក្រុមការងារ គណបក្ស ចុះ មូលដ្ឋាន សង្កាត់ទាំង ៥ និងសមាជិកអចិន្ត្រៃយ៍នៃគណ:កម្មាធិការគណបក្ស ក្រុងបាវិត។
ក្នុងនាម លោកស្រី កិត្តិសង្គហបណ្ឌិត ម៉ែន សំអន លោក លី ធុជ បានជំរុញឱ្យក្រុមការងារគណបក្ស ក្រុង និង មូលដ្ឋាន ត្រូវជ្រេីសរេីស បេក្ខភាព ឈរឈ្មោះបោះឆ្នោត ក្រុមប្រឹក្សា ឃុំ-សង្កាត់ អាណត្តិទី៥ ជាបេក្ខជនដែលមានសមត្ថភាព មានទំនាក់ទំនងល្អជាមួយប្រជាពលរដ្ឋ ចេះស្គាល់ទុក្ខធុរៈរបស់ប្រជាពលរដ្ឋ ជាពិសេសជាអ្នកបម្រើ ប្រជាជនមូលដ្ឋាន ដែលក្នុងការជ្រើសរើសនេះ ត្រូវធ្វេីការប្រកាន់ខ្ជាប់តាមការកំណត់ និងការណែនាំ អំពី ក្រមសីលធម៌ សម្រាប់ក្រុមការងារ បេក្ខជនឈរឈ្មោះបោះឆ្នោត និង អង្គបោះឆ្នោត។
ក្នុងឱកាសនោះ លោក លី ធុជ បានណែនាំឱ្យក្រុមការងារគណបក្ស ត្រូវបន្តពង្រឹងសកម្មភាពគណបក្ស នៅតាមមូលដ្ឋាន និងលេីកកម្ពស់ ការយកចិត្តទុកដាក់ចំពោះសមាជិក សមាជិកា គណបក្ស តាមរយៈការរក្សានូវទំនាក់ទំនងឱ្យ បានល្អ និង ជិតស្និត។ លោកក៏បានជំរុញក្រុមការងារគណបក្សទាំងអស់ ត្រូវត្រៀមឱ្យបានរួចរាល់ នូវសកម្មភាពលម្អិត និង ផែនការអាទិភាព ឱ្យបានច្បាស់សម្រាប់ការងារឃោសនាបោះឆ្នោត ជ្រើសរើស ក្រុមប្រឹក្សា ឃុំ-សង្កាត់ អាណត្តិទី៥ ខាងមុខនេះ៕
អត្ថបទ៖ ឡាង កុសល
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ