ព័ត៌មានជាតិ
លោក ឡុង ឌីម៉ង់ប្តេជ្ញាចិត្តថា នឹងកៀងគរវិនិយោគិនបរទេស ឲ្យមកបណ្តាក់ទុន លើគ្រប់វិស័យ នៅព្រះសីហនុ
ភ្នំពេញ ៖ លោក ឡុង ឌីម៉ង់ អតីតជាអគ្គរាជទូតកម្ពុជាប្រចាំនៅប្រទេសកូរ៉េខាងត្បូង ដែលត្រូវបានតែងតាំងជាអភិបាលរងនៃគណៈអភិបាលខេត្តព្រះសីហនុ បានធ្វើការប្តេជ្ញាចិត្តយ៉ាងមុតមាំថា នឹងជួយកៀងគរវិនិយោគិនបរទេស ឲ្យមកបណ្តាក់ទុនលើគ្រប់វិស័យ សំដៅអភិវឌ្ឍខេត្តព្រះសីហនុ ឲ្យក្លាយជាទីក្រុងឆ្លាតវៃ ទំនើប បរិស្ថានល្អ បរិយាកាសរស់នៅប្រកបដោយផាសុកភាព និងជីវចម្រុះ។
ការប្តេជ្ញាចិត្តនេះបានធ្វើឡើង ក្នុងពិធីប្រកាសតែងតាំងលោកជាអភិបាលរងនៃគណៈអភិបាលខេត្តព្រះសីហនុនារសៀលថ្ងៃទី២២តុលានេះ ក្រោមអធិបតីភាពលោកគួច ចំរើន អភិបាលនៃគណៈអភិបាលខេត្តព្រះសីហនុ នៅសាលាខេត្តព្រះសីហនុ។
លោក ឡុង ឌីម៉ង់ បានមានប្រសាសន៍ថា កន្លងមកនេះ លោកធ្លាប់បានប្រលូកការងារ នៅក្នុងរដ្ឋបាលរាជធានីភ្នំពេញប្រមាណជិត១០ឆ្នាំ មុនពេលត្រូវបានតែងតាំងជាឯកអគ្គរាជទូត កម្ពុជាប្រចាំសាធារណកូរ៉េ ហើយពេលនេះលោកមានឱកាសបានមកបម្រើការងារនៅខេត្តព្រះសីហនុ ដែលតំបន់ប៉ូលសេដ្ឋកិច្ចដ៏ធំមួយ ក្នុងចំណោមប៉ូលសេដ្ឋកិច្ចធំទាំងបី ក្នុងយុទ្ធសាស្ត្រចតុកោណដំណាក់កាលទី៤ នីតិកាលទី៦ របស់រាជរដ្ឋាភិបាលកម្ពុជា និងត្រូវបានកំណត់គោលដៅជា «តំបន់សេដ្ឋកិច្ចពិសេសគំរូពហុបំណង» នៅក្នុងគោលនយោបាយអភិវឌ្ឍវិស័យឧស្សាហកម្មឆ្នាំ ២០១៥-២០២៥ សំដៅប្រែក្លាយខេត្តព្រះសីហនុដែលមានសក្កានុពលលើវិស័យទេសចរណ៍ ឧស្សាហកម្ម និងពាណិជ្ជកម្ម ក្លាយជាក្បាលម៉ាស៊ីនថ្មីមួយសម្រាប់ជំរុញកំណើនសេដ្ឋកិច្ចជាតិដ៏ធំ ដែលនឹងអាចជួយកម្ពុជា សម្រេចបាននូវចក្ខុវិស័យរបស់ខ្លួន ក្លាយជាប្រទេសដែលមានចំណូលមធ្យមកម្រិតខ្ពស់នៅឆ្នាំ២០៣០ និងចំណូលខ្ពស់នៅឆ្នាំ២០៥០ខាងមុខ។
បន្ថែមពីនេះ លោកឡុង ឌីម៉ង់ បានប្តេជ្ញាចិត្តថា នឹងធ្វើជាសេនាធិការបម្រើជូនរដ្ឋបាលខេត្ត និងប្រជាជន រក្សាសាមគ្គីភាព-ឯកភាពផ្ទៃក្នុងប្រកបដោយឆន្ទៈតែមួយ ក្នុងស្មារតីទទួលខុសត្រូវ និងយកចិត្តទុកដាក់ការងារយ៉ាងហ្មត់ចត់ជាទីបំផុត។ ប្តេជ្ញាពង្រឹង និងពង្រីក កិច្ចសហការស្អិតល្មួតជាមួយកងកម្លាំងប្រដាប់អាវុធ បណ្តាមន្ទីរ-អង្គភាពជំនាញពាក់ព័ន្ធនានាក្នុងខេត្ត ដើម្បីបម្រើប្រជាពលរដ្ឋ សំដៅកែប្រែនិងលើកស្ទួយជីវភាពរស់នៅ សុខុមាលភាព សន្តិសុខ និងសុវត្ថិភាពជូនប្រជាពលរដ្ឋស្របតាមគោលនយោបាយភូមិ-ឃុំមានសុវត្ថិភាព ព្រមទាំងបង្កលក្ខណៈសម្បត្តិងាយស្រួលដល់ការប្រកបអាជីវកម្មនានា។ ប្តេជ្ញាផ្សព្វផ្សាយ និងការពារសមិទ្ធផលរបស់រដ្ឋបាលខេត្ត ដល់ប្រជាពលរដ្ឋគ្រប់លំដាប់ថ្នាក់ឲ្យបានទូលំទូលាយ។ ប្តេជ្ញាពង្រឹងជួយកៀងគរវិនិយោគិនបរទេស មកបណ្តាក់ទុនលើគ្រប់វិស័យ សំដៅអភិវឌ្ឍខេត្តព្រះសីហនុ ឲ្យក្លាយជាទីក្រុងឆ្លាតវៃ ទំនើប បរិស្ថានល្អ បរិយាកាសរស់នៅប្រកបដោយផាសុខភាព និងជីវចម្រុះ។ ប្តេជ្ញាជួយសម្របសម្រួល និងពង្រឹងពង្រីកកិច្ចសហប្រតិបត្តិការអន្តរជាតិ ជាមួយបណ្តាអង្គទូត អង្គការ-សមាគមអន្តរជាតិនានា បណ្តាទីក្រុងសម្ព័ន្ធមេត្រីភាព-ទីក្រុងមិត្តភាពរបស់កម្ពុជា ដើម្បីកៀងគរជំនួយសប្បុរសធម៌ពីគ្រប់មជ្ឈដ្ឋាន ទាំងផ្នែករឹង និងផ្នែកទន់ សំដៅបណ្តុះបណ្តាល និងពង្រឹងសមត្ថភាពមន្ត្រីរាជការ ដើម្បីឧត្តមប្រយោជន៍ជាតិ និងប្រជាជន។
លោកគួច ចំរើន អភិបាលខេត្តព្រះសីហនុ ក្នុងឱកាសនោះ បានថ្លែងស្វាគមន៍និងអបអរសាទរចំពោះលោកឡុង ឌីម៉ង់ ដែលត្រូវបានរាជរដ្ឋាភិបាលផ្តល់សេចក្តីទុកចិត្តតែងតាំងជាអភិបាលរងនៃគណៈអភិបាលខេត្តព្រះសីហនុដើម្បីបន្តនិរន្តរភាពការងារជាមួយក្រុមប្រឹក្សាខេត្តព្រះសីហនុ គណៈអភិបាលខេត្តក្នុងការបម្រើឧត្តមប្រយោជន៍ជាតិមាតុ ភូមិ និងប្រជាពលរដ្ឋខេត្តព្រះសីហនុ ជាពិសេសការអភិវឌ្ឍន៍ខេត្តព្រះសីហនុឲ្យកាន់តែរីកចម្រើនដើម្បីសម្រេចតាមផែនការមេរបស់រាជរដ្ឋាភិបាលគឺដើម្បីអភិវឌ្ឍន៍ ខេត្តព្រះសីហនុទៅជាតំបន់សេដ្ឋកិច្ចពិសេសគំរូពហុបំណង។
លោកអភិបាលខេត្តថ្លែងទៀតថា លោកជឿជាក់យ៉ាងមុតមាំថា ក្នុងតំណែងជាអភិបាលរងខេត្តព្រះសីហនុ លោកឡុង ឌីម៉ង់ នឹងបន្តខិតខំអនុវត្តតួនាទី ភារកិច្ចនិងយកបទពិសោធន៍ល្អៗ ជាពិសេសទំនាក់ទំនងកិច្ចការបរទេស ការទូត និងកិច្ចសហប្រតិបត្តិការអន្តរជាតិស្របតាមរដ្ឋធម្មនុញ្ញ ច្បាប់ និងលិខិតបទដ្ឋានគតិយុត្តិប្រកបដោយមនសិការវិជ្ជាជីវៈ មានការទទួលខុសត្រូវខ្ពស់ មានតម្លាភាព គណនេយ្យភាព ជាពិសេសត្រូវប្រកាន់ខ្ជាប់នូវអភិក្រមរបស់សម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាគឺ ឆ្លុះកញ្ចក់ ងូតទឹក ដុសក្អែល ព្យាបាល និងវះកាត់ និងបាវចនា២គឺ កែទម្រង់ខាងក្នុង និងបង្កើតមិត្តខាងក្រៅ ដោយស្មារតីឯករាជ្យ។
លោកគួច ចំរើន ក៏បានបញ្ជាក់ផងដែរថា ស្ថានភាពនៃការគ្រប់គ្រងការ រីករាលដាលនៃជំងឺកូវីដ-១៩ នៅខេត្តព្រះសីហនុមានលក្ខណៈធូរស្រាលនិងទទួលបានលទ្ធផលល្អ ប្រសើរហើយនោះ យើងក៏បានត្រៀមលក្ខណៈសម្បត្តិបើកខេត្តព្រះសីហនុជាគោលដៅទេសចរណ៍សុវត្ថិ ភាព និងបៃតង ដើម្បីទទួលភ្ញៀវទេសចរអន្តរជាតិនៅចុងឆ្នាំ២០២១ ក៏ដូចជាការចូលរួមទទួលភ្ញៀវ ជាតិ និងអន្តរជាតិក្នុងព្រឹត្តិការណ៍វេទិកាទេសចរណ៍អាស៊ាននាដើមឆ្នាំ២០២២ និងជាពិសេសការ ធានានូវនិរន្តរភាពនៃសកម្មភាពសេដ្ឋកិច្ចសង្គមនៅក្នុងខេត្តព្រះសីហនុ៕
ដោយ ៖ ស្រីរ័ត្ន
អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត
ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ
ក្រសួងការងារ និងបណ្តុះបណ្តាលវិជ្ជាជីវៈ បើកវគ្គបណ្តុះបណ្តាលលើជំនាញផ្នែកកំបោរក្នុងវិស័យសំណង់
ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត
មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
កីឡា៥ ថ្ងៃ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ agoតាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ agoនាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ agoដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ agoមនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ