ព័ត៌មានជាតិ
មិនដល់មួយខែ មានរឿង ៣ សំខាន់មិនធ្លាប់កើតមាននៅខេត្តកំពត
ក្រោយផ្ទេរពីអភិបាលខេត្តពោធិ៍សាត់ មកដឹកនាំគ្រប់គ្រងនៅខេត្តកំពតបានមិនដល់មួយខែផង អភិបាលខេត្តកំពតថ្មីឯកឧត្តម ម៉ៅ ធនិន បានលើកយកបញ្ហាមួយចំនួនពាក់ព័ន្ធជីវភាពរបស់ប្រជាពលរដ្ឋ ដោយចូលខ្លួនទៅដោះស្រាយផ្ទាល់តែម្តង។
ព្រឹត្តិការណ៍សំខាន់ដំបូងគេ គឺការដោះស្រាយជម្លោះ និងបញ្ហាទុក្ខកង្វល់នានារបស់ប្រជាពលរដ្ឋតាមរយៈវេទិកាសាធារណៈនៅសាលាខេត្ត។
នេះជាលើកទីមួយដែលអាជ្ញាធរខេត្តកំពត ក្រោមការដឹកនាំរបស់អភិបាលខេត្តថ្មី បានបើកវេទិកាដោះស្រាយបញ្ហាជូនបងប្អូនប្រជាពលរដ្ឋក្នុងខេត្តដោយផ្ទាល់ បន្ទាប់ពីទទួលការតែងតាំងជាអភិបាលនៃគណៈអភិបាលខេត្តកំពតកាលពីថ្ងៃទី១៣ ខែតុលា ឆ្នាំ២០២១។
សំណុំក្តៅគគុកដំបូងតាមរយៈវេទិកានៅសាលាខេត្តគឺបញ្ហាការលក់អាងទឹកដងទង់ជាសម្បត្តិរដ្ឋ ទៅឲ្យក្រុមហ៊ុនឯកជនមួយ ដែលបានអូសបន្លាយជាច្រើនខែ ប៉ះពាល់ដីធ្លីពលរដ្ឋជាច្រើនគ្រួសារ និងត្រូវបានដោះស្រាយតាមរយៈវេទិកាបើកចំហ ដែលមានការចូលរួមពីមន្រ្តីថ្នាក់ដឹកនាំខេត្ត តំណាងក្រុមហ៊ុន ព្រមទាំងប្រជាពលរដ្ឋដែលមានវិវាទ។
ក្រោយការជជែករកខុសរកត្រូវបានបញ្ចប់ ក្រោមវត្តមានរបស់ឯកឧត្ដម ម៉ៅ ធនិន អភិបាលនៃគណៈអភិបាលខេត្តកំពត ដែលបានប្រេីប្រាស់ឋានានុក្រមសម្របសម្រួលដោះស្រាយ ដោយឈរលើភាពត្រឹមត្រូវ តម្លាភាព និងយុត្តិធម៌ ដោយទទួលបានភាពយុត្តិធម៌ទាំងអស់គ្នា។
ដោយឡែកព្រឹត្តិការណ៍សំខាន់មួយទៀត ក្នុងពេលចុះសួរសុខទុក្ខអាជីវករនៅផ្សារសាមគ្គី ទីរួមខេត្តកំពតក្នុងសង្កាត់កំពង់បាយ ក្រុងកំពត ដែលអមដំណើរដោយលោកស្នងការខេត្ត លោកអភិបាលក្រុង ប្រធានមន្ទីរពាក់ព័ន្ធមួយចំនួនទៀត លោកអភិបាលខេត្តថ្មី បានធ្វើការណែនាំដល់អ្នកទទួលម៉ៅការភាស៊ីទាំងអស់ទូទាំងខេត្ត មិនត្រូវយកភាស៊ីលើសការកំណត់ ដែលមានចែងនៅក្នុងសៀវភៅបន្ទុកនោះទេ។ ជាមួយគ្នានេះលោកបានសម្រេចឲ្យគ្រប់បណ្តាផ្សារទូទាំងខេត្តមិនត្រូវយកភាស៊ីពីជនចាស់ជរា ដែលមានអាយុចាប់ពី ៦០ ឡើង ឬក្មួយតូចៗ ដែលលក់បន្លែបង្កា ត្រីបន្តិចបន្តួចនោះឡើយ។
ដោយឡែកព្រឹត្តិការណ៍ចុងក្រោយមិនធ្លាប់មាននៅខេត្តកំពត គឺឯកឧត្តមម៉ៅ ធនិន បានហាមឃាត់មិនឲ្យសម្លាប់សត្វធាតុលក់ទេនៅថ្ងៃឧបោសថសីល។
ក្នុងនាមពលរដ្ឋជាអ្នកគោរពប្រតិបត្តិព្រះពុទ្ធសាសនា ការសម្រេចនេះទទួលបានការសាទរពីពលរដ្ឋទូទាំងខេត្ត ជាផ្នែកមួយដើម្បីលើកកម្ពស់តម្លៃព្រះពុទ្ធសាសនា ដែលជាសាសនារបស់រដ្ឋ៕
អត្ថបទ៖ ប៊ុណ្ណារ៉ា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ