ពលរដ្ឋជិត១០ភូមិ ផ្ទុះការតវ៉ា ​ខណៈក្រុមហ៊ុនកាយប្រឡាយ​បិទផ្លូវមិនឲ្យចូលកាយយកដីផលិតចង្ក្រានឆ្នាំងចិញ្ចឹមជីវិតបាន
Connect with us
Helistar Cambodia - Helicopter Charter Services

ព័ត៌មានជាតិ

ពលរដ្ឋជិត១០ភូមិ ផ្ទុះការតវ៉ា ​ខណៈក្រុមហ៊ុនកាយប្រឡាយ​បិទផ្លូវមិនឲ្យចូលកាយយកដីផលិតចង្ក្រានឆ្នាំងចិញ្ចឹមជីវិតបាន

បានផុស

នៅ

ប្រជាពលរដ្ឋជាង៨០គ្រួសារមកពីជិត១០ភូមិ ក្នុងឃុំជ្រៃបាក់ ស្រុករលាប្អៀរ នៅព្រឹកថ្ងៃទី១៣ ខែតុលា ឆ្នាំ២០២១ បាននាំគ្នាទៅតវ៉ានៅចំណុចអន្លង់ភ្លង ក្នុងឃុំជ្រៃបាក់ ថាក្នុងពេលថ្មីៗប៉ុន្មានថ្ងៃ នេះក្រុមហ៊ុនបានជីកប្រឡាយបិទផ្លូវជាថ្មីម្ដងទៀត មិនអនុញ្ញាតឲ្យពួកគាត់ចូលជីកយកដីឥដ្ឋមកផលិតចង្ក្រានឆ្នាំងឡើយ ដែលអាចធ្វើឲ្យមុខរបរចិញ្ចឹមជីវិតប្រចាំថ្ងៃរបស់ពួកគាត់ជួបការលំបាក ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រជាពលរដ្ឋខាងលើនេះបានបញ្ជាក់ថា ពួកគាត់ជាអ្នកប្រកបមុខរបរផលិតចង្ក្រានឆ្នាំងចិញ្ចឹមជីវិតតាំងពីដូនតាមក រស់ក្នុងភូមិត្រពាំងគរ ភូមិអូររោងភូមិ អូរកណ្ដោល ភូមិព្រៃលាក់នាង ភូមិអូរកំណប់ ភូមិអាឡែង ភូមិឃ្លៃ ភូមិត្រពាំងអន ក្នុងឃុំជ្រៃបាក់ ស្រុករលាប្អៀរ កន្លងមកធ្លាប់នាំគ្នាមកជីកយកដីឥដ្ឋនៅចំណុចអន្លង់ភ្លងនេះ ទៅផលិតធ្វើចង្ក្រានឆ្នាំងដើម្បីលក់ដូរចិញ្ចឹមជីវិត។

ប្រជាពលរដ្ឋបានបញ្ជាក់ទៀតថា កន្លងទៅកាលពីប្រមាណជាង៣ឆ្នាំមុន ក្រុមហ៊ុនបានបិទផ្លូវមិនឲ្យគាត់ចូលមក​ជីក​យកដីឥដ្ឋនៅតំបន់នេះម្ដងហើយ ។ ក្រោយពីពួកគាត់បានតវ៉ាកាលណោះដោយមានការសម្របសម្រួលរបស់អាជ្ញាធរ ខាងក្រុមហ៊ុនក៏បានអនុញ្ញាតឱ្យដីទំហំ៤ហិកតាសម្រាប់ជីកយកដីឥដ្ឋផលិតចង្រ្កានឆ្នាំង ។ ប៉ុន្តែក្រោយមកការជីកយកដីឥដ្ឋនៅក្នុងដីទំហំ៤ហិកតានេះទៅផលិតចង្រ្កានឆ្នាំងចេះតែផ្ទុះខូច ពុំអាចផលិតចង្ក្រានឆ្នាំងយកទៅលក់ដូរបានឡើយ ។ បន្ទាប់មកពួកគាត់ក៏ចេះតែចូលមកជីកយកដីនៅកន្លែងផ្សេងៗរបស់ក្រុមហ៊ុនទៅ ហើយខាងក្រុមហ៊ុនក៏មិនដែលរករឿងអ្វីឡើយ ព្រោះក្រុមហ៊ុនក៏បានចូលយកដីគ្រួសបាយក្រៀមក្នុងតំបន់ដី ៤ហិកតារបស់ប្រជាពលរដ្ឋដែរ ។ ប៉ុន្តែក្នុងពេលថ្មីៗនេះពេលក្រុមហ៊ុនឈប់យកដីគ្រួសបាយក្រៀមក្នុងតំបន់ដីរបស់ប្រជាពលរដ្ឋ ក្រុមហ៊ុនក៏បានជីកកាយប្រឡាយបិទផ្លូវមិនឱ្យប្រជាពលរដ្ឋចូលយកដីឥដ្ឋក្នុងតំបន់ដីរបស់ក្រុមហ៊ុនទៀតឡើយ ។ ដូច្នេះនៅថ្ងៃនេះប្រជាពលរដ្ឋសំណូមពរដល់អាជ្ញាធរស្រុក ខេត្ត និងមន្ត្រីជំនាញពាក់ព័ន្ធ មេត្តាជួយសម្របសម្រួលដោះដូរដីចាស់ទំហំ ៤ ហិកតារបស់គាត់ សុំដូរយក​ក្នុងទីតាំងដីរបស់ក្រុមហ៊ុនដែលមានដីឥដ្ឋល្អអាចយកដីឥដ្ឋទៅផលិតចង្ក្រានឆ្នាំងលក់ដូរបានផងចុះ ។

ដោយឡែកនៅព្រឹកនេះដែរ លោក តាំង ប៊ុនទត មេឃុំជ្រៃបាក់ក៏បានមកជួបប្រជាពលរដ្ឋជាអ្នកតវ៉ា និងបានបញ្ជាក់ប្រាប់ក្រុមអ្នកយកព័ត៌មានថា គាត់នឹងទទួលយកសំណូមពររបស់ប្រជាពលរដ្ឋខាងលើនេះ រាយការណ៍ទៅអាជ្ញាធរស្រុក និងខេត្ត ដើម្បីសុំសម្របសម្រួលជាក្រុមហ៊ុន ស្នើសុំដោះដូរដីទំហំ៤ ហិកតាដែលមានដីឥដ្ឋល្អអាចយកទៅផលិតចង្ក្រានឆ្នាំងបានជូនប្រជាពលរដ្ឋ។ ប៉ុន្តែត្រង់ថា អាចដោះដូរបាន ឬមិនបានយ៉ាងណានោះ លោកមិនហ៊ានសន្យានោះទេ ។

ដូច្នេះដើម្បីអោយការផលិតចង្រ្កានឆ្នាំង និងវត្ថុអនុស្សាវរីយ៍ពីដីឥដ្ឋ ដែ លជាមរតកពីដូនតាខ្មែរ និងដែលជាអត្តសញ្ញាណរបស់ខេត្តកំពង់ឆ្នាំងឲ្យបានគង់វង្ស ប្រជាពលរដ្ឋនិងអា ជ្ញាធរឃុំ គោរពស្នើសុំអាជ្ញាធរស្រុក ខេត្ត និងមន្ត្រីជំនាញពាក់ព័ន្ធ មេត្តាជួយសម្របសម្រួល ដោះស្រាយសំ ណូមពរខាងលើនេះជូនប្រជាពល រដ្ឋដោយអនុគ្រោះផងចុះ ៕

អត្ថបទ៖ ឈៀងថារិទ្ធ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

នយោបាយ៥ នាទី មុន

រដ្ឋមន្ត្រី​ក្រសួងមហាផ្ទៃ ស្នើ​ឲ្យ​ព្រះអង្គម្ចាស់ នរោត្តម ចក្រាវុធ សម្របសម្រួល​ផ្ទៃក្នុង ដើម្បី​ជ្រើសរើស​ក្បាលម៉ាស៊ីន​ដឹកនាំ​ឲ្យ​បាន​ត្រឹមត្រូវ​

ព័ត៌មានជាតិ២៥ នាទី មុន

កម្ពុជា​សម្តែង​ការព្រួយបារម្ភ​យ៉ាងខ្លាំង​ចំពោះ​ការប៉ះទង្គិច​ប្រដាប់អាវុធ​ដ៏​ធ្ងន់ធ្ងរ​នៅ​មី​យ៉ាន់​ម៉ា​

ព័ត៌មានជាតិ៣១ នាទី មុន

៣០​ឆ្នាំនេះ​ធនាគារ​អេស៊ីលីដា​បាន​ឈរជើង​យ៉ាងរឹងមាំ​ក្នុង​វិស័យ ធនាគារ​និង​ហិរញ្ញវត្ថុ​នៅ​កម្ពុជា​

ជំនឿ៤ ម៉ោង មុន

ទម្រង់ច្រមុះ ៣ប្រភេទ ចាស់ពីដើមចាត់ទុកជាមនុស្សមានបុណ្យវាសនាល្អ

នយោបាយ៤ ម៉ោង មុន

ព្រះអង្គម្ចាស់ នរោត្តម ចក្រាវុធ អំពាវនាវ​ឱ្យ​ថ្នាក់ដឹកនាំ​បន្ត​ខិតខំ ដើម្បី​ឲ្យ​បក្ស​រាជានិយម​នេះ មាន​សម្លេង​ឡើងវិញ

Sokha Hotels

ព័ត៌មានពេញនិយម

Helistar Cambodia - Helicopter Charter Services