ព័ត៌មានជាតិ
ថ្ងៃខានស្អែកនេះ គណៈកម្មាធិការអចិន្ត្រៃយ៍រដ្ឋសភា នឹងបើកកិច្ចប្រជុំពិនិត្យមើលលើសេចក្តីស្នើវិសោធនកម្មរដ្ឋធម្មនុញ្ញ
នៅថ្ងៃទី១៤ ខែតុលា ឆ្នាំ២០២១ ខានស្អែកនេះ គណៈកម្មាធិការអចិន្ត្រៃយ៍រដ្ឋសភា នឹងបើកកិច្ចប្រជុំ ពិនិត្យមើលលើសេចក្តីស្នើវិសោធនកម្មរដ្ឋធម្មនុញ្ញ ដើម្បីកំណត់សញ្ជាតិសម្រាប់ថ្នាក់ដឹកនាំកំពូលៗរបស់ជាតិ នេះបើតាមការបញ្ជាក់ពីអ្នកនាំពាក្យរដ្ឋសភា នារសៀលនេះ។
លោក ឡេង ប៉េងឡុង អគ្គលេខាធិការ និងជាអ្នកនាំពាក្យរដ្ឋសភាជាតិបានមានប្រសាសន៍ប្រាប់កម្ពុជាថ្មីនារសៀលថ្ងៃទី១២ ខែតុលា ឆ្នាំ២០២១ នេះថា សំណើសុំធ្វើវិសោធនកម្មរដ្ឋធម្មនុញ្ញបានទៅដល់រដ្ឋសភាហើយកាលពីល្ងាចថ្ងៃទី១១ ខែតុលា ឆ្នាំ២០២១ ហើយគណៈកម្មាធិការអចិន្ត្រៃយ៍រដ្ឋសភា នឹងបើកកិច្ចប្រជុំពិនិត្យមើលលើសេចក្តីស្នើនេះនៅថ្ងៃទី១៤ ខែតុលា ឆ្នាំ២០២១ខាងមុខ។
បើតាមលោក ឡេង ប៉េងឡុង សំណើសុំធ្វើវិសោធនកម្មរដ្ឋធម្មនុញ្ញនេះលើមាត្រាមួយចំនួនដែលទាក់ទងទៅនឹងតំណែងប្រធានរដ្ឋសភា ប្រធានព្រឹទ្ធសភា នាយករដ្ឋមន្ត្រី ប្រធានក្រុមប្រឹក្សាធម្មនុញ្ញ ហើយមាត្រាទាំងនោះ មានដូចជាមាត្រា១៩ ថ្មី មាត្រា៨២ ថ្មី មាត្រា១០៦ ថ្មី មាត្រា១១៩ ថ្មី និងមាត្រា១៣៧ ថ្មី និងមានមាត្រាមួយចំនួនទៀត ដែលទាក់ទង។
សូមបញ្ជាក់ថា សេចក្តីព្រាងច្បាប់ធម្មនុញ្ញ ស្តីពីវិសោធនកម្មមាត្រាមួយចំនួននៃរដ្ឋធម្មនុញ្ញ ក្នុងការកំណត់សញ្ជាតិខ្មែរតែមួយ សម្រាប់មេដឹកនាំស្ថាប័នកំពូលជាតិនេះ ត្រូវបានលើកយកមកពិភាក្សា និងអនុម័ត នៅក្នុងកិច្ចពេញអង្គគណៈរដ្ឋមន្ត្រីកាលពីថ្ងៃសុក្រ ទី០៨ ខែតុលា ឆ្នាំ២០២១ ហើយត្រូវបានព្រះព្រះមហាក្សត្រ ទ្រង់យល់ព្រមឲ្យរាជរដ្ឋាភិបាលធ្វើវិសោធនកម្ម កាលពីថ្ងៃទី១១ ខែតុលា ឆ្នាំ២០២១៕
ដោយ ៖ កោះកែវ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង