ព័ត៌មានជាតិ
គ្រឿងញៀនជាង២០០គីឡូក្រាម បង្ក្រាបបាននៅកោះកុង មានប្រភពមកពីឡាវ
គ្រឿងញៀនជាង២០០គីឡូក្រាម ប្រភេទហេរ៉ូអ៊ីន ដែលសមត្ថកិច្ចបង្ក្រាបនៅស្រុកស្រែអំបិល កាលពីថ្ងៃទី២២ តុលាកន្លងទៅ គឺក្រុមជួញដូរមកពីប្រទេសឡាវ ត្រៀមនាំចេញទៅប្រទេសថៃ។
ប្រតិបត្តិបង្ក្រាប និងបន្តការស៊ើបអង្កេត៣ថ្ងៃមកនេះ ឃាត់បានមេខ្លោងចំនួន២នាក់ ជនជាតិថៃ ព្រមទាំងសារធាតុញៀនទម្ងន់២១២.៤គីឡូក្រាម ពុំមែនដឹកជញ្ជូនមកពីប្រទេសថៃចូលកម្ពុជាទេ ពោលគឺជនសង្ស័យដឹកឆ្លងកាត់ ដែលមានបំណងចង់នាំចេញទៅលក់ប្រទេសថៃ។
លោកឧត្តមសេនីយ៍ទោ គង់ មនោ ស្នងការនគរបាលខេត្តកោះកុង ឱ្យដឹងនៅព្រឹកថ្ងៃទី២៦ ខែតុលានេះថា កម្លាំងសមត្ថកិច្ចរបស់លោក បានរឹបអូសរថយន្ត១ គ្រឿង ទូកនេសាទធុនធំ១គ្រឿង គ្រឿងញៀនប្រភេទហេរ៉ូអ៊ីន២១២,៤គីឡូក្រាម ហើយឃាត់ខ្លួនមនុស្សបាន ៧នាក់។ លោកស្នងការនគរបាលខេត្ត បន្ថែមថា ក្នុងចំណោមនោះ មេខ្លោងជនជាតិថៃ ២នាក់ កម្មករខ្មែរ៥នាក់ និងស្រីម្នាក់។ វត្ថុតាង កំពុងរក្សាទុកនៅស្នងការនគរបាលខេត្តកោះកុង រីឯក្រុមជនសង្ស័យកសាងសំណុំរឿងអនុវត្តតាមនីតិវិធី។
គួរកត់សម្គាល់ថា នេះជាការបង្ក្រាបបទល្មើសជួញដូរគ្រឿងញៀនលក្ខណៈទ្រង់ទ្រាយធំលើកទី១ហើយ ក្នុងតំណែងដឹកនាំដោយលោកឧត្តមសេនីយ៍ទោ គង់ មនោ ស្ថិតនៅចំណុចកន្លែងកើតហហេតុចំនួន២ មាត់ពាមស្រែអំបិល ភូមិកំពង់ស្តាំ ឃុំជ្រោយស្វាយ ស្រុកស្រែអំបិល។ លោក អេង ចាន់ភារ៉ា ព្រះរាជអាជ្ញារងសាលាដំបូងខេត្តកោះកុង ហៅការបង្ក្រាបនេះថា ជាការបង្ក្រាបទ្រង់ទ្រាយធំ ដោយមិនផ្ទុះអាវុធ។ មុខសញ្ញាដែលឃាត់ខ្លួនបានមានខ្សែបណ្តាញនាំចូលមកពីប្រទេសឡាវ ឆ្លងកាត់តាមខេត្តស្ទឹងត្រែង ខេត្តព្រះសីហនុ ចូលមកខេត្តកោះកុង ឆ្ពោះទៅគោលដៅនៅឯប្រទេសថៃ។
ក្រុមជនសង្ស័យ៧នាក់ខាងលើ ត្រូវបានអយ្យការសាលាដំបូងខេត្ត ចោទប្រកាន់ពីបទរក្សាទុក ដឹកជញ្ជូន ឬជួញដូរដោយខុសច្បាប់នូវសារធាតុញៀន មាត្រា៤០នៃច្បាប់ស្តីពីការត្រួតពិនិត្យគ្រឿងញៀន។ ដាក់ពន្ធនាគារពី២០ទៅ៣០ឆ្នាំ ឬផ្តន្ទាទោសអស់មួយជីវិត ហើយពិន័យជាថវិកា៤០លានដល់១០០លានរៀល៕
អត្តបទ៖ សិរីវឌ្ឍនៈ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង