ព័ត៌មានជាតិ
អភិបាលខេត្តកំពង់ស្ពឺ ប្រាប់ពីស្ថានភាពទឹកស្ទឹងព្រែកត្នោត ក្នុងភូមិសាស្រ្តខេត្តកំពង់ស្ពឺ
លោក វ៉ី សំណាង អភិបាល នៃគណៈអភិបាលខេត្តកំពង់ស្ពឺ មានប្រសាសន៍ប្រាប់កម្ពុជាថ្មី នៅរសៀលថ្ងៃទី២៥ ខែតុលានេះថា មកដល់ម៉ោងនេះ ស្ថានភាពទឹកស្ទឹងព្រែកត្នោត ស្ថិតនៅកម្រិតធម្មតា មិនមានការហក់ឡើងទៀតនោះទេ។ ក្នុងនោះតំបន់មួយចំនួន ដែលមានទឹកជំនន់កាលពីប៉ុន្មានថ្ងៃមុននេះ ក៏បានចាប់ផ្ដើមស្រកចុះវិញជាបណ្ដើរៗ ហើយដែរ។
លោកថា «យើងអាចនិយាយបានថា ស្មើនេះគឺទឹកធម្មតា អត់មានបញ្ហាអីទេ បានន័យថា វាលិចៗទៅហើយ ដូចខ្ញុំបង្ហោះក្នុងហ្វេសប៊ុកចឹង ប៉ុន្តែវាអត់មានឡើងអីថែម គួរឲ្យកត់សម្គាល់ទៀតទេ បានន័យថា ទឹកនឹង វាខ្ញុំតាមមើលប៉ុន្មានម៉ោង រហូតមកដល់ម៉ោងនេះគឺទឹកនឹង ហើយតំបន់មួយចំនួនចាប់ផ្ដើមស្រក ហើយបើអត់មានភ្លៀងទេ គឺយើងប្រសើរ អត់អី»។
អភិបាលខេត្តកំពង់ស្ពឺ បានឲ្យដឹងថា កាលពីប៉ុន្មានថ្ងៃមុននេះមានភ្លៀងធ្លាក់ច្រើន បណ្ដាលឲ្យទឹកស្ទឹងព្រែកត្នោតមានការហក់ឡើង ហើយធ្វើឲ្យលិចតំបន់ទំនាបមួយចំនួន នៅប៉ែកខាងត្បូងខេត្ត តែមកដល់ពេលនេះទឹកស្ទឹងព្រែកត្នោត គឺស្ថិតនៅក្នុងកម្រិតធម្មតា មិនមានការហក់ឡើងទៀតទេ។ រីឯនៅតំបន់ផ្សេងវិញ ក៏មិនមានទឹកជំនន់កើតឡើងនោះដែរ។
ជាមួយគ្នានេះលោក វ៉ី សំណាង ក៏បានបញ្ជាក់ថា អាជ្ញាធរក៏មិនបានជម្លៀសប្រជាពលរដ្ឋ ចេញពីលំនៅឋាននោះដែរ ដោយសារតែទឹកជំនន់កើតឡើងតែភ្លែតតែប៉ុណ្ណោះ។ ម្យ៉ាងទៀតប្រជាពលរដ្ឋរស់នៅតំបន់ ជាប់ស្ទឹងព្រែកត្នោត ក៏បានត្រៀមខ្លួនទុកជាមុនផងដែរ នៅពេលមានទឹកជំនន់កើតឡើង៕
អត្ថបទ៖ ឃួន សុភ័ក្រ
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore