ស្មៀនឃុំ-សង្កាត់ត្រូវនៅប្រចាំរង់ចាំ​ពលរដ្ឋមកពិនិត្យ​និង​ចុះឈ្មោះ​បោះឆ្នោត
Connect with us
Helistar Cambodia - Helicopter Charter Services

ព័ត៌មានជាតិ

ស្មៀនឃុំ-សង្កាត់ត្រូវនៅប្រចាំរង់ចាំ​ពលរដ្ឋមកពិនិត្យ​និង​ចុះឈ្មោះ​បោះឆ្នោត

បានផុស

នៅ

ភ្នំពេញ៖ ក្រសួងមហាផ្ទៃ បានណែនាំឱ្យស្មៀនឃុំ-សង្កាត់ នៅទូទាំងប្រទេស ត្រូវតែមានវត្តមានជាប្រចាំនៅដើម្បីរង់ចាំទទួលប្រជាពលរដ្ឋមកពិនិត្យបញ្ជីឈ្មោះ និងចុះឈ្មោះបោះឆ្នោតឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមលិខិតរបស់ក្រសួងមហាផ្ទៃ ស្ដីពីការពង្រឹងការអនុវត្តតួនាទីភារកិច្ច របស់ស្មៀនឃុំ សង្កាត់ក្នុងដំណើរការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២១ចុះថ្ងៃទី១៨តុលានេះបានណែនាំឱ្យគណៈអភិបាលរាជធានីខេត្ត ត្រូវត្រួតពិនិត្យឡើង ចំពោះស្មៀនឃុំ សង្កាត់នីមួយៗ ត្រូវយកចិត្តទុកដាក់អនុវត្តតួនាទី ភារកិច្ចរបស់ខ្លួនពាក់ព័ន្ធនឹងការពិនិត្យ បញ្ជីឈ្មោះ និងការចុះឈ្មោះបោះឆ្នោតឆ្នាំ២០២១ ស្របតាមច្បាប់ បទបញ្ជា និងនីតិវិធីនៃការពិនិត្យបញ្ជីឈ្មោះ និងការចុះឈ្មោះបោះឆ្នោត ដែលបានកំណត់។

ក្រសួងមហាផ្ទៃ បានណែនាំទៀតថា ស្មៀនឃុំ សង្កាត់នីមួយៗ ត្រូវតែមានវត្តមានជាប្រចាំ ដើម្បីចូលរួមអនុវត្តតួនាទី ភារកិច្ចរបស់ខ្លួន ពាក់ព័ន្ធនឹងការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២១ លើកលែងតែមានធុរៈចាំបាច់បំផុត ឬមានបញ្ហាសុខភាព ដែលមិនអាចបំពេញការងារបាន។

ក្រសួងមហាផ្ទៃបានឱ្យដឹងទៀតថាក្នុងករណីស្មៀនឃុំ សង្កាត់ អវត្តមានមិនអាចបំពេញ ការងារបាន សាមីខ្លួនត្រូវរាយការណ៍ជូនមេឃុំ ចៅសង្កាត់ និងត្រូវស្នើស៊ីច្បាប់ឈប់សម្រាកស្របតាមគោលការណ៍ បែបបទ និងនីតិវិធីដែលបានកំណត់។ទន្ទឹមនិងនេះ អភិបាលក្រុង ស្រុក ខណ្ឌ ត្រូវសម្របសម្រួល និងចាត់តាំងមន្ត្រីនៃរដ្ឋបាល ក្រុង ស្រុក ខណ្ឌ ១ រូប ដើម្បីបំពេញការងារពាក់ព័ន្ធការពិនិត្យបញ្ជីឈ្មោះ និងការចុះឈ្មោះបោះឆ្នោត់ឆ្នាំ២០២១ ជំនួសស្មៀនឃុំ សង្កាត់ ដែលអវត្តមាន ឬមិនទាន់មានស្មៀនឃុំ សង្កាត់ ដើម្បីធានានិរន្តរភាពការងារនេះ។

បន្ថែមពីលើនេះ ក្រសួងមហាផ្ទៃបានគួសបញ្ជាក់ផងដែរថា ចំពោះការរៀបចំកិច្ចប្រជុំ និងការបណ្ដុះបណ្តាលនានាដែលត្រូវអញ្ជើញស្មៀនឃុំ សង្កាត់ចូលរួម រដ្ឋបាលរាជធានី ខេត្ត ត្រូវពិនិត្យលទ្ធភាពពន្យាពេលឲ្យផុតរយៈពេលនៃការពិនិត្យបញ្ជីឈ្មោះ និងការចុះឈ្មោះ បោះឆ្នោតឆ្នាំ២០២១។

គួរបញ្ជាក់ថាថា ការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២១ ចាប់ផ្តើមពីថ្ងៃទី ១២ ខែតុលា ឆ្នាំ២០២១ ដល់ថ្ងៃទី ៣០ ខែ វិច្ឆិកា ឆ្នាំ២០២១ ដែលផ្ដល់ឱកាសឲ្យ បង ប្រជាពលរដ្ឋខ្មែរដែលបានចុះឈ្មោះបោះឆ្នោតរួចហើយ អាចទៅពិនិត្យ និងផ្ទៀងផ្ទាត់ទិន្នន័យរបស់ខ្លួនក្នុងបញ្ជីបោះឆ្នោត នៅតាមឃុំ សង្កាត់ទាំង១.៦៤៦ ខណៈការចុះឈ្មោះបោះឆ្នោតឆ្នាំ២០២១នេះ ផ្តោតលើការចុះឈ្មោះប្រជាពលរដ្ឋខ្មែរទើបដល់អាយុ១៨ឆ្នាំ និងប្រជាពលរដ្ឋខ្មែរដែលមិនទាន់បានចុះឈ្មោះបោះឆ្នោតពីមុនមក ក៏ដូចជាអនុញ្ញាតឱ្យប្រជាពលរដ្ឋខ្មែរដែលបានផ្លាស់លំនៅឋាន ឬទីសំណាក់ចូលក្នុងឃុំសង្កាត់ថ្មីចុះឈ្មោះថ្មីបាន។

ជាមួយគ្នានេះ ក៏អនុញ្ញាតឱ្យប្រជាពលរដ្ឋធ្វើការកែតម្រូវឈ្មោះ ឬទិន្នន័យ ក្នុងករណីខុសពីអត្តសញ្ញាណបណ្ណសញ្ជាតិខ្មែរដែលបម្រើឱ្យការបោះឆ្នោតជ្រើសរើសសមាជិកក្រុមប្រឹក្សាឃុំសង្កាត់ ដែលនឹងប្រព្រឹត្តទៅនៅថ្ងៃទី៥ ខែមិថុនា ឆ្នាំ២០២២ខាងមុខ៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៣ នាទី មុន

គម្រោង​ស្ថាបនា​ហេដ្ឋារចនាសម្ព័ន្ធ​ផ្លូវ​៣៨​ខ្សែ នៅ​ក្រុង​សៀមរាប សម្រេចបាន​ជាង ៩០​ភាគរយៈ​ហើយ គិត​ត្រឹម​ខែវិច្ឆិកា ឆ្នាំ​២០២១

នយោបាយ៤៥ នាទី មុន

គណបក្ស​ប្រជាធិបតេយ្យ​មូលដ្ឋាន គ្រោង​រៀបចំ​សមាជ​វិសាមញ្ញ នៅ​ថ្ងៃទី​១០ ខែធ្នូ ខាងមុខ​ដើម្បី​អនុម័ត​ការងារ​ចំនួន​២

សន្តិសុខសង្គម៥០ នាទី មុន

តុលាការ នឹង​បន្តស​វនា​សំណុំរឿង​ប៉ុនប៉ង​ផ្តួលរំលំ​រាជរដ្ឋាភិបាល​តាមរយៈ​ផែនការ​៩ វិច្ឆិកា នៅ​ថ្ងៃទី​១៤ ខែធ្នូ ខាងមុខ

ចរាចរណ៍៥៧ នាទី មុន

ផឹក​ស្រវឹង​ចេញពីផ្ទះ​ប្រពន្ធចុង ស្លៀក​លី​អូ​បើករថយន្ត​ដូច​ហោះ បុក​រថយន្ត​សណ្តោង​ពីក្រោយ​ស្លាប់​ភ្លាម

សន្តិសុខសង្គម១ ម៉ោង មុន

ផ្ទុះអាវុធ​ទាំងយប់​ជាង ២០ គ្រាប់ ផ្អើល​ពលរដ្ឋ​ពេញ​ភូមិ សមត្ថកិច្ច​កំពុង​តាម​ប្រមាញ់​មុខសញ្ញា​

Sokha Hotels

ព័ត៌មានពេញនិយម

Helistar Cambodia - Helicopter Charter Services