ព័ត៌មានជាតិ
និមិត្តសញ្ញាអាស៊ាន២០២២ ដែលកម្ពុជាធ្វើជាម្ចាស់ផ្ទះ នឹងបង្ហាញជាផ្លូវការនៅថ្ងៃទី២៨ ខែតុលា ខាងមុខ
នៅថ្ងៃច័ន្ទ ទី២៥ ខែតុលា ឆ្នាំ២០២១ នេះ ក្រសួងការបរទេស និងសហប្រតិបត្តិការអន្តរជាតិកម្ពុជា បានរៀបចំកម្មវិធីប្រគល់ប្រាក់រង្វាន់សម្រាប់ម្ចាស់ជ័យលាភីក្នុងការប្រកួតប្រជែងនិមិត្តសញ្ញា (Logo) អាស៊ានឆ្នាំ២០២២ ដែលពិធីនេះធ្វើឡើងនៅទីស្តីការក្រសួងការបរទេស (បន្ទប់តាព្រហ្ម) វេលាម៉ោង៩ព្រឹក ក្រោមអធិបតីភាពលោកស្រី អ៊ាត សោភា រដ្ឋលេខាធិការ និងជាឧត្តមមន្ត្រីអាស៊ាន។
បើតាមក្រសួងការបរទេស អ្នកទទួលបានរង្វាន់ជ័យលាភីក្នុងការប្រកួតប្រជែងនិមិត្តសញ្ញា (Logo) អាស៊ាន ឆ្នាំ២០២២ មានម្នាក់ ហើយ៤ នាក់ទៀត ទទួលបានរង្វាន់លើកទឹកចិត្ត៖
ទី១, លោកស្រី ឈុត ចិន្តា ម្ចាស់ជ័យលាភី (ទទួលបានចំនួន៤លានរៀល)
ទី២, កញ្ញា សេង ពុទិ្ធកា ប្រាក់រង្វាន់លើកទឹកចិត្ត
ទី៣, លោក ឆេង ចំណាន ប្រាក់រង្វាន់លើកទឹកចិត្ត
ទី៤, លោក សុខ បញ្ញា ប្រាក់រង្វាន់លើកទឹកចិត្ត
ទី៥, លោក សឿន ចាន់ណារ៉ា ប្រាក់រង្វាន់លើកទឹកចិត្ត
ក្រសួងការបរទេសបានឲ្យដឹងដែរថា និមិត្តសញ្ញាអាស៊ាន២០២២ នឹងត្រូវប្រកាសជាផ្លូវការ នៅថ្ងៃទី២៨ ខែតុលា ឆ្នាំ២០២១ ក្រោយពីពិធីផ្ទេរតំណែងប្រធានប្តូរវេនអាស៊ានពីព្រុយណេ មកកម្ពុជា នាឱកាសកិច្ចប្រជុំកំពូលអាស៊ានទី៣៨ និងទី៣៩ នាថ្ងៃទី២៦-២៨ ខែតុលា ឆ្នាំ២០២១។
បើតាមក្រសួងការបរទេស ការរចនានិមិត្តសញ្ញា ត្រូវផ្តោតលើទស្សនាទាន នៃកិច្ចខិតខំប្រឹងប្រែងរួមរបស់អាស៊ាន ក្នុងការដោះស្រាយបញ្ហាប្រឈមទាំងអស់គ្នា។ ក្នុងន័យនេះ និមិត្តសញ្ញាអាស៊ានឆ្នាំ២០២២ ត្រូវឆ្លុះបញ្ចាំងអំពីអាស៊ាន ដែលមានឆន្ទៈរួម បើកទូលាយ ស្មោះត្រង់ គ្មានការបែងចែក និងរើសអើងគ្នា តម្កល់ផលប្រយោជន៍រួមជាធំ និង “អាស៊ានរួមគ្នាធ្វើ” ក្នុងស្មារតីជាគ្រួសារតែមួយ ដើម្បីជំនះរាល់បញ្ហាប្រឈមធំៗ សំដៅបន្តជំរុញដំណើរការកសាងសហគមន៍អាស៊ាន ដែលប្រជាជនទាំងអស់រួមរស់ជាមួយគ្នាប្រកបដោយភាពសុខដុម ក្នុងសន្តិភាព សន្តិសុខ និងវិបុលភាព ជាពិសេសនៅក្នុងបរិបទ នៃការស្តារសេដ្ឋកិច្ច និងជីវភាពរស់នៅរបស់ប្រជាជនឡើងវិញ បន្ទាប់ពីរងផលប៉ះពាល់យ៉ាងធ្ងន់ធ្ងរពីការរាតត្បាត នៃជំងឺកូវីដ-១៩ ហានិភ័យបណ្តាលមកពីភាពតានតឹងនៃការប្រកួតប្រជែងភូមិសាស្ត្រនយោបាយរវាងមហាអំណាច ជម្លោះដែនដី សង្គ្រាមពាណិជ្ជកម្ម និងបច្ចេកវិទ្យា ព្រមទាំងបញ្ហាមិនប្រពៃណីផ្សេងទៀតជាដើម។
សូមបញ្ជាក់ថា និមិត្តសញ្ញា ដែលទទួលបានជ័យលាភី នឹងត្រូវយកទៅប្រើប្រាស់លើរាល់ឯកសារ និងក្នុងព្រឹត្តិការណ៍នានារបស់អាស៊ាន នៅពេលកម្ពុជាកាន់តួនាទីជាប្រធានអាស៊ាននៅឆ្នាំ២០២២៕
ដោយ ៖ កោះកែវ
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ