អភិបាលខេត្តកំពង់ឆ្នាំង ទទួល​ស្គាល់​​មាន​ការ​ទារប្រាក់ពីគ្រួសារ​សព​ស្លាប់​ដោយ​កូវីដ
Connect with us
Helistar Cambodia - Helicopter Charter Services

ព័ត៌មានជាតិ

អភិបាលខេត្តកំពង់ឆ្នាំង ទទួល​ស្គាល់​​មាន​ការ​ទារប្រាក់ពីគ្រួសារ​សព​ស្លាប់​ដោយ​កូវីដ

បានផុស

នៅ

លោក ស៊ុន សុវណ្ណរិទ្ធ អភិបាលខេត្តកំពង់ឆ្នាំងបានទទួលស្គាល់ថា ពិតជាមានករណីទារប្រាក់ពីគ្រួសារសពស្លាប់ដោយកូវីដ យកទៅចាត់ចែងដើម្បីបូជាសពពិតប្រាកដមែន ហើយរដ្ឋបាលក្រុងស្រុកក៍បានរៀបចំ ថវិកាចូលបុណ្យជូនគ្រួសារសពវិញរួចរាល់ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈលិខិតរបស់រដ្ឋបាលខេត្តកំពង់ឆ្នាំងដែលបានរាយការណ៍ជូនសម្ដេចតេជោ ហ៊ុន សែន នាយករដ្ឋមន្ត្រី កម្ពុជាកាលពីថ្ងៃទី១១តុលា ម្សិលមិញ អភិបាលខេត្តកំពង់ឆ្នាំងបានជម្រាបជូនសម្តេចថា បន្ទាប់ពីមានគ្រួសារសព ដែលស្លាប់ដោយសារជំងឺកូវីដ-១៩ បានខមិន (Comment)ចូលក្នុងបណ្ដាញសង្គមហ្វេសប៊ុកថា មានការទារប្រាក់ពីគ្រួសារសពរួចមក រដ្ឋបាលខេត្តបានធ្វើការស្រាវជ្រាវទៅលើករណីនេះ ហើយបានរកឃើញថាពិតជាកើតមានករណីនេះប្រាកដមែន។

លោក ស៊ុន សុវណ្ណរិទ្ធ

លោកអភិបាល​ខេត្តបានជម្រាបជួនសម្តេចទៀតថា ករណីនេះមន្ទីរធម្មការ និងសាសនាខេត្តកំពង់ឆ្នាំង ជាអ្នកសម្រប សម្រួល​ជាមួយអាចារ្យ ភ្លុក ហើយ អាចារ្យ ភ្លុក ជាអ្នកទារប្រាក់ដោយផ្ទាល់ ពីគ្រួសារសព ដើម្បីចាត់ចែងប្រើប្រាស់ក្នុងការបូជាសព ដោយមិនបានទំនាក់ទំនងទៅរដ្ឋបាលក្រុង ស្រុកឱ្យបានដឹងអំពីការខ្វះខាត ដើម្បីដោះស្រាយតាមការណែនាំរបស់អភិបាលខេត្តឡើយ។

អភិបាលខេត្តបានបញ្ជាក់ថា ជាគោលការណ៍រដ្ឋបាលខេត្តមិនដែលបានចេញសេចក្តីកំណត់ ឱ្យទារប្រាក់ពីគ្រួសារសព នោះឡើយគឺមានតែជួយឧបត្ថម្ភបន្ថែមដល់គ្រួសារសពដែលក្រីក្រ ខ្វះលទ្ធភាព ដើម្បីសម្រួលដល់ការលំបាក។ ជាងនេះរដ្ឋបាលខេត្តក៍បានណែនាំ ក្នុងករណីមានការបូជាសពដែលស្លាប់ដោយជំងឺកូវីដ-១៩ ក្រុមការងារបូជាសព ត្រូវទំនាក់ទំនងទៅរដ្ឋបាលក្រុង ស្រុកដើម្បីដោះស្រាយការខ្វះខាតគឺមិនឱ្យមានការទារប្រាក់ពីគ្រួសារសពនោះឡើយ។

គិតត្រឹមថ្ងៃទី ១១ ខែតុលាឆ្នាំ ២០២១ នេះ នៅក្នុងខេត្តកំពង់ឆ្នាំងមានអ្នកស្លាប់ដោយសារជំងឺកូវីដ១៩ ចំនួន ១០៨ នាក់ ក្នុងនោះ ៤៥ សព ចំណាយថវិកាអស់ ១៣៥ លានរៀល មួយសពចំណាយ៣ លាលរៀលដូចជាជួលមេនចល័តនិង ៦៣សពទៀតក្រោយរដ្ឋបាលខេត្តសាងសង់ឈាបដ្ឋានរួចរាល់ នឹងត្រូវបូជានៅកន្លែងកំណត់នៅភូមិដំណាក់កី ឃុំជើងគ្រាវស្រុករលាប្អៀរ ហើយថវិការដ្ឋបាលក្រុង ស្រុក ជាអ្នកចូលរួមចំណែក រ៉ាប់រងទាំងស្រុងក្នុងមួយសព ១លានរៀលអស់ថវិកាចំនួន ៦៣ លានរៀល សរុបចំនួន ១០៨ សព។

លោកអភិបាលខេត្តបានបញ្ជាក់ថា រដ្ឋបាលខេត្ត រដ្ឋបាលក្រុង ស្រុកជុំវិញខេត្តចូលរួមអស់ចំនួន ១៩៨លានរៀល។ លើកលែងករណីក្រុមគ្រួសារសពខ្លះដែលមានជីវភាពធូរធាមានទឹក ចិត្តស្រឡាញ់បងប្អូនសាច់ញាតិដោយស្ម័គ្រចិត្តឧបត្ថម្ភ​ជួយ​ដល់រថយន្តសង្គ្រោះភ្លុក អាចារ្យនិងប្រគេនព្រះសង្ឃដែលបាននិមន្តទៅ បង្សុកូល ដើម្បីឧទ្ទិសកុសពផលបុណ្យជូនដល់សពដែលត្រូវជា បងប្អូនសាច់ញាតិ បានចែកឋានទៅបានដល់សុគតិភពតែប៉ុណ្ណោះ ។

បើ​តាម​លោកអភិបាលខេត្តបានជម្រាបជូនសម្តេចនាយករដ្ឋមន្ត្រី រដ្ឋបាលខេត្តកំពង់ឆ្នាំងប្តេជ្ញាមិនឲ្យករណីនេះកើតមានជាថ្មី និង​បន្តខិតខំត្រួតពិនិត្យរៀបចំការបូជាសពអ្នកជំងឺដែលស្លាប់ដោយកូវីដ-១៩ ឱ្យបានល្អប្រសើរបន្ថែមទៀត។

គួរបញ្ជាក់ថា ករណីនេះបានកើតមានតាំងពីថ្ងៃទី២២ ខែកញ្ញា ឆ្នាំ២០២១ ដែលទើបនឹងមានការលើកឡើងក្នុងបណ្ដាញសង្គមនាពេល នេះ  ហើយក្រោយពីបានស្រាវជ្រាវ លើករណីនេះរួច រដ្ឋបាលក្រុងស្រុកក៍បានរៀបចំ ថវិកាចូលបុណ្យ​ជូន​គ្រួសារសពវិញរួចរាល់ផងដែរ៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១១ ម៉ោង មុន

ឃុំខ្សាយខ មានកុមារអាយុក្រោម ២ ឆ្នាំ និងស្ត្រីមានផ្ទៃពោះ គ្រួសារស្លាប់ដោយកូវីដ-១៩ បន្តទទួលសាច់ប្រាក់រាជរដ្ឋាភិបាល

ព័ត៌មានជាតិ១៤ ម៉ោង មុន

ចាប់ខ្លួនស្រ្តីម្នាក់ តាមដីកាបង្គាប់របស់តុលាការ ហើយនៅតេស្ដរកឃើញ វិជ្ជមានកូវីដ-១៩

ព័ត៌មានអន្ដរជាតិ១៤ ម៉ោង មុន

កូរ៉េខាងត្បូង ជួបសីតុណ្ហភាពត្រជាក់បំផុតក្នុងរយៈពេល ៦៤ ឆ្នាំ តំបន់ខ្លះធ្លាក់ចុះដល់ក្រោមសូន្យ

ព័ត៌មានជាតិ១៤ ម៉ោង មុន

ក្រសួងសុខាភិបាល បង្ហាញបញ្ជីឈ្មោះសណ្ឋាគារចំនួន ៥ សម្រាប់អ្នកដំណើរកក់ធ្វើចត្តាឡីស័ក

ចរាចរណ៍១៥ ម៉ោង មុន

សមត្ថកិច្ច បញ្ជូនបុរសម្នាក់ទៅតុលាការ ក្រោយបើករថយន្តបុករះ បណ្តាលឲ្យមនុស្ស ៣ស្លាប់ និង៣នាក់ទៀតរងរបួស

Sokha Hotels

ព័ត៌មានពេញនិយម

Helistar Cambodia - Helicopter Charter Services