Connect with us

ព័ត៌មានជាតិ

ក្រសួងការងារ នឹងបើកពិព័រណ៍ការងារ និងផលិតភាពជាតិ​អនឡាញឆ្នាំ២០២១នៅដើមខែវិច្ឆិកាខាងមុខ​នេះ​

បានផុស

នៅ

ទីភ្នាក់ងារ​ជាតិ​មុខរបរ និង​ការងារ (NEA) នៃ​ក្រសួង​ការងារ និង​បណ្ដុះបណ្ដាល​វិជ្ជាជីវៈ​សហការ​ជាមួយ​សហភាព​សហព័ន្ធ​យុវជន​កម្ពុជា​ រាជធានី​ភ្នំពេញ​ សមាគម​រោងចក្រ​កាត់ដេរ​ និង​UNDP​នឹង​រៀបចំ​ពិព័រណ៍​ការងារ​ និង​ផលិតភាព​ជាតិ​អន​ឡាញ​នៅ​ថ្ងៃទី០៤-០៥ ខែវិច្ឆិកា​ខាងមុខនេះ ដើម្បី​ផ្ដល់ឱកាស​ឱ្យ​យុវជន​ទទួលបាន​ការងារ ​និង​ចំណេះដឹង​ថ្មីៗ​បន្ថែមទៀត​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក​បណ្ឌិត អ៊ិត សំហេង រដ្ឋមន្ត្រី ក្រសួង​ការងារ និង​បណ្តុះបណ្តាល​វិជ្ជាជីវៈ បានឱ្យដឹង​តាមរយៈ​ថ្លែង​សុន្ទរកថាទុក​សម្រាប់​ផ្សាយ​ក្នុង​ពិធី​បើក​ពិព័រណ៍​នៅ​ថ្ងៃទី​២០ ខែ​តុលា ​បានមានប្រសាសន៍ថា ពិព័រណ៍​ការងារ​អន​ឡាញ​នេះ នឹងត្រូវ​បានរៀបចំ​ឡើង​ក្នុង​គោលដៅ​ផ្ដល់នូវ​ជម្រើស​ដែលមាន​ភាព​បត់បែន​កាន់តែ​ងាយស្រួល ព្រមទាំង​បង្ការ​នូវ​សុវត្ថិភាព សុខភាព និង​អនាម័យពី​ជំងឺ​កូ​វីដ​-១៩ ស្រប​ពេលដែល​ទីផ្សារ​ការងារ​កម្ពុជា​កំពុងមាន​សន្ទុះ​តម្រូវការ​កម្លាំង​ពលកម្ម​ឡើងវិញនៅតាម​វិស័យ​មួយចំនួន ជាពិសេស​ជួយ​គាំទ្រ​ដល់​យុវជន និង​អ្នកស្វែងរក​ការងារ​អាចដាក់​ពាក្យ និង​សម្ភាស​ជាមួយ​ក្រុមហ៊ុន​តាម​អន​ឡាញ​។​

លោក​រដ្ឋមន្ត្រី​បាន​បន្តថា នៅក្នុង​ពិព័រណ៍​ការងារ និង​ផលិតភាព​ជាតិ​អន​ឡាញ ឆ្នាំ​២០២១​នេះ នឹងមាន​រួម ប​ញ្ជូ​ល​សិក្ខាសាលា​ផលិត ភាព​តាមរយៈ​ប្រព័ន្ធ​អន​ឡាញ (Zoom) ដែល​ត្រូវ​បានរៀបចំឡើងក្នុង​គោល​បំណង​ចែករំលែក​ចំណេះដឹងបទពិសោធន៍ គន្លឹះ​សំខាន់ៗ និង​ផ្សព្វផ្សាយ​លើកកម្ពស់​ការយល់ដឹង​ពី​សារ​សំខាន់​នៃ​ការបង្កើន​ផលិតភាព​ការងារ និង​បង្ហាញ​ពី​ការវិវត្ត​បច្ចេកវិទ្យា​ថ្មីៗ ដែល​ប្រទេស​ជឿនលឿន និង​ប្រទេស​កំពុងអភិវឌ្ឍន៍​មួយចំនួនប្រើប្រាស់ដើម្បី​គ្រប់គ្រង​ការងារ និង​ខ្សែសង្វាក់​ផលិតកម្ម ជាពិសេស​បំផុសស្មារតី និង​ពង្រីក​ប្រសិទ្ធភាព​ការងារ​ក្នុង​បរិបទ​ការងារ​តាម​គន្លង​ថ្មី​នៃ​ការរីក​រាលដាល​ជំងឺ​កូ​វីដ​-១៩ ។​

លោក​រដ្ឋមន្ត្រី​បាន​បន្ថែមថា នៅក្នុង​ពិព័រណ៍​អន​ឡាញ​នេះ នឹងមាន​ក្រុមហ៊ុន សហគ្រាស ក្រសួងស្ថាប័ន និង​គ្រឹះស្ថាន​អប់រំ​បណ្តុះបណ្តាល​ចំនួន​ប្រមាណ៨០ ដែល​ក្នុងនោះ​មាន​ព័ត៌មាន​ជ្រើសរើស​កម្លាំង​ពលកម្ម​ប្រមាណ​ជាង ១១ ៥០០ កន្លែង​។ ជាការ​រំពឹងទុកអ្នកចូលរួម​ទស្សនា មាន​ចំនួន ៥៤ ៥០០​នាក់ ដែលមាន​អ្នកស្វែងរក​ការងារ (CVs) ប្រមាណ​ជា​៤០០០ នាក់​៕

អត្ថបទ៖ ​សំអឿន​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

បច្ចេកវិទ្យា៨ ម៉ោង មុន

សែលកាត មានវត្តមានក្នុងការបង្ហាញពីសមត្ថភាពលើផ្នែកឌីជីថលរបស់ខ្លួន ក្នុងទិវាជាតិ វិទ្យាសាស្រ្ត បចេ្ចកវិទ្យា និងនវានុវត្តន៍ (STI) លើកទី២

ព័ត៌មានជាតិ៨ ម៉ោង មុន

សម្តេច ម៉ែន សំអន៖ កត្តាសន្តិភាពបាននាំមកនូវការរីកចម្រើនទាំងវិស័យពុទ្ធចក្រ និងអាណាចក្រ

ព័ត៌មានជាតិ១០ ម៉ោង មុន

ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេស​ឡាវ

សេដ្ឋកិច្ច១០ ម៉ោង មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

ព័ត៌មានជាតិ១០ ម៉ោង មុន

ឯកឧត្តម ហ៊ុន ម៉ានី អញ្ជើញប្រគល់ផ្ទះជាអំណោយរបស់សម្ដេចតេជោ និងសម្តេចកិត្តិព្រឹទ្ធបណ្ឌិត ជូនក្រុមគ្រួសារយុវជន អន ផានិត

Sokha Hotels

ព័ត៌មានពេញនិយម