ព័ត៌មានជាតិ
លោក ឃួង ស្រេង ៖ គិតត្រឹមរសៀលនេះ ស្ថានភាពទឹកនៅទំនប់សណ្ដស្ទឹងព្រែកត្នោត នៅនឹងធម្មតា
អភិបាលរាជធានីភ្នំពេញ បានឲ្យដឹងថា មកដល់រសៀលថ្ងៃទី២៦ ខែតុលានេះ ស្ថានភាពទឹកនៅទំនប់សណ្ដស្ទឹងព្រែកត្នោតនៅនឹងធម្មតា បន្ទាប់ពីមានការឡើងបន្តិចកាលពីព្រឹកមិញ។ តែយ៉ាងណាក៏ដោយ អាជ្ញាធរនៅតែមានការព្រួយបារម្ភ និងត្រៀមខ្លួនជាប់ជានិច្ច ដើម្បីជួយសង្រ្គោះប្រជាពលរដ្ឋ ពេលមានករណីទឹកជំនន់កើនឡើង។
លោក ឃួង ស្រេង អភិបាល នៃគណៈអភិបាលរាជធានីភ្នំពេញ ពេញមួយព្រឹក និងបន្តមកដល់រសៀលថ្ងៃទី២៦ ខែតុលា ឆ្នាំ២០២១នេះ បានដឹកនាំក្រុមមន្ត្រីជំនាញ និងអាជ្ញាធរពាក់ព័ន្ធ រួមទាំងសមត្ថកិច្ចចម្រុះផង ចុះអន្តរាគមន៍ ជួយទប់ទំនប់សណ្ដស្ទឹងព្រែកត្នោត ក្នុងភូមិសាស្ត្រខណ្ឌដង្កោ រាជធានីភ្នំពេញ។
លោក ឃួង ស្រេង មានប្រសាសន៍ប្រាប់អ្នកសារព័ត៌មានថា ក្រសួងធនធានទឹក និងឧតុនិយម បានចាត់វិធានការជាច្រើនដោយប្រើកម្លាំងសរុប និងមធ្យោបាយសរុប ដើម្បីដោះស្រាយបញ្ហាទប់ទំនប់សណ្ដស្ទឹងព្រែកត្នោតនេះ និងត្រៀម ជួយសង្រ្គោះប្រជាពលរដ្ឋ នៅពេលដែលទឹកហក់ឡើងខ្លាំង។ លោកថា អាជ្ញាធររាជធានីភ្នំពេញ បានអំពាវនាវរយៈពេល ១សប្ដាហ៍មកហើយ ឲ្យប្រជាពលរដ្ឋដែលធ្លាប់រងគ្រោះ ដោយសារជំនន់កាលពីឆ្នាំមុន ឲ្យមានប្រុងប្រយ័ត្ន ដោយយកក្មេងៗ និងចាស់ៗ ងាយរងគ្រោះ ព្រមទាំងទ្រព្យសម្បត្តិផ្សេងៗ ទៅកាន់ទីទួលមានសុវត្ថិភាព។
អភិបាលរាជធានីភ្នំពេញ បានឲ្យដឹងទៀតថា «ថ្ងៃនេះ ខ្ញុំបើតាមក្រសួងធនធានទឹក បានលើកឡើងដែរថា នៅកំពង់ស្ពឺ មានការស្រកចុះ តែនៅក្នុងទីក្រុងភ្នំពេញនេះ មានការនឹងតាំងពីព្រឹកមក វាឡើង ២ហ៊ុនជាង ប៉ុន្តែមកដល់ពេលឥឡូវនេះ មានការនឹង»។
យ៉ាងណាក៏ដោយ អាជ្ញាធរនៅតែមានការព្រួយបារម្ភ ព្រោះកាលណាទឹកឡើងកាន់តែខ្លាំង ទំនប់សណ្ដស្ទឹងព្រែកត្នោត នឹងមានរុងនាគកាន់តែច្រើន ហើយកិច្ចការសំខាន់នៅថ្ងៃនេះ អាជ្ញាធររាជធានីភ្នំពេញ និងកម្លាំងពាក់ព័ន្ធទាំងអស់ បានទប់រុងនាគនៅតាមសងខាងស្ទឹង ដើម្បីធ្វើយ៉ាងណាកុំឲ្យមានការបាក់ទំនប់ ដែលនាំឲ្យមានផលប៉ះពាល់ដល់ប្រជាពលរដ្ឋ៕
អត្ថបទ៖ ឃួន សុភ័ក្រ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង