ព័ត៌មានជាតិ
មន្រ្តីចុះវាយតម្លៃផ្លូវ ៣៤ ខ្សែក្នុងក្រុងព្រះសីហនុ មុនប្រគល់ជូនរដ្ឋបាលខេត្តគ្រប់គ្រងបន្ត
លោក លី រស្មី អនុរដ្ឋលេខាធិការក្រសួងដែនដីនគរូបនីយកម្មនិងសំណង់និងលោក ជាវ វិជ្ជាក់ អភិបាលរងខេត្តព្រះសីហនុបានអញ្ជើញដឹកនាំកិច្ចប្រជុំស្តីពីការចុះពិនិត្យវាយតម្លៃ ការស្ថាបនាផ្លូវ៣៤ខ្សែក្នុងក្រុងព្រះសីហនុមុននឹងប្រគល់ជូនរដ្ឋបាលខេត្តព្រះសីហនុគ្រប់គ្រងបន្តនៅព្រឹកថ្ងៃទី ១៩ ខែតុលាឆ្នាំ ២០២១ នេះ។
លោក លី រស្មី បានលើកឡើងថា ការខិតខំកស្ថាបនាផ្លូវរបស់ក្រុមហ៊ុននិងអង្គភាពនីមួយៗមានការសហការការទទួលខុសត្រូវនិងទទួលបានសមទ្ធិផលល្អដូចថ្ងៃនេះ ទោះបីជួប ប្រទះការរីករាលដាលនៃបរិបទជំងឺកូវីដ-១៩ ក៏ការស្ថាបនាផ្លូវទាំង៣៤ខ្សែ ក្នុងក្រុងព្រះសីហនុទទួលបានជោគជ័យ។
ក្នុងឱកាសនោះដែរលោក ជាវ វិជ្ជាក់ អភិបាលរងខេត្តព្រះសីហនុបានថ្លែងអំណរគុណដល់ក្រុមហ៊ុន និងអង្គភាពដែលបានស្ថាបនាផ្លូវក្នុងក្រុងព្រះសីហនុទាំងអស់ដោយអនុវត្ត ស្របតាមបទដ្ឋានលក្ខណបច្ចេកទេសនិងបន្តត្រួតពិនិត្យអំពីគុណភាពមុននឹងផ្ទេរមកឲ្យរដ្ឋបាលខេត្តព្រះសីហនុគ្រប់គ្រងបន្តវិញ។
ទន្ទឹមនឹងនេះលោកអភិបាលរងខេត្តបានសំណូមពរឲ្យក្រុមការងារចុះពិនិត្យវាយតម្លៃនៃការខូចខាត និងកន្លែងខ្វះខាតដែលនៅសេសសល់ដើម្បីឲ្យក្រុមហ៊ុននិងអង្គភាពទទួលការ ស្ថាបនាផ្លូវទាំងអស់ធ្វើការជួសជុលឲ្យមានគុណភាព ១០០ភាគរយ ខណៈខេត្តព្រះសីហនុនឹងត្រូវបើកទទួលភ្ញៀវទេសចរ និងបើកសេដ្ឋកិច្ចសង្គមឡើងវិញនៅចុងឆ្នាំ ២០២១ខាងមុខនេះ និងធ្វើជាម្ចាស់ផ្ទះក្នុងកិច្ចប្រជុំវេទិកាអាស៊ាននៅខែមករាឆ្នាំ២០២២ និងបន្តបើកកិច្ចប្រជុំកំពូលផ្សេងៗទៀតនៅពេលខាងមុខ។
វឌ្ឍនភាពនៃការស្ថាបនាហេដ្ឋារចនាសម្ព័ន្ធផ្លូវក្រុងចំនួន៣៤ខ្សែក្នុងខេត្តព្រះសីហនុ គិតចាប់ពីថ្ងៃបើកសម្ពោធការដ្ឋានកាលថ្ងៃទី១៦ខែវិច្ឆិកា ឆ្នាំ២០១៩ រហូតមកដល់ពេលនេះ សម្រេចលទ្ធផល១០០ភាគរយ។ នេះបើតាមគណៈកម្មាធិការជាតិគ្រប់គ្រងនិងអភិវឌ្ឍតំបន់ឆ្នេរសមុទ្រកម្ពុជា(គ.អ.ឆ.ក)។ វឌ្ឍនភាពស្ថាបនាហេដ្ឋារចនាសម្ព័ន្ធនៅក្នុង ក្រុងព្រះសីហនុមានដូចជា៖ ការងារកម្រាលផ្លូវបេតុង ,ការងារដំឡើងលូទឹកភ្លៀងនិងទឹកកខ្វក់ការងារដំឡើងលូរណប,ការងារអ៊ុតកៅស៊ូ,ការងាររៀបខឿនចិញ្ចើមផ្លូវ សាធារណៈ, ការងារគំនូសចរាចរណ៍, ការងារដំឡើងបង្គោលភ្លើងបំភ្លឺផ្លូវ, ការងារដំឡើងផ្លាកសញ្ញាចរាចរណ៍ ការងារដាំដើមឈើនិងការងារស្ថាបនាផ្ទាំងអក្សរ«ខ្មែរធ្វើ»បានសម្រេច បាន១០០ភាគរយ។
ជាមួយគ្នានេះការងារស្ថាបនារង្វង់មូលនិងបដិមាទាំង ៣ ក្នុងនោះរង្វង់មូលព្រះសិវៈ និងរង្វង់មូលសីហរាជមុខបី និងរង្វង់មូលព្រះថោងនាងនាគ។ ចូលរួមកែលម្អឆ្នេរនិងស្ថាបនា ហេដ្ឋារចនាសម្ព័ន្ធបន្ថែមចាំបាច់ដូចជា៖ ស្ថាបនាផ្លូវអាទិភាពថ្មីចំនួន៣ខ្សែទៀត ដែលមាន២គន្លងរថយន្តនិង២គន្លងទោចក្រយានយន្តរួមមាន ផ្លូវលេខ៨១៨៨ ប្រវែង៨០៩ម៉ែត្រ ,ផ្លូវលេខ៨០១ ប្រវែង ៩៥៦ម៉ែត្រនិងផ្លូវលេខ៨០៦ ប្រវែង៧២៨ម៉ែត្រ។
ខ្សែផ្លូវសរុបចំនួន៣៧ខ្សែប្រវែងសរុប ៨៤,០៦៥ម៉ែត្ររួមមាន មហាវិថីចំនួន៣ខ្សែ,វិថីចំនួន១៧ ខ្សែនិង អនុវិថីចំនួន១៧ខ្សែ។ ស្ថាបនានិងជួសជួលពង្រីកស្ពានថ្មីចំនួន៨ទីតាំង មានប្រវែងសរុប២៧២ម៉ែត្ររួមមាន៖ ស្ពានសែនត្រជាក់ចិត្តប្រវែង៤៥ម៉ែត្រ, ស្ពានព្រែកទប់ប្រវែង៣០ ម៉ែត្រ, ស្ពានព្រះសិវៈប្រវែង ៥០ម៉ែត្រ,ស្ពានព្រះថោងប្រវែង៣០ម៉ែត្រ,ស្ពានទី១វិថីសែនជ័យប្រវែង១២ម៉ែត្រ, ស្ពានទី២ វិថីសែនជ័យប្រវែង១៥ម៉ែត្រ,ស្ពានទី៣ វិថីសែនជ័យប្រវែង ៤៥ម៉ែត្រនិងស្ពានសែនជ័យប្រវែង៤៥ម៉ែត្រ។
រៀបចំកែលម្អឆ្នេរសមុទ្រប្រវែង១៨,៨៧៤ម៉ែត្រ ចាប់ពីឆ្នេរសុខាដល់ឆ្នេររាមឱ្យមានសោភ័ណភាពឡើងវិញ ដោយបានបើកឆ្នេរសមុទ្រចំនួន៣ទីតាំងរួមមាន៖ ឆ្នេរពយតាមូង ប្រវែង ១,០៣៤ម៉ែត្រ,ឆ្នេរពយអូរឈើទាលប្រវែង២៥០ម៉ែត្រនិងឆ្នេរពយជំទាវម៉ៅប្រវែង ១,៨៥០ម៉ែត្រ និងមានការស្ថាបនាកន្លែងទាក់ទាញជាច្រើនទៀត៕
អត្ថបទ៖ណារី
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៥ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម២២ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល