អគ្គ​កុងស៊ុល​កម្ពុជា​នៅ​ទីក្រុង​ក្វាង​ចូ​វ កំពុង​រក​ដំណោះស្រាយ​ជួយ​ស្ត្រី​២​នាក់ ឲ្យ​ត្រឡប់មក​កម្ពុជា​វិញ
Connect with us
Helistar Cambodia - Helicopter Charter Services

ព័ត៌មានជាតិ

អគ្គ​កុងស៊ុល​កម្ពុជា​នៅ​ទីក្រុង​ក្វាង​ចូ​វ កំពុង​រក​ដំណោះស្រាយ​ជួយ​ស្ត្រី​២​នាក់ ឲ្យ​ត្រឡប់មក​កម្ពុជា​វិញ

បានផុស

នៅ

លោក កុយ គួ​ង អ្នកនាំពាក្យ​ក្រសួងការបរទេស និង​សហប្រតិបត្តិការ​អន្តរជាតិ​កម្ពុជា​បាន​ឲ្យ​ដឹង​នៅថ្ងៃនេះ​ថា ស្ថាន​អគ្គ​កុងស៊ុល​កម្ពុជា​នៅ​ទីក្រុង​ក្វាង​ចូ​វ បាននិងកំពុង​រក​ដំណោះស្រាយ​ជួយ​ស្ត្រី​២​នាក់ ដែលមាន​បញ្ហា​មិន​ចង់​បន្ត​រស់នៅ​ជាមួយ​ប្តី​ជនជាតិ​ចិន ឲ្យ​ត្រឡប់មក​ប្រទេស​កម្ពុជា​វិញ ប៉ុន្តែ​ត្រូវការ​ពេលវេលា ដើម្បី​រៀបចំ​តាម​នីតិវិធី​ច្បាប់​របស់​ប្រទេស​ចិន​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្ត្រី​ខ្មែរ​២​នាក់​នោះ រួមមាន​ទី​១, មាន​ឈ្មោះថា ឈឺ​ន សុ​ផៃ ទីកន្លែង​កំណើត​នៅ​ភូមិ​កសិកម្ម ឃុំ​បុសខ្នុរ ស្រុក​ចំការលើ ខេត្តកំពង់ចាម ចំណែក​ស្ត្រី​ទី​២, មាន​ឈ្មោះថា លីន សាវ៉ន ទីកន្លែង​កំណើត​ភូមិ​ម៉ា​សែន ឃុំ​ប៉ា​ហាល ស្រុក​ត្បែង ខេត្តព្រះវិហារ ពួកគេ​បាន​សុំ​អន្តរាគមន៍​ឲ្យ​ជួយ​ពួកគេ​ត្រឡប់មក​ស្រុកកំណើត​វិញ ដោយសារ​ការធ្វើ​បាប​ពី​សំណាក់​ប្តី​ជនជាតិ​ចិន​។

លោក កុយ គួ​ង បាន​បញ្ជាក់ថា រហូតមកដល់​ពេលនេះ ស្ត្រី​ទាំងពីរ​នាក់ កំពុង​នៅក្នុង​ការិយាល័យ​ស្ថាន​អគ្គ​កុងស៊ុល​កម្ពុជា​នៅ​ទីក្រុង​ក្វាង​ចូ​វ ហើយ​ស្ថាន​អគ្គ​កុងស៊ុល​កម្ពុជា កំពុង​ពិភាក្សា​រក​ដំណោះស្រាយ​។

បើតាម​លោក កុយ គួ​ង ស្ថាន​អគ្គ​កុងស៊ុល​កម្ពុជា​នៅ​ទីក្រុង​ក្វាង​ចូ​វ ប្រទេស​ចិន កំពុង​រក​ដំណោះស្រាយ ព្រោះ​តាមច្បាប់​ប្រទេស​ចិន ដែល​ត្រូវ​ធ្វើការ​លែងលះ លុប​សៀវភៅ​អាពាហ៍ពិពាហ៍​ហើយ​សិន ទើប​អាច​ត្រឡប់មក​ស្រុក​វិញ​បាន​។ លោក​ថា “​គាត់​រៀបការ​យកប្តី​ចិន​តាំងពី​ឆ្នាំ​២០១៧ ហើយ​ឥឡូវ​ចង់​មក​ស្រុក​វិញ​ភ្លាមៗ​។ ស្ថាន​អគ្គ​កុងស៊ុល​បាន​ពន្យល់​គាត់​អោយ​អនុវត្ត​នីតិវិធី​តាមច្បាប់​គេ​”​។

លោក កុយ គួ​ង អះអាងថា ស្ថាន​អគ្គ​កុងស៊ុល​ក៏បានផ្តល់​ថវិកា​មួយចំនួន ដើម្បី​ឲ្យ​ពួកគាត់​ស្នាក់នៅ​ហូបចុក​ជា​បណ្តោះអាសន្ន​ផងដែរ​។

សូមបញ្ជាក់ថា តាមរយៈ​បណ្តាញ Tik Tok ស្ត្រី​ខ្មែរ​២​នាក់ ដែល​អះអាង​ថា ជា​ជនរងគ្រោះ​បាន​អំពាវនាវ​ឲ្យ​អ្នកពាក់ព័ន្ធ​ទាំងអស់​ជួយ ដោយសារ​ពួកគេ​បាន​ទៅ​នៅ​ប្រទេស​ចិន​អស់​រយៈពេល ៥​ឆ្នាំ​ហើយ ដោយ​ចាញ់បោក​មេខ្យល់ ហើយ​ក៏បាន​ប្រាប់​លេខ​ទូរ​សព្ទ​ផងដែរ គឺ 19979098645”៕

ដោយ ៖ កោះ​កែវ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១០ នាទី មុន

ស្ពានឆ្លងកាត់ទន្លេសាបត្រូវបានសិក្សា៖បន្តិចទៀត អ្នកកំពង់ឆ្នាំង និងកំពង់ធំឆ្លងកាត់ទៅមកមិនបាច់ប្រើស្ពានព្រែកក្តាមទេ

ព័ត៌មានជាតិ១៣ នាទី មុន

សម្តេចតេជោ ហ៊ុន សែន អញ្ជើញគោរពព្រះវិញ្ញាណក្ខន្ធ ព្រះសព សម្ដេចក្រុមព្រះ នរោត្តម រណឫទ្ធិ

ជីវិតកម្សាន្ដ២០ នាទី មុន

មិនទម្លាក់ទឹកដៃទេ! ទោះគ្មានការប្រកួតយកពានរង្វាន់ឈុតតំណាងជាតិស្អាតជាងគេ ក្នុងកម្មវិធី Miss World 2021

KPT+២៩ នាទី មុន

អាថ៌កំបាំង ៦ យ៉ាង បង្កើនថាមពលចិត្ត ឲ្យមានកម្លាំងខ្លាំងក្លា ក្នុងកិច្ចការងារ

ជីវិតកម្សាន្ដ៣០ នាទី មុន

ម្ចាស់តំណែងបវរកញ្ញាឯក ​MGI 2021 ត្រូវប្រជាជន ថៃ ចោទប្ដឹង

Sokha Hotels

ព័ត៌មានពេញនិយម

Helistar Cambodia - Helicopter Charter Services