ព័ត៌មានជាតិ
KOICA ផ្តល់ជំនួយ ៦,៩ លានដុល្លារកសាងសមត្ថភាពវិស្វកម្មបរិស្ថាននៅប្រទេសកម្ពុជា
ភ្នំពេញ ៖ ទីភ្នាក់ងារសហប្រតិបត្តិការអន្តរជាតិកូរ៉េ (KOICA) បានផ្តល់ជំនួយឥតសំណងចំនួន៦,៩ លានដុល្លារអាមេរិកដល់កម្ពុជាដើម្បីកសាងសមត្ថភាពលើផ្នែកវិស្វកម្មបរិស្ថាននៅកំរិតថ្នាក់ឧត្តមសិក្សានៅប្រទេសកម្ពុជា។
កិច្ចព្រមព្រៀងផ្តល់ហិរញ្ញប្បទានឥតសំណងរបស់គម្រោងអភិវឌ្ឍន៍វិស្វកម្មបរិស្ថានត្រូវបានចុះហត្ថលេខាដោយលោក Rho Hyunjun ប្រធានតំណាងទីភ្នាក់ងារសហប្រតិបត្តិការអន្តរជាតិកូរ៉េ ជាមួយបណ្ឌិត ហង់ជួន ណារ៉ុន រដ្ឋមន្ត្រីក្រសួងអប់រំ យុវជននិងកីឡា។ ពិធីចុះហត្ថលេខានេះត្រូវបានធ្វើឡើងពីចំងាយ(Virtual Signing Ceremony) នៅរសៀលថ្ងៃទី១៤ ខែតុលា ឆ្នាំ២០២១។
គម្រោងនេះ មានគោលបំណងកសាងសមត្ថភាពវិស្វកម្មបរិស្ថាននៅកំរិតថ្នាក់ឧត្តមសិក្សានៅប្រទេសកម្ពុជា។ តាមរយៈគម្រោងនេះ KOICA នឹងគាំទ្រឲ្យមានការបង្កើតកម្មវិធី ថ្នាក់បរិញ្ញាបត្រនិងអនុបណ្ឌិតផ្នែកវិស្វកម្មបរិស្ថាន។ពង្រឹងសមត្ថភាពដល់សាស្ត្រាចារ្យចាប់ពីថ្នាក់បរិញ្ញាបត្រជាន់ខ្ពស់និងបណ្ឌិតនៅប្រទេសកូរ៉េ។ ពង្រឹងសមត្ថភាពបង្រៀន និងស្រាវជ្រាវដល់សាស្ត្រាចារ្យនិងនិស្សិត និង ធ្វើឱ្យប្រសើរឡើងនូវការគាំទ្រហេដ្ឋារចនាសម្ព័ន្ធរបស់មហាវិទ្យាល័យរួមទាំងគាំទ្រការបង្កើតថ្នាក់រៀនវៃឆ្លាត។
លោក Rho Hyunjun បានបង្ហាញការរំពឹងថាគម្រោងនេះគាំទ្រដល់រាជរដ្ឋាភិបាលកម្ពុជាក្នុងការបំពេញនូវធនធានមនុស្សផ្នែកវិស្វកម្មដើម្បីឆ្លើយតបទៅនឹងតម្រូវការទីផ្សារ ការងារ។
លោកបណ្ឌិត ហង់ជួន ណារ៉ុន បានថ្លែងអំណរគុណយ៉ាងជ្រាលជ្រៅចំពោះកយកាដែលបានបន្តគាំទ្រវិស័យអប់រំនៅប្រទេសកម្ពុជា ។ លោកជឿជាក់ថាជំនួយនេះនឹងក្លាយ ជាចំណុចចាប់ផ្តើមថ្មីមួយទៀតដើម្បីចូលរួមចំណែកក្នុងការអភិវឌ្ឍប្រទេសកម្ពុជា។
គួររំលឹកជូនថាឆ្នាំ ២០២១ នេះ KOICA បានបង្កើតកិច្ចសហប្រតិបត្តិការជាមួយក្រសួងអប់រំចំនួន៣លើកលើកទី១ គឺកម្មវិធីចុះហត្ថលេខាលើកិច្ចព្រមព្រៀងផ្តល់ហិរញ្ញប្បទានលើគម្រោងការកសាងសមត្ថភាព ICT សម្រាប់ការអប់រំនៅមធ្យមសិក្សា ។ លើកទី២ កាលពីថ្ងៃទី៣ខែកញ្ញាបានធ្វើពិធីបញ្ចុះបឋមសីលាសាងសង់មជ្ឈមណ្ឌលជាតិ ធុរកិច្ចថ្មីនៅកម្ពុជា និង លើកទី៣នាថ្ងៃនេះយើងបានចុះហត្ថលេខាគាំទ្រដល់គម្រោងអភិវឌ្ឍន៍វិស្វកម្មបរិស្ថាននៅសាកលវិទ្យាល័យភូមិន្ទភ្នំពេញដើម្បីពង្រឹងធនធានមនុស្ស កំរិតថ្នាក់ឧត្តមសិក្សានៅកម្ពុជា៕
ដោយ ៖ ណារី
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល