ព័ត៌មានជាតិ
បង្ក្រាបហាងកាហ្វេយីហោ Frieng Cafe លួចបើកលេងល្បែងស៊ីសងតាមប្រព័ន្ធអ៊ិនធើណេត
ភ្នំពេញ ៖ ទីតាំងហាងកាហ្វេ (យីហោ) Frieng Cafe ត្រូវបានគណៈបញ្ជាការឯកភាពរដ្ឋបាលខណ្ឌចំការមន ឆ្មក់ ដោយសារលួចបើកលេងល្បែងស៊ីសងតាមប្រព័ន្ធអ៊ិនធើណេតអនឡាញ។
មន្ត្រីសាលាខណ្ឌចំការមន ប្រាប់ឲ្យដឹងថា ដោយមានការបញ្ជាផ្ទាល់ពីលោក ថេង សុថុល អភិបាល នៃគណៈអភិបាលខណ្ឌចំការមន និងជាប្រធានគណៈបញ្ជាការឯកភាពខណ្ឌចំការមន កាលពីរសៀលថ្ងៃពុធ ១៤កើត ខែអស្សុជ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី២០ ខែតុលា ឆ្នាំ២០២១ គណៈបញ្ជាការឯកភាពខណ្ឌចំការមន ដឹកនាំដោយលោក យស យុទ្ធី អភិបាលរងខណ្ឌចំការមន បានចុះត្រួតពិនិត្យទីតាំងហាងកាហ្វេ (យីហោ) Frieng Cafe ដែលស្ថិតនៅផ្ទះលេខ១A ផ្លូវលេខ២៧១ សង្កាត់ផ្សារដេីមថ្កូវ ខណ្ឌចំការមន រាជធានីភ្នំពេញ។
ការបង្ក្រាបទីតាំងហាងកាហ្វេបង្កប់ល្បែងស៊ីសងនេះ ដោយមានការចូលរួមពីលោកប្រធានការិយាល័យសេដ្ឋកិច្ចខណ្ឌ, លោកអធិការរងនគរបាលខណ្ឌ, នគរបាលប៉ុស្ដិ៍រដ្ឋបាលផ្សារដើមថ្កូវ និងអនុប្រធានកម្លាំងសណ្ដាប់ធ្នាប់ខណ្ឌផងដែរ។
ក្រោយពីក្រុមការងារចុះត្រួតពិនិត្យរួចមកឃើញថា មានទូរទស្សន៍ និងកុំព្យូទ័រ ដែលបានភ្ជាប់ប្រព័ន្ធអ៊ិនធើណេត ដើម្បីលេងល្បែងស៊ីសងតាមប្រព័ន្ធអនឡាញ។
ដូននេះក្រុមការងារបានសម្រេចដកហូតទូរទស្សន៍ ចំនួន ០១គ្រឿង និងកុំព្យូទ័រ ចំនួន ០១ឈុត (ម៉ាស៊ីន Destop ០១គ្រឿង, ម៉ាស៊ីន CPU ០១គ្រឿង) ទៅរក្សាទុកនៅសាលាខណ្ឌចំការមន និងម្ចាស់ហាងចំនួន ០១នាក់ ឈ្មោះ អៀម ផល្លា ភេទ ប្រុស គឺប្រគល់ទៅអោយអធិការនគរបាលខណ្ឌ ដើម្បីអនុវត្តបន្តតាមនីតិវិធី។
ជាមួយគ្នានេះ រដ្ឋបាលខណ្ឌចំការមន សំណូមពរដល់បងប្អូនប្រជាពលរដ្ឋ សូមចូលរួមសហការជាមួយអាជ្ញាធរ ប្រសិនបើឃើញមានបទល្មើស ឬ មានលួចលាក់បើកលេងល្បែងស៊ីសងគ្រប់ប្រភេទនៅតំបន់ផ្សេងៗ នៃមូលដ្ឋានខណ្ឌចំការមន សូមជួយផ្តល់ដំណឹងទៅ អាជ្ញាធរ ឬ សមត្ថកិច្ចខណ្ឌចំការមន ដើម្បីមានវិធានការតាមច្បាប់៕
ដោយ ៖ រ៉ាវុទ្ធ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ១ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»