ព័ត៌មានជាតិ

មាន់ព្រៃកូរ៉េមានរសជាតិឆ្ងាញ់ ដែលកំពុងទទួលបានការចាប់អារម្មណ៍យកទៅធ្វើជាស៊ុប

បានផុស

២ years មុន

នៅ

ថ្ងៃចន្ទ ១៨ តុលា ២០២១

ដោយ

មាន់ព្រៃកូរ៉េបានធ្វើការនាំចូលពីប្រទេសកូរ៉េមកស្តុកលក់ក្នុងខេត្តកំពត ទើបតែថ្មីនេះមានបណ្តាញសង្គមបានធ្វើការផ្សព្វផ្សាយ ដោយសត្វមាន់ព្រៃកូរ៉េមានរោមពណ៌ចម្រុះឆើតព្រមទាំងមានរសជាតិឆ្ងាញ់ជាងមាន់ស្រុក ដោយអ្នកទទួលទានយកទៅចម្អិនជាស៊ុប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមការលើកឡើងរបស់លោកស្រី វី ដែលជាអ្នកលក់បន្តពីកសិដ្ឋានចិញ្ចឹមមាន់ព្រៃកូរ៉េនៅខេត្តកំពត បានឱ្យដឹងថា បងស្រីទើបតែបើកលក់មាន់ព្រៃកូរ៉េនេះ រយៈពេល៥ខែប៉ុណ្ណោះហើយបានធ្វើការផ្សព្វផ្សាយតាមរយៈបណ្តាញសង្គមឃើញថា មានអតិថិជនបានមករកទិញយកមកចិញ្ចឹមច្រើន។ លក្ខណៈមាន់ព្រៃនេះ មានស្ថានភាពរស់នៅសាមញ្ញដូចជាមាន់ស្រុក ដោយមិនរើសចំណីនោះឡើយ។ អ្នកលក់បន្តក្នុងស្រុកឈូក ខេត្តកំពតនេះ បានឱ្យដឹងទៀតថាតម្លៃមាន់ព្រៃកូរ៉េឈ្មោលមួយក្បាលថ្លៃ១០ម៉ឺនរៀល ហើយចំណែកមេមាន់ព្រៃកូរ៉េមួយក្បាលថ្លៃ១០ម៉ឺនរៀលដូចគ្នា ហើយប្រភេទមាន់ព្រៃញីនេះ ពងបានច្រើនដូចមាន់មេក្នុងស្រុកដែរ។

ក្នុងការចិញ្ចឹមមាន់ព្រៃកូរ៉េឈ្មោលអស់ធំមានទម្ងន់ជាទូទៅ២គីឡូក្រាម ក្នុងមួយក្បាលចំណែកមាន់ព្រៃកូរ៉េញីមានទម្ងន់មិនដល់២គីឡូក្រាមនោះទេ។ លោកស្រី វី បានបញ្ជាក់ទៀតថា អ្នកដែលយកទៅចិញ្ចឹមហើយចម្អិនធ្វើម្ហូបជាស៊ុបមាន់ព្រៃកូរ៉េ មានរសជាតិឆ្ងាញ់ជាងមាន់ក្នុងស្រុក។អាស្រ័យដូច្នេះហើយ ទើបមានអតិថិជនមកទិញដល់កន្លែងតែម្តង៕

អត្ថបទ៖ កញ្ញា វ៉ាត