គណនេយ្យករជនជាតិឥណ្ឌូនេស៊ី ធ្វើការ៤ខែ លួចវេរប្រាក់ជិត ៣ ម៉ឺនដុល្លារ
Connect with us
Helistar Cambodia - Helicopter Charter Services

ព័ត៌មានជាតិ

គណនេយ្យករជនជាតិឥណ្ឌូនេស៊ី ធ្វើការ៤ខែ លួចវេរប្រាក់ជិត ៣ ម៉ឺនដុល្លារ

បានផុស

នៅ

បុរសម្នាក់មានតួនាទីផ្នែកគណនេយ្យបានរយ:ពេល៤ខែ ស្រាប់តែបែកគំនិតលួចវេរប្រាក់ពីគណនេយ្យធនាគាររបស់ក្រុមហ៊ុន RUPIAHTOTO វេរចូលគណនេយ្យរបស់ខ្លួនចំនួន ៥៦៩,០០០,០០០ រូពី គិតជាប្រាក់បាត ស្មើរ១លានបាត ឬ ២៩.៩០០ ដុល្លារ ត្រូវអាវុធហត្ថខេត្តបន្ទាយមានជ័យឃាត់ខ្លួន។ ក្រោយពីក្រុមហ៊ុនរកឃើញថាឈ្មោះ ចាន់ដ្រា បានលួចវេរប្រាក់ពីក្រុមហ៊ុនបញ្ចូលក្នុងគណនេយ្យរបស់ខ្លួនហើយ ទើបមកដាក់ពាក្យបណ្ដឹងនៅមូលដ្ឋានកងរាជអាវុធហត្ថក្រុងប៉ោយប៉ែត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ត្រី នួន នីណារ៉ូ មេបញ្ជាការមូលដ្ឋានកងរាជអាវុធហត្ថក្រុងប៉ោយប៉ែត បានឱ្យដឹងនៅថ្ងៃទី១៨ ខែតុលានេះថា ក្នុងពាក្យបណ្តឹងរបស់ ឈ្មោះ ហ្វាញឌីចាយ៉ា គូនីយ៉ាវ៉ាន់ (FINDJAYA KURNIAWAN) ភេទប្រុស អាយុ២៨ឆ្នាំ ជនជាតិឥណ្ឌូនេស៊ី ស្នាក់នៅបូរីដួងច័ន្ទ ស្ថិតក្នុងភូមិសាមគ្គីមានជ័យ សង្កាត់ និងក្រុងប៉ោយប៉ែត ខេត្តបន្ទាយមានជ័យ បានរៀបរាប់ថា ឈ្មោះ ចាន់ដ្រា (CHANDRRA) ភេទប្រុស អាយុ២២ឆ្នាំ ជនជាតិឥណ្ឌូនេស៊ី ស្នាក់នៅបុរីដួងច័ន្ទ បានមកធ្វើការនៅក្រុមហ៊ុន RUPIAHTOTO របស់ខ្លួន មានតួនាទីផ្នែកគណនេយ្យបានរយ:ពេល៤ខែហើយ។ ក្រោយមកនៅថ្ងៃទី១៧ ខែតុលា ឆ្នាំ២០២១ ក្រុមហ៊ុនបានដឹងថាឈ្មោះ ចាន់ដ្រា បានលួចវេរប្រាក់ដោយប្រើគណនេយ្យធនាគាររបស់ក្រុមហ៊ុន វេរប្រាក់ជាបន្តបន្ទាប់ចូលទៅគណនេយ្យរបស់ខ្លួន សរុបទឹកប្រាក់ចំនួន ៥៦៩,០០០,០០០រូពី (ប្រាក់ឥណ្ឌូនេស៊ី) បើគិតជាប្រាក់ថៃស្មើជាង ១លានបាត ឬ ២៩.៩០០ ដុល្លារ។ ក្រោយពីក្រុមហ៊ុនរកឃើញថាឈ្មោះ ចាន់ដ្រា បានលួចវេរប្រាក់ពីក្រុមហ៊ុនបញ្ចូលក្នុងគណនេយ្យរបស់ខ្លួនហើយ ទើបមកដាក់ពាក្យបណ្ដឹងនៅមូលដ្ឋានកងរាជអាវុធហត្ថក្រុងប៉ោយប៉ែតតែម្ដង។

លោកវរសេនីយ៍ត្រី នួន នីណារ៉ូ បានប្រាប់ឱ្យដឹងទៀតថា ក្រោយពីទទួលបានពាក្យបណ្ដឹងរបស់ជនរងគ្រោះរួច លោកបានដឹកនាំកម្លាំងចុះធ្វើការស្រាវជ្រាវឈានដល់ឃាត់ខ្លួនឈ្មោះ ចាន់ដ្រា ហើយបញ្ជូនមកមូលដ្ឋានកងរាជអាវុធហត្ថក្រុងដើម្បីសួរនាំ។

ក្នុងនោះជនសង្ស័យបានឆ្លើយសារភាពថា ខ្លួនពិតជាបានលួចវេរប្រាក់ពីក្រុមហ៊ុន RUPIAHTOTO ពិតប្រាដមែន ព្រោះខ្លួនបានចូលធ្វើការក្នុងក្រុមហ៊ុនរយៈ៤ខែ មានតួនាទីផ្នែកគណនេយ្យ ហើយខ្លួនបានបង្កើតអាខោនចំនួន១ ទុកសម្រាប់ប្រើប្រាស់ខ្លួនឯង ដោយចាប់ពីថ្ងៃទី១១ ដល់ថ្ងៃទី១៧ ខែតុលា ឆ្នាំ២០២១នេះ ខ្លួនបានលួចវេរប្រាក់ពីគណនេយ្យក្រុមហ៊ុន មកអាខោនគណនេយ្យខ្លួនឯងចំនួន៥លើក បានទឹកប្រាក់សរុបចំនួន ៥៦៩,០០០,០០០រូពី ប្រាក់ឥណ្ឌូនេស៊ី បើគិតជាប្រាក់ថៃស្មើជាង ១លានបាត ឬ ២៩.៩០០ ដុល្លារ។ ប្រាក់ទាំងនោះខ្លួនបានដកចាយផង និងវេរទៅឱ្យម្ដាយនៅប្រទេសឥណ្ឌូនេស៊ីផង។

ជនសង្ស័យបញ្ជូនមកបញ្ជាការដ្ឋានកងរាជអាវុធហត្ថខេត្តចាត់ការបន្ត។ លោកវរសេនីយ៍ឯក ម៉ែន ភិរម្យ មេបញ្ជាការរងកងរាជអាវុធហត្ថខេត្ត ទទួលការងារស្រាវជ្រាវ និងបង្ក្រាបបទល្មើសបានឱ្យដឹងថា ការឃាត់ខ្លួនជនសង្ស័យខាងលើធ្វើឡើងនៅវេលាម៉ោង១១ និង៤នាទី ថ្ងៃទី១៧ ខែតុលា ឆ្នាំ២០២១ ដោយទទួលតាមបទបញ្ជារបស់លោកឧត្ដមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្ត ជនសង្ស័យខាងលើត្រូវបានកម្លាំងការិយាល័យព្រហ្មទណ្ឌបញ្ជូនទៅសាលាដំបូងខេត្តហើយនៅរសៀលថ្ងៃច័ន្ទ ទី១៨ ខែតុលា ឆ្នាំ២០២១នេះ ដើម្បីចាត់ការទៅតាមផ្លូវច្បាប់៕

អត្ថបទ៖ វ៉ាន់ ណាង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១ នាទី មុន

ចំនួនអ្នកស្លាប់ និងទំហំនៃការខូចខាត ក្នុងគ្រោះមហន្តរាយផ្ទុះភ្នំភ្លើង តុងហ្គា

ជីវិតកម្សាន្ដ៤០ នាទី មុន

ម៉ាកនាឡិកាល្បីមួយ បានយកសិល្បៈគំនូរកូនខ្មែរ ២ នាក់ ច្នៃចេញជានាឡិកាដ៏ស្រស់ស្អាត ដាក់តាំងពិព័រណ៍ នៅទីក្រុងឌូបៃ

នយោបាយ៩ ម៉ោង មុន

គ​.​ជ​.​ប តម្កល់​សេចក្ដីសម្រេច​របស់​សង្កា​ត់​ផ្សារ​ចាស់ ទុកជាបានការ​ពេញ​ទាំងមូល​

ព័ត៌មានជាតិ១០ ម៉ោង មុន

សម្តេចតេជោ ៖ នាយករដ្ឋមន្ត្រី​អេស្ប៉ាញ​​ ថាកូវីដ-១៩ ​ជាជំងឺផ្ដាសាយធម្មតា​​ តែយើងត្រូវតែប្រុងប្រយ័ត្ន

ព័ត៌មានជាតិ១០ ម៉ោង មុន

សម្តេចតេជោ សែន៖ កិច្ចការអាស៊ានឆ្នាំ ២០២២ មិនមែនមានតែបញ្ហាមីយ៉ាន់ម៉ាមួយ​ទេ​

Sokha Hotels

ព័ត៌មានពេញនិយម

Helistar Cambodia - Helicopter Charter Services