ព័ត៌មានជាតិ
បិទបញ្ចប់ការចាក់វ៉ាក់សាំងកូវីដ-១៩ ជុំទី១ ជូនពលរដ្ឋដែលមានអាយុចាប់ពី ១៨ឆ្នាំឡើង នៅទូទាំងខេត្តបន្ទាយមានជ័យ
លោកជំទាវ ឱ វណ្ណឌីន រដ្ឋលេខាធិការ ក្រសួងសុខាភិបាល និងជាប្រធានគណៈកម្មការចំពោះកិច្ចចាក់ វ៉ាក់សាំងការពារកូវីដ១៩ ក្របខ័ណ្ឌទូទាំងប្រទេស លោក អ៊ុំ រាត្រី អភិបាលខេត្តបន្ទាយមានជ័យ បានចូលរួមប្រកាសបិទយុទ្ធនាការចាក់វ៉ាក់សាំងកូវីដ.១៩ ជុំទី១ ជូនប្រជាពលរដ្ឋ ដែលមានអាយុចាប់ពី១៨ឆ្នាំឡើង នៅទូទាំងខេត្តបន្ទាយមានជ័យ។
ពិធីប្រកាសបិទការចាក់វ៉ាក់សាំងកូវីដ.១៩ ជុំទី១ ជូនពលរដ្ឋដែលមានអាយុចាប់ពី១៨ឆ្នាំឡើងនេះធ្វើនៅ ក្នុងសាលប្រជុំសាលាខេត្ត នៅព្រឹកថ្ងៃទី១៤ ខែតុលា ឆ្នាំ២០២១ ។
ក្នុងពិធីនោះលោក អ៊ុំ រាត្រី បានមានប្រសាសន៍ថា ជាលទ្ធផលនៃការអនុវត្តតាមផែនការយុទ្ធនាការចាក់ វ៉ាក់សាំងបង្ការជំងឺកូវីដ-១៩ ជុំទី១ជូនដល់ប្រជាពលរដ្ឋចាប់ពីអាយុ១៨ឆ្នាំឡើងក្នុងផែនការចាក់មានចំនួន ៥២៩.៦៨១នាក់ ចាក់បានចំនួន ៤០៤.៤៨៤នាក់ ស្មើនឹង៧៦.៣៦% ចាក់លើកទី២ បានចំនួន ៣២៦.៨១៥នាក់ និងចាក់លើកទី៣ដូសជំរុញបានចំនួន ១៧.៥៣០នាក់ ស្រី ៧.១០៣នាក់ ដែលនៅសល់មិនទាន់បានចាក់មានចំនួន ១២៥.១៩៧នាក់ ជាប្រជាពលរដ្ឋចំណាកស្រុក ៩២.៥១១នាក់ និងអ្នកមានបញ្ហាសុខភាពចំនួន ៣០.៧៤១នាក់ អ្នកមានផ្ទៃពោះនិងស្ត្រីទើបសម្រាលកូនមានចំនួន១.៩៤៥នាក់។
លោក អ៊ុំ រាត្រី បានបញ្ជាក់ឲ្យដឹងបន្តទៀតថា លើកទី២ប្រជាពលរដ្ឋចាប់ពីអាយុ១២ឆ្នាំដល់ក្រោម១៨ ឆ្នាំក្នុងផែនការចាក់វ៉ាក់សាំងមានចំនួន ៩៣.៣៩២នាក់ ចាក់បានចំនួន៩៨.៣៧៥នាក់ ស្មើរនិង១០៥.៣៤%លើសផែនការចំនួន ៤.៩៨៣នាក់ ចាក់លើកទី២បានចំនួន ៥១.១៥៤នាក់ ។ សរុបរួម ក្នុងផែនការសម្រាប់ចាក់ដូសទី១សរុប៧២៧.៩៩៥នាក់ ចាក់វ៉ាក់សាំងសម្រេចបាន៥៨៥.៥១៨នាក់ ស្មើនិងផែនការខេត្ត៨០.៤៣%មិនទាន់បានចាក់១៤២.៤៧៧នាក់ស្មើរនិង១៩.៥៧នាក់%កំពុងបន្តចាក់។
លោក អ៊ុំ រាត្រី បានបញ្ជាក់ឲ្យដឹងបន្តទៀតថា រដ្ឋបាលខេត្តបន្ទាយមានជ័យបានសម្រេចបិទយុទ្ធនាការចាក់វ៉ាក់សាំងកូវីដ.១៩ដែលមានអាយុចាប់ពី ១៨ឆ្នាំឡើងត្រឹមថ្ងៃទី១៤ ខែតុលាឆ្នាំ ២០២១នេះតទៅ។តាមការស្នើសុំរបស់លោកជំទាវ ឱ វណ្ណឌីន សុំបើកដំណើរការកន្លែងចាក់វ៉ាក់សាំងកូវី .១៩ជាអចិន្ត្រៃយ៍នៅតាមមន្ទីរពេទ្យបង្អែកចំនួន៩ កន្លែងដើម្បីឲ្យប្រជាពលរដ្ឋដែលពុំបានទាន់ទទួលការចាក់វ៉ាក់សាំងកូវីដ.១៩មកទទួលយកសេវាក្រោយពីបិទបញ្ចប់យុទ្ធនាការនេះ។
ក្នុងនោះលោក អ៊ុំ រាត្រី បានថ្លែងអំណរគុណចំពោះលោកជំទាវជាប្រធានគណៈកម្មការចំពោះកិច្ចចាក់ វ៉ាក់សាំងកូវីដ-១៩ ក្នុងក្របខ័ណ្ឌទូទាំងប្រទេស និងជាពិសេសសម្ដេចតេជោ ហ៊ុន សែន នាយករដ្ឋមន្ត្រី ដែលសម្ដេចតែងតែគិតគូរពីសុខទុក្ខរបស់ប្រជាពលរដ្ឋ តាមរយៈការផ្តល់វ៉ាក់សាំងការពារជំងឺកូវីដ១៩ សម្រាប់ដូសទី១ ដូសទី២ រហូតដល់មានដូសទី៣ ដូសជំរុញផងដែរ។
ជាមួយគ្នានេះ លោកជំទាវ ឱ វណ្ណឌីន បានវាយតម្លៃខ្ពស់ចំពោះលទ្ធផលដែលរដ្ឋបាលខេត្តសម្រេចបាន ក្នុងផែនការចាក់វ៉ាក់សាំងជូនប្រជាពលរដ្ឋ ក្នុងខេត្តបន្ទាយមានជ័យ ស្របតាមគោលនយោបាយរបស់រាជ រដ្ឋាភិបាលកម្ពុជា ក្រោមការដឹកនាំរបស់សម្ដេចតេជោហ៊ុនសែនក្នុងការដឹកនាំរៀបចំផែនការ និងដាក់ចេញ នូវអភិក្រមផ្ការីកក្នុងការចាក់វ៉ាក់សាំងជូនប្រជាពលរដ្ឋរហូតសម្រេចបានលទ្ធផលជិត៩៩ ភាគរយ នៃផែនផែនការចំពោះប្រជាពលរដ្ឋដែលមានអាយុចាប់ពី១៨ឆ្នាំឡើងនេះ។
លើសពីនេះទៀត លោកជំទាវ ឱ វណ្ណឌីន បានអំពាវនាវដល់រដ្ឋបាលខេត្ត នឹងបន្តជំរុញអាជ្ញាធរមូលដ្ឋាន បន្តចុះផ្សព្វផ្សាយដល់បងប្អូនប្រជាពលរដ្ឋដែលមិនទាន់បានមកទទួលវ៉ាក់សាំងការពារជំងឺកូវីដ១៩ ដោយ មូលហេតុចំណាកស្រុក ឬមូលហេតុផ្សេងៗទៀតឲ្យមកទទួលវ៉ាក់សាំងឲ្យបានគ្រប់ៗគ្នា និងបន្តរក្សា អនុវត្តវិធានការនូវកាតព្វកិច្ច ពាក់ម៉ាស និងរក្សាគម្លាតសុវត្ថិភាពរឹតត្បិតការលក់ដូរ ការធ្វើដំណើរ ឬ ចរាចរណ៍ឆ្លងកាត់កន្លែងកំពុងមានហានិភ័យខ្ពស់ ហាមឃាត់ការប្រមូលផ្ដុំជួបជុំនានា និងហាមឃាត់ ការប្រកបអាជីវកម្មណាដែលងាយបណ្តាលឲ្យចម្លងជំងឺកូវីដ១៩៕
អត្ថបទ៖ វ៉ាន់ ណាង
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១៤ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)