ព័ត៌មានជាតិ

ដោយសារគេចពីរថយន្ដមួយគ្រឿង ធ្វើឲ្យរថយន្ដក្រឡុកស៊ីម៉ងត៍ក្រឡាប់ផ្ងារជើងលើសួន

បានផុស

២ years មុន

នៅ

ថ្ងៃអង្គារ ១៩ តុលា ២០២១

ដោយ

បុរសម្នាក់បើករថយន្តដឹកស៊ីម៉ងត៍មួយគ្រឿងគេចពីរថយន្តមួយគ្រឿងទៀតឡើងលើខឿនសួនចែកទ្រូងផ្លូវក្រឡាប់ផ្ងារជើងម្ខាងរងការខូចខាត សំណាងល្អអ្នកបើកបររងរបួសស្រាល។

ហេតុការណ៍នេះកើតឡើងកាលពីវេលាម៉ោង១និង៣០នាទី រំលងអាធ្រាត្រឈានចូលថ្ងៃទី១៩ ខែតុលា ឆ្នាំ ២០២១ ស្ថិតនៅតាមបណ្ដោយមហាវិថីវិមានឈ្នះ ឈ្នះ ជិតវត្តភ្នៀត ក្នុងសង្កាត់គោករការ ខណ្ឌព្រែកព្នៅ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុគេឃើញបុរសម្នាក់បើករថយន្តហ៊ីយ៉ាន់ដាយដឹកស៊ីម៉ងត៍ មួយគ្រឿងក្បាលពណ៌បៃតង ពាក់ស្លាកលេខភ្នំពេញ3E-8115ធ្វើដំណើរទិសដៅពីត្បូងទៅជើងលុះមកដល់ចំណុចកើតហេតុខាងលើ បានគេចពីរថយន្តមួយគ្រឿងទៀតបណ្ដាលឲ្យរេចង្កូតមកខាងឆ្វេងដៃជ្រុលឡើងលើខឿនសួនចែកទ្រូងផ្លូវជាច្រើនម៉ែត្រ រួចក្រឡាប់ផ្ងារជើងម្ខាង បណ្ដាលឲ្យខូចខាតសួនអស់ជាច្រើនម៉ែត្រ និងខឿនសួនបាក់បែកអស់ជាច្រើនកង់ ចំណែករថយន្ដរងការខូចខាត។

ក្រោយកើតហេតុសមត្ថកិច្ចមូលដ្ឋានបានចុះដល់កន្លែងកើតហេតុ និងទំនាក់នងសមត្ថកិច្ចជំនាញចុះមកធ្វើការវាស់វែងយករថយន្តបង្កទៅរក្សាទុក ដើម្បីធ្វើការដោះស្រាយគ្នាតាមផ្លូវច្បាប់៕

អត្ថបទ៖ សុខា