ព័ត៌មានជាតិ
អាជ្ញាធរថៃ ៖ ព្រំដែនថៃ-កម្ពុជា ក្នុងខេត្តស្រះកែវ ត្រៀមបើកដំណើរការឡើងវិញ នៅថ្ងៃទី១ វិច្ឆិកាខាងមុខ
លោក ព្រីន យ៉ាផូធិសាត អភិបាលខេត្តស្រះកែវ នៃប្រទេសថៃ បានបើកកិច្ចប្រជុំគណៈកម្មាធិការ នៃមជ្ឈមណ្ឌលបញ្ជាការព្រំដែនថៃ-កម្ពុជា ខេត្តស្រះកែវ ដើម្បីពិនិត្យការអនុវត្តបទបញ្ជា វិធានការទប់ស្កាត់ការធ្វើអន្តោប្រវេសន៍ខុសច្បាប់ ដើម្បីការពារការរីករាលដាលនៃជំងឺកូវីដ-១៩ និងសង្កត់ធ្ងន់លើការធ្វើសមាហរណកម្ម កិច្ចសហប្រតិបត្តិការ លើគ្រប់វិស័យទាំងអស់ ដែលរួមមាន៖
ទី.១ អំពីកាការរត់ពន្ធឆ្លងដែន និងជួញដូរមនុស្ស ពលករ កម្មករចូល និងចេញដោយខុសច្បាប់
ទី.២ បទល្មើសគ្រឿងញៀន និងល្បែងស៊ីសងគ្រប់ប្រភេទ
ទី.៣ បទល្មើសទំនិញខុសច្បាប់ ព្រមទាំងតាមដាននូវសកម្មភាពផ្សេងៗ ទៀត។ នេះបើតាមសារព័ត៌មាន ក្នុងស្រុក របស់ថៃ ក៏ដូចជាមន្ត្រីថៃដែលស្រង់សម្ដី ដោយមន្ត្រីការិយាល័យទំនាក់ទំនងព្រំដែនកម្ពុជា-ថៃ ដែលបញ្ជាក់កាលពី ថ្ងៃទី១៧ ខែតុលា ឆ្នាំ២០២១នេះ នៅក្នុងសាលប្រជុំព្រំដែនកម្ពុជា-ថៃ នៅស្រុកអារញ្ញ ប្រាថេត ខេត្តស្រះកែវ។
កិច្ចប្រជុំត្រួតពិនិត្យបែបបទទៅលើបញ្ហាព្រំដែន លោកអភិបាលខេត្តស្រះកែវ បានស្នើឲ្យមន្ត្រីអង្គភាពពាក់ព័ន្ធទាំងអស់ ត្រៀមខ្លួនសម្រាប់ការចូលទៅក្នុងប្រព័ន្ធការងារជាធម្មតា នៅពេលដែលនាយករដ្ឋមន្ត្រីបញ្ជា ឲ្យបើកប្រទេសដំណើរការឡើងវិញ នៅថ្ងៃទី១ ខែវិច្ឆិកា ឆ្នាំ២០២១នេះ។
លោក ព្រីន យ៉ាផូធិសាត បានបញ្ជាក់ក្នុងអង្គប្រជុំបន្តទៀតថា ត្រូវរៀបចំឲ្យរួចរាល់នូវកម្លាំងទ័ព មន្ត្រីមានសមត្ថកិច្ច ត្រៀមឧបករណ៍នីតិវិធីនៃការធ្វើការងារ ផ្នែកសុខភាពសាធារណៈ ដើម្បីផ្តល់សេវាកម្មដល់ប្រជាជន និងអ្នកដំណើរ ដែលនឹងឆ្លងកាត់ច្រកព្រំដែន អារញ្ញ ប្រាថេត និងប៉ុស្តិ៍ត្រួតពិនិត្យផ្សេងៗ នៅក្នុងខេត្តស្រះកែវ។ រីឯមេបញ្ជាការ នៃ អង្គភាពទាំងឡាយ ត្រូវបញ្ជាអ្នកក្រោមបង្គាប់ឲ្យទប់ស្កាត់ សកម្មភាពខុសច្បាប់នានា ដែលប្រព្រឹត្តិដោយមន្ត្រីអាជ្ញាធរមានសមត្ថកិច្ច រដ្ឋាភិបាល ពោលគឺកុំឲ្យមានកើតមានឡើងក្នុងអង្គភាពទាំងអស់។ បើមាននឹងត្រូវកំចាត់ដោយ គ្មានការលើកលែងឡើយ ហើយមន្ត្រីអ្នកគ្រប់គ្រង ត្រូវត្រួតពិនិត្យតាមដាន អ្នកក្រោមបង្គាប់របស់ខ្លួន ហើយធានាថា កុំឲ្យធ្វើខុសឲ្យសោះ។
ទាក់ទងនឹងការបើកប្រទេសឡើងវិញ នៅថ្ងៃទី១ ខែវិច្ឆិកា ឆ្នាំ២០២១ខាងមុខ មន្ត្រីអាជ្ញាធរមានសមត្ថកិច្ចថៃ និងកម្ពុជា នៅខេត្តស្រះកែវ និងខេត្តបន្ទាយមានជ័យ បានឲ្យដឹងថា ការកំណត់បើកប្រទេសថៃឡើងវិញ ក្នុងអំឡុងនៃ ការរីករាល ដាលជំងឺកូវីដ-១៩នោះ ក៏មិនទាន់ប្រាកដថា នឹងធ្វើបានមែនឬយ៉ាងណាទេ ក្នុងត្រូវចាក់វ៉ាក់សាំងបង្ការ ជំងឺកូវីដ-១៩ ជូនជនបរទេសរស់នៅ និងធ្វើការក្នុងខេត្តស្រះកែវ ក៏ដូចជានៅប្រទេសថៃ។ ដោយឡែកពលរដ្ឋ និងពលករកម្ពុជាកន្លងមក ពួកគេបានវិលមកប្រទេសកម្ពុជា ទើបទទួលបានការចាក់វ៉ាក់សាំង។
ក្នុងនោះអាជ្ញាធរកម្ពុជា នៅខេត្តបន្ទាយមានជ័យ និងខេត្តបាត់ដំបង ក៏បានស្នើជាញឹកញយទៅសមភាគីថៃ ដើម្បី ស្នើសុំឲ្យពលរដ្ឋកម្ពុជា ជាប់គាំងនៅក្នុងប្រទេសថៃ ដែលបិទប្រទេសដើម្បីឲ្យពួកគេអាចឆ្លងដែនស្របច្បាប់ ឬក៏ផ្តល់ទីតាំងណាមួយ នៅមាត់ទ្វារច្រកព្រំដែនឲ្យគ្រូពេទ្យកម្ពុជា ចូលទៅចាក់វ៉ាក់សាំងជូន។ ប៉ុន្តែភាគីថៃមិនអនុញ្ញាត ឡើយ។ ដូច្នេះជម្រើសតែមួយគត់គឺពលករ និងពលរដ្ឋកម្ពុជាត្រូវតែរកគ្រប់វិធីជ្រៀតឆ្លងដែន មកប្រទេសកម្ពុជា ទើបអាចទទួលបានការចាក់វ៉ាក់សាំងបាន នៅក្នុងប្រទេសរបស់ខ្លួន។
ចំពោះការបើកព្រំដែន ពលរដ្ឋ និងមន្ត្រីកម្ពុជានៅព្រំដែន បានប្រាប់ឲ្យដឹងថា កន្លងមក ក្នុងអំឡុងនៃការអនុវត្ត វិធានការទប់ស្កាត់ការរីករាលដាលជំងឺកូវីដ-១៩ ភាគីថៃ ខេត្តស្រះកែវ តែងជូនដំណឹងរាល់ចុងខែថា អាជ្ញាធរថៃ ត្រូវ បិទព្រំដែន១ខែហើយ ១ខែទៀត មិនទាន់ឃើញបើក៕
អត្ថបទ៖ វ៉ាន់ ណាង
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល