ព័ត៌មានជាតិ
នាយឧត្តមសេនីយ៍ គន់ គីមផ្ដល់មីជាតិចំនួន២០០កេសជូនគណៈកម្មាធិការសមាគមអតីតយុទ្ធជនកម្ពុជា ខេត្តកំពង់ធំ
កំពង់ធំ ៖ ឯកឧត្តមទេសរដ្ឋមន្ត្រី នាយឧត្តមសេនីយ៍គន់ គីម អគ្គលេខាធិការសមាគមអតីតយុទ្ធជនកម្ពុជា បានផ្តល់មីជាតិចំនួន២០០កេស ដល់ឧត្តមសេនីយ៍ទោ សោម ស៊ុន ប្រធានសមាគមអតីតយុទ្ធជនកម្ពុជា ខេត្តកំពង់ធំ តាមរយៈឯកឧត្តមគង់ កន្នារិទ្ឋ ជំនួយការផ្ទាល់ និងជានាយកខុទ្ទកាល័យ សម្រាប់ឲ្យតំបន់ប្រតិបត្តិការសឹករងកំពង់ធំ មានលទ្ធភាពក្នុងការបន្តការងារក្នុងវិស័យមនុស្សធម៌ បម្រើអតីតយុទ្ធជន និងប្រជាពលរដ្ឋ។
ឯកឧត្តម គង់ កន្នារិទ្ឋ នាយកខុទ្ទកាល័យ ឯកឧត្តមទេសរដ្ឋមន្ត្រី គន់ គីម បាននាំយកមីជាតិ២០០កេស មកប្រគល់ជូនគណៈកម្មាធិការសមាគមអតីតយុទ្ធជនកម្ពុជាខេត្តកំពង់ធំ នៅរសៀលថ្ងៃទី១៣ ខែតុលា ឆ្នាំ២០២១ ដើម្បីទុកសម្រាប់ដោះស្រាយការលំបាកខ្វះខាតក្នុងជីវភាពរស់នៅប្រចាំថ្ងៃ ជូនដល់អតីតយុទ្ធជននៅខេត្តកំពង់ធំ។
ឧត្តមសេនីយ៍ទោ សោម ស៊ុន គោរពអំណរ ឯកឧត្តមទេសរដ្ឋមន្ត្រី នាយឧត្តមសេនីយ៍ គន់ គីម ដែលជានិច្ចកាលតែងតែគិតគូរពីសុខទុក្ខ និងជីវភាពរស់នៅរបស់បងប្អូនអតីតយុទ្ធជន គ្រប់ទីកន្លែងជាពិសេសអតីតយុទ្ធជននៅខេត្តកំពង់ធំ បានជួយដោះស្រាយជាបន្តបន្ទាប់ នូវថវិកា ស្បៀងអាហារសម្ភារៈប្រើប្រាស់ និងពូជស្រូវព្រមទាំងពូជដំណាំផ្សេងៗ ជូនបងប្អូនអតីតយុទ្ធជន។
បងប្អូនអតីតយុទ្ធជន ក៏ដូចជាប្រជាពលរដ្ឋ រស់នៅក្នុងខេត្តកំពង់ធំ ទទួលបាននូវភាពកក់ក្តៅ ដោយមានឧត្តមសេនីយ៍ទោ សោម ស៊ុន ជាប្រធានសមាគមអតីតយុទ្ធជនខេត្តកំពង់ធំ ចុះជួយដោះស្រាយ រាល់ការលំបាក ទាំងស្បៀងអាហារ និងសម្ភារថវិកា ដូចភ្លៀងរលឹម ដោយមិនទុកឲ្យបងប្អូនអតីតយុទ្ធជនណាម្នាក់រងទុក្ខដោយពុំបានដឹងលឺពីសមាគមនោះឡើយ មិនថាតិចឬច្រើនគឺចាំបាច់ត្រូវដោះស្រាយតាមលទ្ធភាពឲ្យបានទាន់ពេលវេលា។
ឧត្តមសេនីយ៍ទោ សោម ស៊ុន បានប្ដេជ្ញាចិត្តនាំយកនូវស្បៀងអាហារនេះ ទៅឧបត្ថម្ភជូនអោយដល់ដៃ បងប្អូនអតីតយុទ្ធជន ដែលមានជីវភាពលំបាកខ្វះខាតនៅតាមមូលដ្ឋាននានាក្នុងខេត្តកំពង់ធំ និងបានសូមគោរព ជូនពរឯកឧត្តមទេសរដ្ឋមន្ត្រី និងលោកជំទាវ ព្រមទាំងបុត្រាបុត្រី ចៅប្រុស ចៅស្រី សូមបានប្រកបពុទ្ធពរ ទាំងឡាយ៥ ប្រការគឺអាយុ វណ្ណៈ សុខៈ ពលៈ និងបដិភានៈកុំបីឃ្លៀងឃ្លាតឡើយ៕
ដោយ ៖ ប៊ុន រដ្ឋា
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល