ព័ត៌មានជាតិ

លោក តូច ចាន់នី៖ មន្ត្រីជំនាញតាមបណ្តាខេត្តត្រូវបន្តសកម្មភាពលើកកម្ពស់វិស័យគាំពារសង្គម ការពារកុមារ ជនមានពិការភាព

បានផុស

២ years មុន

នៅ

ថ្ងៃព្រហស្បតិ៍ ១៤ តុលា ២០២១

ដោយ

លោក តូច ចាន់នី អគ្គនាយកបច្ចេកទេស នៃក្រសួងសង្គមកិច្ច អតីតយុទ្ធជន និងយុវនីតិសម្បទា បានថ្លែងនូវការជំរុញឲ្យមន្ត្រីជំនាញតាមបណ្តារាជធានីខេត្ត បន្តសកម្មភាពលើកកម្ពស់វិស័យគាំពារសង្គម ការពារកុមារ ជនមានពិការភាព និងមនុស្សចាស់ស្របតាមគោលនយោបាយគាំពារសង្គម ២០១៦-២០២៥ ។ លោក តូច ចាន់នី ថ្លែងបែបនេះក្នុងកិច្ចប្រជុំនៅព្រឹកថ្ងៃព្រហស្បតិ៍ ៨កើត ខែអស្សុជ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី១៤ ខែតុលា ឆ្នាំ២០២១ នាយកដ្ឋានសុខុមាលភាពជនពិការ នៃអគ្គនាយកដ្ឋានបច្ចេកទេស ក្រសួងសង្គមកិច្ច អតីតយុទ្ធជន និងយុវនីតិសម្បទា ដោយទទួលបានការគាំទ្រពីទីភ្នាក់ងារ អង្គការដៃគូ រួមមានទីភ្នាក់ងារ Australian Aidនិងអង្គការ Access បានរៀបចំកិច្ចប្រជុំលើកដំបូងរបស់ក្រុមការងារវេទិកាជាតិស្តីពីការងារ និងមុខរបរប្រកបដោយបរិយាបន្នសម្រាប់ជនមានពិការភាព ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក តូច ចាន់នី បានថ្លែងថា ក្រសួងសង្គមកិច្ច អតីតយុទ្ធជន និងយុវនីតិសម្បទាមានទិសដៅយុទ្ធសាស្ត្រជាច្រើនសម្រាប់អនុវត្តតាមការចង្អុលបង្ហាញរបស់រាជរដ្ឋាភិបាលក្នុងនោះក៍មានវិស័យគាំពារសង្គម ការពារសិទ្ធិសេរីភាពកុមារ ជនមានពិការភាពនិងសមាគមមនុស្សចាស់នៅកម្ពុជាផងដែរ។ បន្ថែមពីនេះទៀតមន្ត្រីអនុគណ:កម្មាធិ ការជំនួយសង្គមត្រូវយកចិត្តទុកដាក់បន្តចូលរួមសហការជាមួយអ្នក ជំនាញការធនាគារពិភពលោកដើម្បីពិភាក្សាលើការរៀបចំយន្តការក្នុងការអភិវឌ្ឍការ ងារជំនួយសង្គមតែម្ដង។

លោកបានបង្ហាញនូវសុច្ឆន្ទៈដ៍ប្រសើរមួយក្នុងការចូលរួមលើកកម្ពស់វិស័យគាំពារសង្គមនិងសមាគមមនុស្សចាស់ក្នុងវិស័យសង្គមកិច្ចដើម្បីឆ្លើយតបទៅនឹងក្របខណ្ឌជាតិគោលនយោបាយគាំពារសង្គម ២០១៦-២០២៥ នាពេលថ្មីៗនេះដែលស្របគ្នាជាមួយទិសដៅយុទ្ធសាស្ត្ររបស់រាជរដ្ឋាភិបាលកម្ពុជាបានរៀបចំរួចជាស្រេច៕

អត្ថបទ៖ វិមាន