ព័ត៌មានជាតិ
សម្ដេចក្រឡាហោម ស្នើឲ្យអភិបាលខេត្តមណ្ឌលគិរី ថ្មី ខិតខំដោះស្រាយករណីរំលោភបំពានដីធ្លី ផ្ទះសម្បែងរបស់ពលរដ្ឋ
ការបញ្ជាក់របស់សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បែបនេះ នៅពិធីប្រកាសចូលកាន់មុខតំណែងអភិបាលនៃគណៈភិបាលខេត្តមណ្ឌលគិរី លោក ថង សាវុន នារសៀលថ្ងៃទី១២ ខែតុលា ឆ្នាំ២០២១នេះ។
សម្ដេចក្រឡាហោម ស ខេង បានមានប្រសាសន៍ថា កន្លងទៅនៅក្នុងខេត្តមណ្ឌលគីរី មានបញ្ហាប្រឈមទាក់ទិនទៅនឹងការរំលោភកាន់កាប់ធនធានធម្មជាតិរបស់រដ្ឋ ឬទ្រព្យសម្បត្តិសាធារណៈរបស់រដ្ឋ ដែលមានដី និងព្រៃឈើជាដើម ប៉ុន្តែបានរួមគ្នាដើម្បីដោះស្រាយផងដែរនាពេលកន្លងមក។ ប្រសិនបើយើងមិនបានរួមគ្នាដោះស្រាយនោះទេ ភាពអានាធិបតេយ្យ នឹងកាន់តែធ្ងន់ធ្វើឡើង ធ្វើឱ្យយើងគ្មានឱកាសដើម្បីនឹងដោះស្រាយបាននោះទេ។
សម្ដេចក្រឡាហោម ស ខេង បានបញ្ជាក់ថា “មានមន្ត្រីមួយចំនួនយើងខ្ញុំសោកស្ដាយណាស់ ដែលមានកំហុសឆ្គងទាក់ទងទៅនឹងការរំលោភប្រើអំណាច ដោយរំលោភក្នុងការយកដី យកធ្លី ទ្រព្យសម្បត្តិរបស់រដ្ឋ នេះដោយសារតែភាពលោភលន់របស់មន្ត្រីយើងមួយចំនួន។ យើងមានការសោកស្ដាយ។ ចឹងទេខ្ញុំសូមបញ្ជាក់ថា ឯកឧត្តម ថង សាវុន រួមជាមួយមន្ត្រីទាំងអស់ត្រូវបន្តការពារនូវធនធានធម្មជាតិរបស់យើងដែលមាន ជាពិសេសទ្រព្យសម្បត្តិរបស់រដ្ឋ ដោយមិនឲ្យមានការរំលោភបំពាន ហើយត្រូវទៅខិតខំដើម្បីគោរពផលប្រយោជន៍របស់ប្រជាពលរដ្ឋ ដូចជាដីធ្លី ភូមិដ្ឋានរបស់ប្រជាពលរដ្ឋ ដែលតែងតែមានព័ត៌មានអំពីការរំលោភជាបន្តបន្ទាប់ នេះជាបញ្ហាដែលខ្ញុំស្នើឲ្យយកចិត្តទុកដាក់ដោះស្រាយ”។
បើតាមសម្ដេចក្រឡាហោម ស ខេង ក្រៅពីនេះ ភារកិច្ចរបស់យើងក្រៅពីបន្តអនុវត្តគោលនយោបាយគ្រប់វិស័យរបស់រាជរដ្ឋាភិបាល ក៏មានភារកិច្ចសំខាន់ជាច្រើនទៀតទាក់ទងទៅនឹងការធ្វើវិមជ្ឈការ និងវិសហមជ្ឈការ ដែលបញ្ហានេះយើងបានកំណត់ជាមាគ៌ានយោបាយរបស់គណបក្សផង ជាគោលនយោបាយរបស់រាជរដ្ឋាភិបាលផង គឺការអនុវត្តកំណែទម្រង់វិមជ្ឈការ និងវិសហមជ្ឈការ ហើយដើម្បីឲ្យបញ្ហានេះ ទទួលបានជោគជ័យ បញ្ហាគន្លឹះធំ គឺការគាំទ្រ និងការចូលរួម ពីអ្នកពាក់ព័ន្ធទាំងអស់ ទាំងថ្នាក់ជាតិ និងថ្នាក់ក្រោមជាតិ ថ្នាក់ខេត្ត ក្រុង ស្រុក ឃុំ សង្កាត់ រួមទាំងប្រជាពលរដ្ឋផង៕
អត្ថបទ៖ កោះកែវ
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ