ព័ត៌មានជាតិ
សម្ដេចតេជោ ហ៊ុន សែន៖ ការរើសអើងអ្នកជំងឺកូវីដ គឺច្បាស់ជាខុសតែម្ដង
សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នាព្រឹកថ្ងៃទី១៩ ខែតុលា ឆ្នាំ២០២១នេះ បានផ្ញើសារពិសេសជូនជនរួមជាតិ ពាក់ព័ន្ធស្ថានភាពជំងឺកូវីដ-១៩ នៅកម្ពុជា ក្រោយបុណ្យភ្ជុំបិណ្ឌ ដោយក្នុងនោះសម្ដេចបានអំពាវនាវឱ្យប្រជាពលរដ្ឋបន្តការជួយគាំទ្រគ្នា ពិសេសករណីព្យាបាលតាមផ្ទះ ចំណែកការរើងអើងចំពោះអ្នកជំងឺកូវីដ គឺច្បាស់ជាខុសតែម្ដង។
សម្ដេចតេជោ ហ៊ុន សែន មានប្រសាសន៍ថា អ្នកដែលជាសះស្បើយពីជំងឺកូវីដ-១៩ ថ្ងៃក្រោយនឹងក្លាយជាអ្នកប្រឆាំងកូវីដដ៏អស្ចារ្យ។ នៅប្រទេសមួយចំនួន បានយកអ្នកជាសះស្បើយពីជំងឺកូវីដ ទៅជួយធ្វើជាសេវាក្នុងការបម្រើអ្នកជំងឺកូវីដទៅវិញ ដោយសារអ្នកដែលបានកើតជំងឺកូវីដហើយនោះ មានអង្គបក្ខដិបក្ខសម្រាប់ប្រឆាំងជំងឺកូវីដ-១៩ ដែលការរើងអើងចំពោះអ្នកជំងឺកូវីដ គឺច្បាស់ជាខុសតែម្ដង។
ទាក់ទងទៅនឹងការព្យាបាលជំងឺកូវីដ-១៩ នៅតាមមន្ទីរពេទ្យ ពិសេសនៅតាមផ្ទះ សម្ដេចតេជោ ហ៊ុន សែន មានប្រសាសន៍ថា ចំពោះការព្យាបាលតាមផ្ទះ និងក្រុមគ្រួសារដែលជាភារកិច្ចទទួលខុសត្រូវរបស់គ្រួសារ ក៏ដូចជាសហគមន៍ធ្វើការរួបរួមគ្នា ដែលចំណុចនេះ កាលពីមុនយើងបានអនុវត្តក្នុងពេលធ្វើចត្តាឡីស័ក ដោយមានការចូលរួមពីសហគមន៍ក្នុងការជួយ នៅពេលផ្ទះអ្នកជំងឺស្ថិតក្នុងភូមិជាមួយគ្នា ជួយយកអាសាគ្នាក្នុងគ្រាដ៏លំបាក ចៀសវាងការរើសអើងដែលនាំឱ្យអ្នកជំងឺមានការខ្មាសអៀន។
សម្ដេចតេជោ មានប្រសាសន៍រំលឹកថា មានទីកន្លែងមួយចំនួនបានបង្កើតវប្បធម៌ជួយគ្នាតាំងពីឆ្នាំមុន ដែលក្នុងគ្រាកម្ពុជាបានកើតព្រឹត្តិការណ៍ផ្ទុះជំងឺកូវីដ-១៩ក្នុងសហគមន៍ ដែលពេលនោះក៏មានការធ្វើការចត្តាឡីស័កនៅតាមផ្ទះ ហើយប្រជាពលរដ្ឋបានរួមគ្នាក្នុងការមើលការខុសត្រូវ និងឧបត្ថម្ភសម្រាប់អ្នកធ្វើចត្តាឡីស័ក។
សម្ដេចតេជោ ហ៊ុន សែន មានប្រសាសន៍បន្តថា៖ “ឥឡូវនេះក្នុងករណីដែលមានការព្យាបាលតាមផ្ទះ ក៏មិនខុសពីការធ្វើចត្តាឡីស័កដែរ សូមឱ្យបងប្អូនប្រជាពលរដ្ឋយកចិត្តទុកដាក់ជួយគ្នានៅក្នុងការរៀបចំឱ្យមានការព្យាបាលនៅតាមផ្ទះ ដោយមានការចូលរួមជួយមើលការខុសត្រូវ និងជួយឧបត្ថម្ភពីសំណាក់ក្រុមគ្រួសារនៅក្នុងភូមិឋានដែលអ្នកជំងឺស្នាក់នោះ។ បើសិនយើងធ្វើរឿងនេះបានល្អ ប្រទេសយើងមានការរួមគ្នាសាមគ្គីរវាងអ្នកឈឺ និងអ្នកមិនឈឺ វាដូចជា កង់ត្រាចកង់ធ្នង់ ជួនកាលយើងឈឺ ជួនកាលគេឈឺ ការយកចិត្តទុកដាក់គ្នាទៅវិញទៅមក វាបង្កើតបាននូវវប្បធម៌ចែករំលែក វប្បធម៌ការជួយគ្នាក្នុងគ្រាលំបាក”។
សម្ដេចតេជោ មានប្រសាសន៍បញ្ជាក់ថា ដោយសាររដ្ឋាភិបាលលើកទុកចិត្តឱ្យមានការព្យាបាលតាមផ្ទះ ដែលជាវិធីមួយដ៏ល្អនៅក្នុងការកាត់បន្ថយការចូលមកសម្រាកនៅពេទ្យ ហើយឃ្លាតឆ្ងាយពីគ្រួសារ។ ប្រសិនជាមានការលើកទឹកចិត្ត និងការជួយយកអាសាពីអ្នកភូមិជាមួយគ្នា ច្បាស់ជាធ្វើឱ្យអ្នកជំងឺមានទឹកចិត្ត និងឆាប់ជាសះស្បើយ៕
អត្ថបទ៖ ច័ន្ទ វីរៈ
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល