សាលា​វិទ្យាល័យ​ស្វាយរៀង បើក​ដំណើរការ​ឡើងវិញ​ក្នុង​បរិបទ​កូ​វីដ​-១៩ សិស្ស​ទាំងអស់​ត្រូវបាន​ចាក់​វ៉ាក់សាំង​ការពារ​ជំងឺ​កូ​វីដ​-១៩​រួចរាល់​ផង​ដែរ​
Connect with us
Helistar Cambodia - Helicopter Charter Services

ព័ត៌មានជាតិ

សាលា​វិទ្យាល័យ​ស្វាយរៀង បើក​ដំណើរការ​ឡើងវិញ​ក្នុង​បរិបទ​កូ​វីដ​-១៩ សិស្ស​ទាំងអស់​ត្រូវបាន​ចាក់​វ៉ាក់សាំង​ការពារ​ជំងឺ​កូ​វីដ​-១៩​រួចរាល់​ផង​ដែរ​

បានផុស

នៅ

ស្វាយរៀង ៖ នៅ​ថ្ងៃ​ច័ន្ទ ទី​១១ ខែតុលា ឆ្នាំ​២០២១ ឯកឧត្ដម តូច ប៉ូ​លី​វ៉ា អភិបាលរង​ខេត្តស្វាយរៀង តំណាង​ឯកឧត្ដម​អភិបាលខេត្ត បាន​អញ្ជើញ​ពិនិត្យ​ការបើក​ដំណើរការ​ឡើងវិញ​សាលា​វិទ្យាល័យ​ស្វាយរៀង ស្ថិតនៅក្នុង​ក្រុង​ស្វាយរៀង ដែលមាន​សិស្ស ថ្នាក់​ទី​៩ និង​ថ្នាក់​ទី​១២ ក្នុង​មួយ​បន្ទប់​ត្រូវបាន​បែងចែក​តាម​បណ្ដុំ ១​ថ្នាក់ ចំនួន​១៥​នាក់ ហើយ​ចំនួន​សិស្ស​ទាំងអស់នេះ​គឺ​ត្រូវ​បានទទួល​ការចាក់​វ៉ាក់សាំង​ការពារ​ជំងឺ​កូ​វីដ​-១៩​រួចរាល់​ផងដែរ​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មានប្រសាសន៍​ក្នុងឱកាស​នោះ ឯកឧត្តម តូច ប៉ូ​លី​វ៉ា ក៏បាន​ផ្ដាំ​ផ្ញើ​ដល់​លោកនាយក​សាលា​ចំណុច​មួយ​ចំនួន​ដូចជា​៖

-​ត្រូវ​រៀបចំ​បន្ទប់​ដាច់ដោយឡែក មួយ​នៅក្នុង​សាលា​ក្នុងករណី​មាន​សិស្សានុសិស្ស ដែល​សុខ​ភាពមិន​ប្រក្រ​តី​ត្រូវ​ដាក់​គាត់​នៅ​ដាច់ដោយឡែក​តាមដាន​សុខភាព និង​ទាក់ទង​ទៅ​មន្ត្រី​ជំនាញ​ដើម្បី​យក​វត្ថុ​វិភាគ​សំណាក​ធ្វើ​តេស្ដ​។

-​សិស្សានុសិស្ស​មុននឹង​ចូល​ដល់​ថ្នាក់រៀន ត្រូវ​ច្រក​ម៉ាស់ សម្អាត​ដៃ​ជាមួយ​អាល់កុល ឬ​សាប៊ូ និង​សួរនាំ​ក្នុងករណី​មាន​បងប្អូន ឬ​អ្នកជិតខាង​មាន​វិជ្ជមាន​ជំងឺ​កូ​វីដ​-១៩ តម្រូវឱ្យ​ឈប់សម្រាក​ធ្វើ​ច​ត្តា​ឡី​ស័ក​។​

-​ម៉ោង​សម្រាក​ចេញលេង របស់​សិស្សានុសិស្ស ត្រូវ​ផ្លាស់ប្តូរ​ឆ្លាស់​វេន​គ្នា ជៀសវាង​មានការ​ជួបជុំ​ប្រមូល​ផ្តុំគ្នា អាច​បង្ក​ហានិភ័យ​ការឆ្លង​រីក​រាលដាល​ជំងឺ​កូ​វីដ​-១៩​។​

បន្ថែម​លើស​ពី​នេះ ឯកឧត្តម ក៏បាន​អំពាវនាវ លោកគ្រូ អ្នកគ្រូ សិស្សានុសិស្ស​ទាំងអស់​យ​ក​ចិត្ត​ទុកដាក់ ក្នុងការ​បង្រៀន និង​រៀន​ទាំង​នៅ​សាលា​ផ្ទាល់ ទាំង​តាមរយៈ​អន​ឡាញ ដើម្បី​ក្រេបជញ្ជក់​យកចំណេះ​ដឹង សម្រាប់​ក្លាយជា​សិស្ស​ល្អ ពលរដ្ឋ​ល្អ​ក្នុងសង្គម ជា​ទំពាំង​ស្នង​ឫស្សី​របស់​ប្រទេសជាតិ​យើង​នា​ពេល​អនាគត និង​ត្រូវ​បន្ត​គោរព​អនុវត្ត​ឲ្យ​បាន​ម៉ឺងម៉ាត់​នូវ​វិធានការ​សុខាភិបាល របស់​ក្រសួងសុខាភិបាល និង​គោរព​អនុវត្ត​ឲ្យ​បាន​ខ្ជាប់ខ្ជួន​នូវ​អនុសាសន៍​របស់ សម្តេច​តេ​ជោ ដើម្បី​ការពារ​ជំងឺ​កូ​វីដ​-១៩ គឺ ៣.​ការពារ និង ៣.​កុំ ព្រមទាំង​ប្រតិបត្តិ​ឲ្យ​បានជា​ប់លាប់​នូវ គោលការណ៍ SOP( នីតិវិធី​ប្រតិបត្តិការ​ស្តង់ដារ​) របស់ ក្រសួង​អប់រំ យុវជន និង​កីឡា ដើម្បី​ធ្វើយ៉ាងណា​សម្រួល​ដល់ ប្អូនៗ ក្មួយៗ បាន​បន្ត​ការសិក្សា និង​អាច​ឈានទៅ​បើក​ដំណើរការ​ថ្នាក់​បឋម សិក្សា​ជា​បន្តបន្ទាប់​ទៀត​នាពេល​ដ៏​ខ្លី​ខាងមុខ​៕

ដោយ ៖ ភក្ដី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៤ នាទី មុន

កម្ពុជា​សម្តែង​ការព្រួយបារម្ភ​យ៉ាងខ្លាំង​ចំពោះ​ការប៉ះទង្គិច​ប្រដាប់អាវុធ​ដ៏​ធ្ងន់ធ្ងរ​នៅ​មី​យ៉ាន់​ម៉ា​

ព័ត៌មានជាតិ១៩ នាទី មុន

៣០​ឆ្នាំនេះ​ធនាគារ​អេស៊ីលីដា​បាន​ឈរជើង​យ៉ាងរឹងមាំ​ក្នុង​វិស័យ ធនាគារ​និង​ហិរញ្ញវត្ថុ​នៅ​កម្ពុជា​

ជំនឿ៣ ម៉ោង មុន

ទម្រង់ច្រមុះ ៣ប្រភេទ ចាស់ពីដើមចាត់ទុកជាមនុស្សមានបុណ្យវាសនាល្អ

នយោបាយ៣ ម៉ោង មុន

ព្រះអង្គម្ចាស់ នរោត្តម ចក្រាវុធ អំពាវនាវ​ឱ្យ​ថ្នាក់ដឹកនាំ​បន្ត​ខិតខំ ដើម្បី​ឲ្យ​បក្ស​រាជានិយម​នេះ មាន​សម្លេង​ឡើងវិញ

ជីវិតកម្សាន្ដ៤ ម៉ោង មុន

ម៉ា ដូ​ណា ហួសចិត្ត​លើ​ការ​ផ្សព្វផ្សាយ​មួយចំនួន​ដែល​បំផ្លើស​ផ្ទុយ​ការពិត

Sokha Hotels

ព័ត៌មានពេញនិយម

Helistar Cambodia - Helicopter Charter Services