ព័ត៌មានជាតិ

អគ្គស្នងការដ្ឋាននគរបាលជាតិ និងគណៈបញ្ជាការឯកភាពរដ្ឋបាលខេត្តព្រះសីហនុ ប្រជុំពិភាក្សាការងារពង្រឹងសន្តិសុខ សណ្តាប់ធ្នាប់ ខេត្តជាប់ដែនសមុទ្រ

បានផុស

២ years មុន

នៅ

ថ្ងៃពុធ ២០ តុលា ២០២១

ដោយ

ព្រះសីហនុ ៖ នាថ្ងៃពុធ ទី២០ ខែតុលាឆ្នាំ២០២១នេះ ឯកឧត្តមឧត្តមសេនីយ៍ឯក ឌី វិជ្ជា អគ្គស្នងការរងនគរបាលជាតិ និងជាប្រធាននាយកដ្ឋានកណ្តាលសន្តិសុខ ឯកឧត្តម ឧត្តមសេនីយ៍ឯក តេង សួន អគ្គស្នងការរងនគរបាលជាតិ និងឯកឧត្តម ឧត្តមសេនីយ៍ឯក យឹម លាង អគ្គស្នងការរងនគរបាលជាតិ បានជួបប្រជុំពិភាក្សាការងារពង្រឹងសន្តិសុខ សណ្តាប់ធ្នាប់ និងរបៀបរៀបរយសង្គម ក្នុងខេត្តព្រះសីហនុ ជាមួយគណៈបញ្ជាការឯកភាពរដ្ឋបាលខេត្តព្រះសីហនុ ដឹកនាំដោយ ឯកឧត្តម គួច ចំរើន អភិបាលខេត្ត និងជាប្រធានគណៈបញ្ជាការឯកភាពរដ្ឋបាលខេត្តព្រះសីហនុព្រះ ដោយមានការចូលរួមពី ព្រះរាជអាជ្ញាអមសាលាដំបូងខេត្ត ស្នងការនគរបាលខេត្ដ មេបញ្ជាកងរាជអាវុធហត្ថខេត្ត មេបញ្ជាតំបន់ប្រតិបត្តិការសឹងរងខេត្ត និងមន្ត្រីសមត្ថកិច្ចពាក់ព័ន្ធជាច្រើនរូបទៀតផងដែរ។

កិច្ចប្រជុំដ៏មានសារសំខាន់នេះ ធ្វើឡើងដើម្បីបន្សាបនូវព័ត៌មានដែលអាចជះឥទ្ធិពលដល់មុខមាត់ខេត្តព្រះសីហនុ ដែលជាខេត្តប៉ូលទេសចរណ៍មួយដ៏សំខាន់ នៃព្រះរាជាណាចក្រកម្ពុជា។ ជាពិសេសដើម្បីបង្កលក្ខណៈសន្តិសុខ សុវត្ថិភាពល្អ មុនពេលបើកឱ្យដំណើរការវិស័យទេសចរណ៍ឡើងវិញ ក្រោយពេលវិស័យនេះបានផ្អាកស្ទើរទាំងស្រុងដោយវិបត្តិកូវីដ-១៩៕

Related Topics:ឯកឧត្តម ឌី វីជ្ជា