ព័ត៌មានជាតិ
វ៉ាក់សាំងជំនួយរបស់រដ្ឋាភិបាលចិនចំនួន ២ លានដូសនឹងត្រូវដឹកមកដល់កម្ពុជានៅព្រឹកស្អែក
ភ្នំពេញ ៖ វ៉ាក់សាំងស៊ីណូវ៉ាក់ (Sinovac)ចំនួន២លានដូសដែលជាជំនួយរបស់រដ្ឋភិបាលចិន ដល់រាជរដ្ឋាភិបាលកម្ពុជានឹងត្រូវដឹកមកដល់កម្ពុជានៅព្រឹកថ្ងៃទី១៤ខែតុលា ឆ្នាំ២០២១ ស្អែកនេះ ។ នេះបើតាមលោកស្រី យក់ សម្បត្តិ រដ្ឋលេខាធិការក្រសួងសុខាភិបាល។
លោកស្រី យក់ សម្បត្តិ បានឲ្យដឹងថា នៅព្រឹកថ្ងៃស្អែក(១៤ តុលា ២០២១ )នេះកម្ពុជានឹងត្រូវទទួលបានវ៉ាក់សាំង Sinovac ចំនួន ២លានដូសបន្ថែមទៀតដែលជាជំ នួយដ៏ថ្លៃថ្លារបស់រដ្ឋាភិបាលនិងប្រជាជនចិនជូនរាជរដ្ឋាភិបាលកម្ពុជាដែលបានបញ្ជាក់ក្នុងឱកាសលោក វ៉ាង យី ទីប្រឹក្សារដ្ឋនិងជារដ្ឋមន្ត្រីការបរទេសចិនដែលអញ្ជើញ មកបំពេញទស្សនកិច្ចនៅកម្ពុជានៅពេលថ្មីៗកន្លងទៅនេះ។
គួរបញ្ជាក់ថា ក្នុងដំណើរទស្សនកិច្ចនៅកម្ពុជាកាលពីពេលថ្មីៗកន្លងទៅនេះលោក វ៉ាង យី ទីប្រឹក្សារដ្ឋនិងជារដ្ឋមន្ត្រីការបរទេសចិនបានប្រកាសផ្តល់ជំនួយជាវ៉ាក់សាំងដល់ កម្ពុជាបន្ថែមចំនួន ៣ លានដូស។
បច្ចុប្បន្នកម្ពុជាទទួលបានវ៉ាក់សាំងកូវីដ-១៩ចំនួន ៣៥.៥ លានដូសហើយសម្រាប់ចាក់ជូនប្រជាពលរដ្ឋហើយបើគិតទាំងវ៉ាក់សាំងកូវីដ១៩។ ក្នុងចំណោមវ៉ាក់សាំងសរុប នេះមានប្រមាណ ២៩.៥ លានដូសជាវ៉ាក់សាំងដែលកម្ពុជាទទួលបានពីប្រទេសចិនតាមរយៈជំនួយឥតសំណងនិងការបញ្ជាទិញពីក្រុមហ៊ុនចិន។
សម្តេចតេជោ ហ៊ុន សែន កាលពីពេលថ្មីៗនេះបានប្រកាសឲ្យដឹងថាកម្ពុជានៅសល់វ៉ាក់សាំងចំនួន ១១ លានដូសសម្រាប់ចាក់ដូសជំរុញជូនប្រជាពលរដ្ឋនិងចាក់ឲ្យកុមារ អាយុពី៦ ដល់ ១២ ឆ្នាំ និង ចាក់ដល់កុមារអាយុពី១២ ឆ្នាំដល់ក្រោម ១៨ឆ្នាំ។
សូមជម្រាបថា កំណើនអត្រាចាក់វ៉ាក់សាំងកូវីដ-១៩ នៅកម្ពុជាគិតត្រឹមថ្ងៃទី១២ ខែតុលាឆ្នាំ២០២១ (ក្រុមដែលមានអាយុចាប់ពី១៨ឆ្នាំឡើង)អ្នកចាក់ដូសទី១ចំនួន ៩ ៩២៧ ៣១៨ នាក់ និង អ្នកចាក់ដូសទី២ ចំនួន ៩ ៥៥២ ៥៣៣ នាក់ ស្មើនឹង ៩៩.២៧% នៃប្រជាជនគោលដៅសរុប១០លាននាក់។អ្នកចាក់ដូសទី៣ ចំនួន ៩៨១ ០៣១ នាក់។ (កុមារ និងយុវវ័យ អាយុចាប់ពី ១២ឆ្នាំ ដល់ក្រោម ១៨ឆ្នាំ)អ្នកចាក់ដូសទី១ ចំនួន ១ ៧៦៩ ៩៦២ នាក់,អ្នកចាក់ដូសទី២ ចំនួន ១ ៦៥៣ ៤២៨ នាក់ ស្មើនឹង ៨៩.៩៩% នៃក្រុមគោលដៅសរុបជិត០២លាននាក់។(កុមារ អាយុចាប់ពី០៦ឆ្នាំដល់ក្រោម១២ឆ្នាំ)អ្នកចាក់ដូសទី១ចំនួន១ ៨៣០ ៦៩៨ នាក់,អ្នកចាក់ដូស ទី២ចំនួន ៧៣៥ ៥៥៩ នាក់ស្មើនឹង ៩៦.៤៩% នៃក្រុមគោលដៅសរុបជិត១លាន៩សែននាក់។ ប្រៀបធៀបនឹងប្រជាជនសរុប ១៦លាននាក់ ស្មើនឹង ៨៤.៥៥% ៕
ដោយ ៖ ណារី
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?