ព័ត៌មានជាតិ
អាជ្ញាធរចុះពិនិត្យផលប៉ះពាល់ពីទឹកជំនន់ទន្លេស្រែពក
អាជ្ញាធរខេត្តស្ទឹងត្រែង រួមមន្ត្រីជំនាញពាក់ព័ន្ធននៅព្រឹកថ្ងៃទី ២៥ ខែតុលានេះ បានចុះពិនិត្យស្រូវស្រែនិងផលដំណាំកសិកម្ម ដែលរងផលប៉ះពាល់ពីជំនន់ទឹកភ្លៀងទន្លេស្រែពក ដើម្បីរៀបចំផែនការស្តារនៅសេដ្ឋកិច្ចស្បៀងឡើងវិញ តាមរយៈការផ្តល់ពូជស្រូវរយៈពេលខ្លីនិងគ្រាប់ពូជដំណាំផ្សេងៗជូនកសិករ។
លោក ជា ថាវរិទ្ធ អភិបាលរងខេត្ត បានបញ្ជាក់ថា អាជ្ញាធរមូលដ្ឋានភូមិឃុំស្រុក ត្រូវពន្លឿនការស្រង់ស្ថិតិចំនួន គ្រួសារប្រជាពលរដ្ឋដែលរងផលប៉ះពាល់ដាក់ជូនទៅគណៈកម្មាធិការគ្រប់គ្រង គ្រោះមហន្តរាយខេត្តឱ្យបានឆាប់ ដើម្បីស្តារឡើងវិញនូវសេដ្ឋកិច្ចគ្រួសារ។
លោកអភិបាលរងបន្តថា បញ្ហាប្រឈមនេះមន្ត្រីជំនាញផ្នែកកសិកម្មត្រូវពិនិត្យមើលផ្ទៃដី ដែលមានប្រភពទឹក និងផ្ទៃដីដែលត្រូវផ្លាស់ប្តូរយុទ្ធសាស្ត្រនៃការដាំដុះ ហើយផ្តល់គ្រាប់ពូជ និងចុះមកណែនាំកសិកឱ្យផ្លាស់ប្តូរទំលាប់នៃការដាំចុះ ធ្វើយ៉ាងណាឱ្យស្របទៅនិងពេលវេលានៃការងារបង្កបង្កើនផលនៅចុងរដូវ។
លោកទុំ នីរ៉ូ ប្រធានមន្ទីរកសិកម្មរុក្ខាប្រមាញ់និងនេសាទខេត្តបានទទទួលស្គាល់ថា ក្នុងស្ថានភាពទឹកទន្លេស្រែពកឡើងដល់កំរិតប្រកាសឱ្យប្រុងប្រយ័ត្ននេះ បានបង្កផលប៉ះពាល់ដល់ស្រូវ និងដំណាំផ្សេងៗរបស់កសិករ នៅតាមជួរដងទន្លេស្រែពក និងទន្លេសេសានផងដែរ។
លោកបន្កថា ផលប៉ះពាល់នេះស្រូវមួយចំនួនត្រូវរលួយទាំងស្រុង ដំណាំកសិកម្មផ្សេងៗដូចជាពោត សណ្តែកត្រូវខូច ហើយមន្ទីរកសិកម្មបានត្រៀមស្រូវពូជ រយៈពេលខ្លីនិងពូជដំណាំផ្សេងៗ សម្រាប់ចែកជូនកសិករ ដើម្បីមានលទ្ធភាពស្តារឡើងវិញ នៅតាមតំបន់ដែលមានប្រភពទឹក។
ឆ្នាំ២០២១នេះទឹកទន្លេស្រែពក និងទន្លេសាសានបានបង្កផលប៉ះពាល់ប្រជាពលរដ្ឋនៅឃុំតាឡាត ឃុំក្បាលរមាស ឃុំស្តៅ ឃុំភ្លុក និងឃុំសាមឃួយ ដែលរស់នៅតាមតំបន់វាលទំនាប និងនៅជាប់តាមជួរដងទន្លេប្រមាណជាង១០០គ្រួសារ៕
អត្ថបទ៖ ងិនលីម
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត