ព័ត៌មានជាតិ
ម្ចាស់បំណុលប្រើហិង្សាលើកូនបំណុល រហូតស្លាប់នៅបុរីរុងរឿងជ្រោយចង្វា
ស្ត្រីជាកូនបំណុលម្នាក់ត្រូវបានស្ត្រីម្នាក់ទៀតជាម្ចាស់បំណុលធាក់ចំពោះបណ្ដាលឲ្យចុកស្លាប់នៅក្នុងបន្ទប់ស្លាក់នៅ បន្ទាប់ពីទំនាស់ពាក្យសម្ដីឈាមដល់ផ្ទុះហិង្សាប្រតាយប្រតប់គ្នា។
ករណីនេះ បានកើតឡើងកាលពីវេលាម៉ោង២និង៣៥នាទីរសៀលថ្ងៃទី២៦ ខែតុលា ឆ្នាំ២០២១ ស្ថិតក្នុងបុរីរុងរឿងជាន់ទី៣ បន្ទប់លេខ១៩-3K សង្កាត់ព្រែកលាប ខណ្ឌជ្រោយចង្វា រាជធានីភ្នំពេញ ។
ស្ត្រីរងគ្រោះឈ្មោះ អៀង អេង អាយុ៤៣ឆ្នាំ មុខរបរជាមេផ្ទះ រស់នៅជាមួយប្ដី មានកូនប្រុសស្រីចំនួន២នាក់ បច្ចុប្បន្នស្នាក់នៅកន្លែងកើតហេតុ។
តាមប្រភពព័ត៌មានបានឲ្យដឹងថា មុនពេលកើតហេតុគេឃើញស្ត្រីម្នាក់ជាម្ចាស់បំណុលបានឡើងមកជាន់ទី៣ ចូលទៅបន្ទប់ស្ត្រីរងគ្រោះ ហើយបានឈ្លោះប្រកែកគ្នាជាខ្លាំង រហូតមានការប្រតាយប្រតប់វាយគ្នា។ ពេលនោះ ស្ត្រីជាម្ចាស់បំណុលហក់ធាក់ចំពោះស្ត្រីរងគ្រោះជាកូនបំណុល បណ្តាលឲ្យដួលចុករមួលពេញខ្លួន ហើយស្ត្រីជាជនដៃដល់ក៏ចុះទៅវិញបាត់ ។ លុះរហូតដល់ម៉ោង៤រសៀលស្ត្រីរងគ្រោះស្លាប់តែម្តង ទើបក្រុមគ្រួសារបានរាយការណ៍ជូនសមត្ថកិច្ចជួយអន្តរាគមន៍។
សមត្ថកិច្ចបានឲ្យដឹងថា ក្រោយពីទទួលបានដំណឹងនេះភ្លាម កម្លាំងសមត្ថកិច្ចបានចុះទៅត្រួតពិនិត្យ និងធ្វើកោសល្យវិច័យសពស្ត្រីរងគ្រោះដោយឃើញថា សពស្ត្រីជនរងគ្រោះមានស្នាមជាំនៅត្រង់ពោះយ៉ាងធ្ងន់ធ្ងរ ។ បន្ទាប់មក សមត្ថកិច្ចធ្វើកំណត់ហេតុប្រគល់សព ជូនក្រុមគ្រួសារយកទៅធ្វើបុណ្យតាមប្រពៃណី។
ជុំវិញនឹងករណីនេះ កម្លាំងសមត្ថកិច្ចជំនាញកំពុងធ្វើការស្រាវជ្រាវតាមចាប់ជនដៃដល់មកសាកសួរ និងកសាងសំណុំរឿងផ្តន្ទាទោសតាមច្បាប់៕
អត្ថបទ៖ សុខុម
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore