ព័ត៌មានជាតិ
១សប្តាហ៍នេះ គ ជ ប ខេត្តកោះកុង ពុំទទួលបានពាក្យបណ្តឹងណាមួយទេលើការបោះឆ្នោត
លេខាធិការដ្ឋានរៀបចំការបោះឆ្នោតខេត្តកោះកុង ឱ្យដឹងថា ១សប្តាហ៍មកនេះ នៅមិនទាន់ទទួលបានពាក្យបណ្តឹងតវ៉ាពីបណ្តាគណបក្សនយោបាយណាមួយទេ លើដំណើរការពិនិត្យ និងចុះបញ្ជីឈ្មោះបោះឆ្នោតសម្រាប់ឆ្នាំ២០២១។
លោក សេង ណេង ប្រធានលេខាធិការដ្ឋានរៀបចំការបោះឆ្នោតខេត្តកោះកុង អះអាងនៅថ្ងៃទី១៩ ខែវិច្ឆិកាថា តាមការវាយតម្លៃរួម៧ថ្ងៃនេះ ក្រុមការងារលេខាធិការដ្ឋានរៀបចំការបោះឆ្នោតខេត្តបង្កើនកិច្ចសហការគ្នាល្អរវាងអាជ្ញាធរមូលដ្ឋាន ដើម្បីឱ្យដំណើរការត្រួតពិនិត្យ និងចុះឈ្មោះអ្នកបោះឆ្នោតថ្មីនៅតាមឃុំសង្កាត់ប្រព្រឹត្តទៅដោយរលូងដូចតាមការគ្រោងទុក។
លោក សេង ណេង បន្ថែមថា ក្រុមការងារពុំទាន់ទទួលបាននូវពាក្យបណ្តឹងតវ៉ាណាមួយទេពីតំណាងបណ្តាគណបក្សនយោបាយដែលឈរឈ្មោះ ដោយសបញ្ជាក់ថា បាតុភាពការិយាល័យបោះឆ្នោតរក្សាបានសណ្តាប់ធ្នាប់សន្តិសុខរៀបរយប្រកបដោយការទទួលខុសត្រូវលើការងារ។
គួរជម្រាបថា ខេត្តកោះកុង មានការិយាល័យចុះឈ្មោះបោះឆ្នោត១៩៣ការិយាល័យ និងមន្ត្រីបុគ្គលិកបម្រើដល់ការងារស្នូរនេះសរុប១០៦នាក់។ ដំណើរការត្រួតពិនិត្យបញ្ជីឈ្មោះ និងការចុះឈ្មោះបោះឆ្នោតថ្មីឆ្នាំ២០២១ ធ្វើឡើងរយៈពេល៥០ថ្ងៃ ពោលគឺចាប់ថ្ងៃទី១២ ខែតុលាដល់ថ្ងៃទី៣០ ខែវិច្ឆិកា ខាងមុខ។
១សប្តាហ៍នេះ មានមនុស្ស១.២៦៣នាក់ហើយមកបំពេញកាតព្វកិច្ចជាពលរដ្ឋកម្ពុជា។ ក្នុងនោះមានអ្នកចុះឈ្មោះថ្មីចំនួន៨៣៣នាក់ អ្នកផ្ទេរចូលពីក្រៅចំនួន៤១៦នាក់ អ្នកប្តូរការិយាល័យ១៤នាក់ អ្នកដកសិទ្ធិផ្លាស់ចេញចំនួន៦៦នាក់ និងអ្នកផ្ទេរចេញពីឃុំសង្កាត់ចំនួន១៨៧នាក់។
បើតាមតួលេខរបស់លេខាធិការដ្ឋានរៀបចំការបោះឆ្នោតខេត្តកោះកុង ឆ្នាំ២០២១នេះប្រជាពលរដ្ឋគ្រប់អាយុមកចុះឈ្មោះក្នុងបញ្ជីបោះឆ្នោតថ្មីជាង៤ពាន់នាក់។ ដំណើរការបម្រើការពិនិត្យបញ្ចីឈ្មោះ និងចុះឈ្មោះបោះឆ្នោតប្រព្រឹត្តទៅដោយរលូន ត្បិតមានបញ្ហារឿងអាកាសធាតុខ្លះក៏ដោយ។
ទោះយ៉ាងណាគ្រឿងសម្ភារៈបច្ចេកទេសមួយចំនួនចាស់ខូចខាត ដោយសារតែរយៈកាលបើកឱ្យប្រើប្រាស់តាំងតែពីឆ្នាំ២០១៦មក។ រីឯសេវាអីធឺណេត ត្រូវបានកែសម្រួលច្រើនណាស់បម្រើការងារការបោះឆ្នោត។
អ្នកស្រី សេង ស្រីគង់ ជាពលរដ្ឋសង្កាត់ដងទង់ និងយុវជន ផង់ រដ្ឋា ជាពលរដ្ឋនៅសង្កាត់ស្មាច់មានជ័យ ឱ្យដឹងស្រដៀងគ្នាថា ពួកគាត់ទើបតែមកចុះឈ្មោះបោះឆ្នោតដំបូងទេ ព្រោះកន្លងទៅពុំទាន់គ្រប់អាយុ និងធ្វើចំណាកស្រុកទៅធ្វើការនៅប្រទេសថៃ។
ប្រជាពលរដ្ឋទាំង២នាក់ បន្តថា មូលហេតុដែលពួកគាត់មកចុះឈ្មោះបោះឆ្នោតនៅពេលនេះ ដោយសារយល់ឃើញថាវាមានសារៈសំខាន់ណាស់ចំពោះការជ្រើសរើសមេដឹកនាំដែលខ្លួនជឿជាក់សម្រាប់ការអភិវឌ្ឍន៍សេដ្ឋកិច្ចសង្គម។ ម្យ៉ាងទៀតវាជាការបំពេញកាតព្វកិច្ចមិនខ្វះបានក្នុងនាមជាពលរដ្ឋកម្ពុជា។ ដូច្នេះអំពាវនាវដល់ពលរដ្ឋដែលមិនទាន់មកចុះឈ្មោះបោះឆ្នោតប្រញាប់មកកាន់សាលាឃុំសង្កាត់នៅជិតលំនៅដ្ឋានឱ្យបានគ្រប់ៗគ្នា៕
អត្ថបទ៖ សិរីវឌ្ឍនៈ
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល