ព័ត៌មានជាតិ
បង្ក្រាបមុខសញ្ញាប្លន់ព្រះសង្ឃតាមវត្តក្នុងស្រុកមង្គលបូរី ដកហូតកាំភ្លើងបាញ់គ្រាប់កង់១ដើម
ជនសង្ស័យជាមុខសញ្ញាដើរគំរាមភ្ជង់ប្លន់ព្រះសង្ឃតាមវត្តអារាមចំនួន៣នាក់ ត្រូវបានកម្លាំងសមត្ថកិច្ចនគរបាល នៃអធិការដ្ឋាននគរបាលស្រុកមង្គលបូរី ខេត្តបន្ទាយមានជ័យ សហការជាមួយប៉ុស្តិ៍រដ្ឋបាលឃុំល្វា ស្រុកបវិល ខេត្តបាត់ដំបង ធ្វើការឃាត់ខ្លួន បន្ទាប់ពីធ្វើសកម្មភាពភ្ជង់គំរាមប្លន់យកទូរស័ព្ទ និងកុំព្យូទ័រពីព្រះសង្ឃតាមវត្តជាច្រើនគ្រឿងនៅទីតាំងផ្សេងៗគ្នា ក្នុងមូលដ្ឋានស្រុកមង្គលបូរី។
ប្រតិបត្តិការឃាត់ខ្លួននេះ បានធ្វើឡើងកាលពីថ្ងៃទី១៤ ខែតុលា ឆ្នាំ២០២១ វេលាម៉ោង០៧និង០០នាទី។
សមត្ថកិច្ចបានឲ្យដឹងថា ជនសង្ស័យដែលធ្វើសកម្មភាពដើរភ្ជង់គំរាមប្លន់យកទូរស័ព្ទ និងកុំព្យូទ័រពីព្រះសង្ឃតាមវត្តអារាមនេះ គឺបានធ្វើសកម្មភាពនៅក្នុងទីតាំងវត្តចំនួន៣ផ្សេងគ្នា លើកទី១- នៅវេលាម៉ោង២០និង ២០នាទី ថ្ងៃទី ២០ ខែកញ្ញា ឆ្នាំ២០២១ ដោយក្រុមជនសង្ស័យបានប្លន់យកទូរស័ព្ទចំនួន០១គ្រឿង និងកុំព្យូ ទ័រយួរដៃមួយគ្រឿង នៅក្នុងកុដិព្រះសង្ឃ វត្តកោះកែវ ភូមិកោះកែវ ។ លើកទី២- នៅវេលាម៉ោង២២និង០៥ នាទី ថ្ងៃទី១០ ខែតុលា ឆ្នាំ២០២១ បានប្លន់យកទូរស័ព្ទចំនួន០៣គ្រឿងក្នុងកុដិព្រះសង្ឃ វត្តបឹងត្រាវ ភូមិ បត់ត្រង់ធំលិច ។ និងលើកទី៣- នៅវេលាម៉ោង២០និង០០នាទី ថ្ងៃទី១២ ខែតុលា ឆ្នាំ២០២១ បានប្លន់យក ទូរស័ព្ទចំនួន០២គ្រឿង ក្នុងកុដិព្រះសង្ឃ វត្តរោងគោ ភូមិរោងគោដើម ។
តាមការសួរចម្លើយ នៅចំពោះមុខសមត្ថកិច្ច ជនសង្ស័យបានសារភាពថា ក្រុមខ្លួនពិតជាបានប្រព្រឹត្តិ្តអំពើ ប្លន់យកទូរស័ព្ទពិតប្រាកដមែន ។
សមត្ថកិច្ចបានបញ្ជាក់ថា ជនសង្ស័យមានឈ្មោះទី១. ឈ្មោះ គ្រី ម៉ៅ ភេទប្រុស អាយុ១៨ឆ្នាំ រស់នៅភូមិ ក្បាលស្ពាន ឃុំល្វា ស្រុកបវិល ខេត្តបាត់ដំបង។ ទី២. ឈ្មោះ ហ៊ាង ឆានុន ភេទប្រុស អាយុ២៥ឆ្នាំ រស់នៅ ភូមិអូរស្បែប្រើស ឃុំអំពឹលប្រាំដើម ស្រុកបវិល ខេត្តបាត់ដំបង ។ ទី៣. ឈ្មោះ ឈុន សាវអិន ភេទប្រុស អាយុ១៧ឆ្នាំ រស់នៅភូមិម៉ាកឃ្លឿ ឃុំព្រៃខ្ពស់ ស្រុកបវិល ខេត្តបាត់ដំបង ។
ក្រោយឃាត់ខ្លួនជនសង្ស័យ សមត្ថកិច្ចបានដកហូត ទូរស័ព្ទ០៣គ្រឿង អាយផេត០១គ្រឿង កាំភ្លើងខ្លី បាញ់គ្រាប់កង់០១ដើម កាំបិតសាំម៉ូរ៉ៃ០១ដើម ថ្នាំញៀនចំនួន០៩ កូនថង់ ( ម៉ាទឹកកក ) កូនថង់សម្រាប់ ច្រកថ្នាំញៀនមួយចំនួន៕
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ១ សប្តាហ៍ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៧ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល