ព័ត៌មានជាតិ
បើកយុទ្ធនាការចាក់វ៉ាក់សាំងដូសជំរុញ ជូនពលរដ្ឋទាំង១១ ខណ្ឌចាប់ពីថ្ងៃស្អែក
រដ្ឋបាលរាជធានីភ្នំពេញ បានអំពាវនាវឱ្យប្រជាពលរដ្ឋដែលរស់នៅក្នុងមូលដ្ឋានខណ្ឌចំនួន ១១ ក្នុងរាជធានីភ្នំពេញឱ្យទៅទទួលយកការចាក់ថ្នាំបង្ការជំងឺកូវីដ១៩ សម្រាប់ដូសជំរុញប្រភេទស៊ីណូវ៉ាក់ចាប់ពីថ្ងៃទី ១១ ខែតុលា ២០២១តទៅ។
ការទទួលយកដូសជំរុញនៅពេលនេះគឺធ្វើឡើងក្នុងគោលបំណងដើម្បីបង្កើនភាពស៊ាំទប់ទល់នឹងមេរោគកូវីដ១៩។
រដ្ឋបាលរាជធានីភ្នំពេញបានឱ្យដឹងថា នៅថ្ងៃចន្ទទី ១១ តុលា២០២១ យុទ្ធនាការចាក់ថ្នាំបង្ការជំងឺកូវីដ១៩ ដូសជំរុញប្រភេទស៊ីណូវ៉ាក់ ជូនប្រជាពលរដ្ឋនៅតាមខណ្ឌចំនួន ១១ ក្នុងតំបន់ភូមិសាស្ត្ររាជធានីភ្នំពេញ។
ក្នុងនោះដំណើរការចាក់វ៉ាក់សាំងត្រូវបានសាលាក្រុងភ្នំពេញបញ្ជាក់ថាសម្រាប់ខណ្ឌទួលគោក ខណ្ឌឫស្សីកែវ ខណ្ឌមានជ័យ ខណ្ឌកំបូល និង ខណ្ឌពោធិ៍សែនជ័យ ក្រុមគ្រូពេទ្យយោធានៃកងយោធពលខេរមភូមិន្ទក្រសួងការពារជាតិនឹងចាប់ផ្តើមដំណើរការពីម៉ោង ២ រសៀលហើយប្រជាពលរដ្ឋដែលធ្លាប់ទទួលបានវ៉ាក់សាំងពីក្រុមគ្រូពេទ្យយោធានឹងត្រូវទៅទទួលវ៉ាក់សាំងនៅទីតាំងដែលក្រុមគ្រូពេទ្យយោធាបានរៀបចំសម្រាប់ដូសជំរុញ។
ដោយឡែកសម្រាប់ខណ្ឌបឹងកេងកង ខណ្ឌចំការមន ខណ្ឌច្បារអំពៅ ខណ្ឌ៧មករា និងខណ្ឌសែនសុខ ប្រជាពលរដ្ឋត្រូវទៅទទួលយកវ៉ាក់សាំងចាប់ផ្តើមពីម៉ោង ៨ ព្រឹកតទៅខណៈយុទ្ធនាការចាក់វ៉ាក់សាំងនឹងរៀបចំជូនពីក្រុមពេទ្យនៃមន្ទីរពេទ្យសុខាភិបាលរាជធានីភ្នំពេញនិងក្រុមគ្រូពេទ្យស្ម័គ្រចិត្ត។
ចំពោះខណ្ឌ៣ផ្សេងទៀតរួមមាន៖ខណ្ឌដូនពេញខណ្ឌជ្រោយចង្វារនិងខណ្ឌព្រែកព្នៅអាជ្ញាធរនឹងបើកយុទ្ធនាការចាប់ពីថ្ងៃទី ៣០ ខែតុលា ដោយភារកិច្ចនៃការចាក់វ៉ាក់ សាំងនឹងត្រូវប្រគល់ជូនទៅកាន់ក្រុមគ្រូពេទ្យនៃមន្ទីរពេទ្យសុខាភិបាលរាជធានីភ្នំពេញនិងក្រុមគ្រូពេទ្យស្ម័គ្រចិត្ត។
បើតាមសាលាក្រុងភ្នំពេញដំណើរការចាក់វ៉ាក់សាំងដូសជំរុញនេះប្រជាពលរដ្ឋត្រូវភ្ជាប់មកជាមួយនូវប័ណ្ណចាក់វ៉ាក់សាំងកូវីដ១៩ និងអត្តសញ្ញាណប័ណ្ណសញ្ជាតិខ្មែរ ឬឯកសារ ដែលបានប្រើប្រាស់ក្នុងការចាក់វ៉ាក់សាំងដូសទី១។
ប្រជាពលរដ្ឋត្រូវធានានូវគម្លាតរយៈពេល៤ខែគិតចាប់ពីពេលទទួលបានវ៉ាក់សាំងដូសទី២ មុនពេលមកទទួល យកដូសជំរុញ។
គួររំលឹកផងដែរថាគិតត្រឹមថ្ងៃទី០៩តុលានេះកម្ពុជាមានពលរដ្ឋបានចាក់វ៉ាក់សាំងចំនួន ៩៩,១៨ ភាគរយធៀបជាមួយចំនួនប្រជាជនគោលដៅ ១០ លាននាក់ និងចំនួន ៨៤,២៥ភាគរយធៀបជាមួយចំនួនប្រជាជនគោលដៅ១៦ លាននាក់ ។ បន្ថែមពីនេះកម្ពុជាក៏មានពលរដ្ឋចំនួន ៩១៧,៩៩៦ នាក់ផងដែរបានចាក់វ៉ាក់សាំងដូសជំរុញរួចរាល់៕
អត្ថបទៈ ណារី
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល